Guns N’ Rosesen kontzerturako sarrerak, salgai
Guns N' Roses taldeak San Mames futbol estadioan (Bilbo) emango duen kontzerturako sarrerak ostiral honetan, abenduak 9, jarri dituzte salgai, 10:00etan. Sarrerak Last Tour antolatzailearen eta Guns N' Roses Bilbao webguneetan eskuratu ahal dira.
Last Tour antolatzaileak jakinarazi duenez, 22.500 sarrera baino gehiago saldu dituzte jada. Guztira 45.000 sarrera jarriko dituzte salgai. Emanaldia pistatik ikusteko sarrera batek 108 euroko prezioa du, esate baterako.
Sarrerak 60 eta 160 euro arteko prezioan (gastuak aparte) eskuratu daitezke. Orain arte, fan taldeko kideek eta American Express txartelaren jabeek soilik eskuratu ahal izan dituzte sarrerak, aldez aurretiko salmentan.
'Not in this lifetime' birari dagokio Bilbon emango duten kontzertua, eta emanaldi sorta horretan Europan emango duten bigarrena izango da, Irlandan joko baitute aurretik. 2006an Bilbon eta 2010ean Donostian aritu zen Guns N' Roses, baina bira honek haiek baino askoz jakin-min handiagoa piztu du, haietan ez bezala, Axl Rose kantaria Slash gitarrista eta Duff Mckagan baxu-jotzailea (taldearen formazio mitikoko kideak) lagun dituela etorriko baita.
Urte askoan liskar batean aritu dira 90eko hamarkadaren hastapenetan musikaren mundua hankaz gora jarri zuen rock taldeko kideak, eta une jakin batean "bizitza honetan sekula ez" zirela berriro batuko esan zuen Axl Rosek (hotik dator biraren izena), taldearen izenaren jabe izanik beste musikari batzuekin batera 2008an "Chinese democracy" diskoa egin eta urte hauetan guztietan Guns N' Rosesen errepertorioa batetik bestera eraman duen kantari ilegorria.
2016ko urtarrilaren 1ean, Axl Rose, Slash eta Duff McKagan jatorrizko taldekideak batuko zirela eta mundu mailako bira bat egingo zutela iragarri zuten, eta Ameriketatik pasatu da dagoeneko Guns N' Rosesen urakana. 'Use your illusion' disko bikoitzaren bira egin zutenetik 20 urte pasatu ondoren, kritikak onak izan dira oro har.
Bilbon kontzertua ikusteko pistako sarrerak 108 euroan jarriko dituzte salgai.
dituzte salgai. dituzte salgai.Zure interesekoa izan daiteke
Etzakitek kanta berria kaleratu du bere itzulera iragartzeko: “Hanka-punttetan”
“Hanka-punttetan” abestia kaleratu du Etzakit Hernaniko triki-pop taldeak. Horretan, taldeak lagun izan ditu Alaitz eta Maider, Maixa eta Itziar, Kristina eta Amaia, eta Gozategiko kideak. Etzakit taldea urtarrilaren 3an eta 5ean itzuliko da agertokira, Hernaniko Oialume dantzalekuan.
BECeko azken kontzerturako sarrera guztiak salduta, Pantxoa eta Peio beste aukera batzuk aztertzen ari dira
Bikote musikalak bere historiako azken emanaldia emango du 2027ko urtarrilaren 10ean, eta ordu gutxian agortu dira sarrerak, salgai jarritako egun berean.
Euskadiko Orkestrak aukeratu ditu bere musikariekin kantatuko duten 132 ahotsak
“Abestu Euskadiko Orkestarekin” ekimenari esker, 132 abeslari Euskadiko Orkestrari batuko zazizkio Iruñeko Baluarten, Donostiako Kursaalen eta Euskalduna Bilbaon Sorozabalen 'Euskalerria' eta Bizeten 'Carmen' operako 'Martxa eta abesbatza' kantatzeko.
Pantxoak eta Peiok "Urtxintxak" jo dute azken kontzertuaren aurkezpenean
Abeslari bikoteak 2027ko urtarrilaren 10ean joko du azken kontzertua, BECen. Emanaldi horren aurkezpen ekitaldian, "Urtxintxak" kantua jo dute.
Pantxoak eta Peiok 2027ko urtarrilean emango dute azken kontzertua, BECen
Kantariok 2027ko urtarrilaren 10ean eskainiko dute beren ibilbideko azken kontzertuan, BECen. Azken Dantza kontzerturako sarrerak abenduaren 18an jarriko dituzte salgai, 10:00etan.
Mariah Careyren gabon kantak 20 aste egin ditu AEBko zerrendetako lehen postuan, beste edozeinek baino gehiago
All I want for Christmas is you 1994an argitaratutako kantuak 20 aste bete ditu Billboard Hot 100 zerrendako toki gorenean, eta guztira 77 astez egon da abestia zerrenda horretan. Hot 100 zerrendak streamingeko, irrati zabalkundeko eta salmentetako datuak pilatzen ditu.
Pat Metheny, Diana Krall eta Marcus Miller, Donostiako Jazzaldian
Donostiako musika jaialdiaren 61. edizioa uztailaren 22tik 26ra egingo dute. Haien jaiotzaren mendeurrenean, Miles Davisi eta John Coltrane lau kontzertutan omenduko dituzte.
Gatiburen azken agurra, audientzian lider ETB1en
Musikarik, dantzarik eta festa girorik ez zen falta izan atzo bi ordu eta erdiz BECen. Talde bizkaitarra arrakastara eraman zuen 'Musturrek sartunde' kantuarekin amaitu zen askoren oroimenean iltzatuta geratu den kontzertua.
"Pozik, euforian" ekin diote Gatibuko kideek euren azken kontzertuari
25 urteko ibilbidearen ostean, abenduaren 13 honetan emango du Gatibuk azken kontzertua milaka lagunen aurrean, BECen. Kontzertua hasi aurretik, ETBrekin egon dira taldekideak eta garbi dute ez dagoela atzera bueltatik. Gaurko kontzertua agurra da, eta hemendik hilabetera pena, agian, etorriko den arren, une honetan "pozik, euforian" daudela esan dute.
Pablo Sarasaterenak izan ziren 55 objektu aurkitu dituzte
Pablo Sarasate musikari ospetsu eta hiriko seme kutunak hiriari emandako ondarea osatuko du Iruñeak, 1985ean lekualdaketa batean galdu ziren lau kutxatan gordeta zeuden 55 pieza berreskuratuta. Kaxa horietan, besteak beste, musikariak gordetzen zituen koadro eta eskulturak, argazkiak, arropak eta Felix Mendelssohn konpositore alemaniarraren eskuizkribu bat daude.