Ruben Bladesek Gasteizko jazz jaialdian abiatuko du agur bira
Ruben Blades panamar musikari eta politikariak Gasteizko Jazzaldian abiatuko du agur bira. Hain zuzen, uztailaren 11tik 15era egingo dute jaialdiaren berrogeigarren edizioa.
Bira honekin, ia berrogeita hamar urtez abeslari eta konpositore gisa egindako ibilbidea oparoa bukatutzat emango du Bladesek, ekoizpenean eta politikagintzan jarduteko. Denbora horretan guztian, 14 Grammy sari irabazi ditu, 25 disko baino gehiago grabatu ditu eta 35 pelikulatan baino gehiagotan aritu da Blades.
Jaialdiaren azken egunean joko du Bladesek Gasteizen, uztailaren 15ean, eta, haren emanaldiaren aurretik, “Woman to Woman” zazpi emakume batu dituen proiektuaz gozatzeko parada egongo da: Renee Rosnes pianista, Noriko Ueda kontrabaxua, Allison Miller bateria, Ingrid Jensen tronpeta, Anat Cohen klarinetea, Melissa Aldana saxofonista eta Cecile McLorin Salvant abeslaria.
Lau egun lehenago hasiko da jazz jaialdia, halere, uztailaren 11n, asteartearekin, eta The Brown Sister Chicagoko taldeak emango du aurreneko kontzertua.
Asteazkenean, hilak 12, Robben Forden gitarraren txanda izango da: gitarristaren blues, jazz eta rock nahasketa entzun ahal izango da, eta Larry Carlton lau Grammy sariren irabazleak ere joko du.
Aurten, jazzaren bi izar omenduko dituzte Gasteizen. Lehenengo ekitaldia ostegunean izango da, hilaren 13an, eta Thelonious Monk gogoratuko dute horretan. Lehen zatian, 1982an hildako musikariaren jo zuten lau pianistak joko dute: Kenny Barron, Cyrus Chestnut, Benny Green eta Eric Reed.
Gauaren bigarren zatian, TS Monk semeak berak joko ditu aita zenaren doinuak, seikote batek eta Nnenna Freelon kantariak lagunduta.
Ella Fitzgerald newyorktar abeslaria izango da bigarren omenaldiaren protagonista. 1982 eta 1983. urteetan Gasteizen zuzenean ikusi zutenek orduko kantu horiek gogoratu ahal izango dituzte uztailaren 14an, oraingoan Patti Austinen ahotan.
Horren aurretik, Mendizorrotzako agertokiak hari tresnak jotzen dituzten musikarien luxuzko hirukotearen bisita hartuko du: Jean Luc Ponty, Biréli Lagrène eta Kyle Eastwood.
Hasier Oleaga, XXI. mendeko Jazza sailean
XXI. mendeko Jazza atalak artista berri interesgarriak eramango ditu Printzipal Antzokian, eta uztailaren 11n, esaterako, Hasier Oleaga euskal herritarrak eta Jorge Rossy katalanak joko dute.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.