Azkena Rock Festival jaialdiko kontzertuak, egunez egun

Ekainaren 17an eta 18an Gasteizen egingo duten Azkena Rock Festival jaialdiak atzo itxi zuen aurtengo edizioko kartela, eta gaur bertan eman du kontzertuen banaketaren berri.

Fields of the Nephilim, The Vintage Caravan eta Sumisión City Blues taldeen zuzenekoak iragarri ostean, egun bakoitzean kartela nola geldituko den zehaztu dute.

Ostiralean, ekainaren 17an, Primal Scream eta Danzig igoko dira oholtza gainera, eta egun bat geroago aseko du The Who taldeak jarraitzaileen rock egarria. Larunbatean, Imelda May, Radio Birdman eta Refused taldeen txanda ere izango da.

Egunez eguneko banaketa

Sarrerak

Bi eguneko bonua 76 euroan dago salgai, eta 10 euro gehiago ordainduta bertan kanpatzeko aukera izango dute Azkena Rockera joaten direnek.