Nola joan Bilbao BBK Live 2016 festibalera garraio publikoan?
120.000 bat lagun izango dira, datorren asteburuan, Bilbao BBK Live 2016 festibalean. Beste behin, aurten uztailaren 7, 8 eta 9an, Kobetamendi rock musikaz gozatu nahi duen jendeaz beteko da; komeni da nabarmentzea hainbat modu daudela joateko Bilboko erdigunetik kontzertuak egingo dituzten gunera. Jarraian zehaztuko ditugu:
Autobusez:
-Bilbao BBK Live jaialdira joango direnek hogeita hamar bat doako anezka-autobus izango dituzte eskuragarri, bai Kobetamendira joateko bai eta bertatik bueltatzeko ere.
-Autobusak etengabe ibiliko dira Bilbotik Kobetamendira uztailaren 7ko 8:00etatik (osteguna da) hilaren 12ko 12:00etara (igandeko eguerdira). Hori bai, 16:00etatik aurrera autobusak Beyenaren lantegi zaharreraino iritsiko dira, hau da, kontzertu-eremutik 800 bat metroraino. Festibalera joango direnek oinez egin beharko dituzte 800 metro horiek; dena den, antolatzaileek eskaintzen dute autobus bereziko zerbitzua, mugikortasun murriztua duten pertsonentzat.
-Kobetamendira igotzeko, autobusak bi tokitan hartu ahal izango dira: BECen, Barakaldon (Ansioko Metro geltokitik oso gertu; autoa aparkatzeko 3.000 bat toki ere jarriko dituzte bertan), eta, Bilbon, Termibus autobus-geltokiaren ondoan (San Mames futbol-zelaiaren aldamenean, izen hori bera duen Metroaren geltokitik oso gertu, San Mameseko geltokitik oso hurbil, Kaputxinoak kalean).
Metroz:
-Bilboko Metroa ez da Kobetamendiraino heltzen, baina autobusak hartzeko bi puntuetatik gertu-gertu uzten ditu erabiltzaileak (BECetik eta Termibusetik oso gertu).
-Zerbitzu bereziak izango dira festibalaren hiru egunetan, eta maiztasuna ere ohi baino handiagoa izango da. Gainera, eta Bilbao BBK Live festibala dela eta, ostegun honetako gauean (uztailaren 7an) Metroak goizaldeko ordu batean berreskuratuko du zerbitzua, hiruretara arte; xedea da musika-festibalean izandako zaleek aukera zabalagoa izatea etxera bueltatzeko.
-Metroa asteburu osoan ibiliko da, etengabe, ostiraleko 6:00etatik igandeko 23:00etara arte, udako gainerako asteburu gutzietan bezala.
Taxiz:
-Bilbo osoan zehar beti egoten diren taxi-geltokiez gain, Lezeaga kalean beste bat jarriko dute, 12. zenbakiaren parean, Camino Kobetasen parean.
Trenez:
-Trena ez da Kobetamendira ailegatzen, baina ostiral eta larunbateko gauetan (uztailaren 8an eta 9an), Renferen Aldirietako trenak gau osoan ibiliko dira (kontsultatu ordutegiak hemen, Ezkerraldera eta Urduñara joateko).
Tranbiaz
-Bilboko tranbiak, Kobetamendira heltzen ez bada ere, ematen du aukera Termibus autobus-geltokira iristeko (bertan, aipatu bezala, autobusa hartu ahal da festibalera joateko).
-Basurtu eta San Mameseko tranbia-geltokiak Termibusetik oso gertu daude.
-Tranbiaren zerbitzua 23:00etan, gutxi gorabehera, amaitzen da.
Kontuan izatekoak:
-Kobetamendira ezin izango da auto pribatua erabiliz joatea asteazkeneko 12:00etatik (uztailaren 6ko eguerditik); ordu horretatik aurrera, baimendutako ibilgailuek, garraio publikoak eta akreditazioa duten auzokoek bakarrik izango dute aukera igarotzeko.
-Bilboko Udalak autokarabanak doan aparkatzeko zerbitzua bideratu du Zorrotzaurren; izan ere, Kobetamendikoa itxita egongo da.
Zure interesekoa izan daiteke
Nafarroako Orkestra Sinfonikoak Lorca eta Falla batuko ditu Nafarroako Unibertsitateko Museoan
Nafarroako Orkestra Sinfonikoak Manuel de Falla konpositorea eta Federico García Lorca poeta batuko ditu De lo local a lo universal kontzertuan, otsailaren 5ean, Nafarroako Unibertsitateko Museoan (MUN). Musika proposamena Fallaren jaiotzaren 150. urteurrenarekin bat dator, eta XX. mendeko abangoardiak aztertzen ditu. Ignacio García-Vidalek zuzendutako entsegua bisitatu dugu.
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.