Gasteizek jazzari ongietorria egin, eta Ruben Blades agurtuko du
Gasteizko jazz jaialdiaren 41. edizioa gaur, asteartearekin, hasi eta, eta uztailaren 15ean bukatuko da, Ruben Bladesek agur biraren barruan Mendizorrotzan emango duen kontzertuarekin. Anartean, Monk eta Fitzgerald omenduko dituzte, eta gospelari eta bluesari tokia egingo diete.
Larunbatera arte, jazzak aginduko du Gasteizen, Mendizorrotzako eta Principal antzokiko agertokietan, Gauerdiko eta Kaleko jazz zikloetan eta hiriko ostalariek antolatu dituzten kontzertuetan.
Mendizorrotzako kiroldegiko agertoki nagusian, gospelak irekiko du programa, asteartean, Chicago The Brown Singers ahots boskotearen eskutik.
Asteazkenean, hilak 12, Larry Carlton kaliforniar gitarrista sentibera eta gozoak abiatuko du programa bikoitza, eta, haren ostean, Stanley Clarke jaialdiaren adiskideak joko du.
Hilaren 13ko gaua Thelonius Monken omenezkoa izango da, eta lau pianista handi batuko dituzte taula gainean horretarako: Kenny Barron, Cyrus Chestnut, Benny Green eta Eric Reed. Monken lanak joko dituzte, TS Monken, Theloniusen semearen, musika ere entzun ahal izango den gauean, Nnenna Freelon lagun duela.
Lan erdiak eginda, ostiralean, hilak 14, Jean Luc Pontyk, Bireli Lagrenek eta Kyle Eastwoodek, Clinten semeak, osatutako hirukoteak Ella Fitzgerald omenduko du, eta, ondoren, Patti Austinen ahotsaz gozatu ahalko da.
Larunbatean, uztailak 15, Woman to Woman arituko da lehenengo, jazz eszenako puntako zazpi emakume biltzen dituen taldea: Renee Rosnes, pianista eta musika zuzendaria; Anat Cohen, klarinetea; Melissa Aldana, saxo tenorra; Ingrid Jensen, tronpeta; Noriko Ueda, kontrabaxua; Allison Miller, bateria; eta Cecile McLorin Salvant, kantaria.
Gasteizko 41. jazz jaialdia Ruben Bladesek itxiko du, Roberto Delgadok zuzentzen duen orkestrarekin batera. Hain zuzen ere, Gasteizen abiatuko du panamar musikariak “Caminando, adiós y gracias” ia mende erdiaren ostean agertokiei agur esateko Europako bira.
Zure interesekoa izan daiteke
ETSk iragarri du hirugarren kontzertu bat egingo duela Buesan, aurreko bietarako sarrera guztiak saldu ondoren
Talde arabarrak iragarri du martxoaren 13an ere eskainiko duela "Etxean" ikuskizuna Gasteizen, martxoaren 19ko eta 20ko kontzertuetarako 30.000 sarrerak 24 orduan saldu ondoren.
Saldu dira ETSren Gasteizko kontzerturako sarrera guztiak, eta beste emanaldi bat iragarri dute
Arabako taldeak beste kontzertu bat emango du Buesa Arena pabiloian, martxoaren 19an, Gasteizen martxoaren 20rako iragarri zuten "Etxean" kontzerturako sarrerak berehala, ordubete luzean, agortu baitituzte.
ETSk kontzertua emango du 2027ko martxoaren 20an Buesa Arenan
Horixe iragarri du taldeak Madrilen emandako kontzertu jendetsuan. ETB On eta Primeranen ikusgai dago jada Madrilgo kontzertua.
?fmt=png-alpha&qlt=80)
Iñigo Etxezarreta: “ETSren formatu ezberdinak egongo dira etorkizunean”
ETS taldeak “Bihotzen konkista” kontzertua emango du larunbatean Madrilen, Movistar Arena beteko duten 16.000 lagunen aurrean eta ETB1en eta ETB ONen pantailez bestaldeko ikusleentzat. Iñigo Etxezarreta kantari eta gitarristarekin hitz egin dugu, horren aitzakian, honetaz eta hartaz, luze eta zabal.
?fmt=webp-alpha&qlt=80)
Pantxoa eta Peiok jasoko dute Adarra saria
Lapurtar bikote aitzindariak ekainaren 21ean jasoko du Donostiako Udalaren eta Donostia Kulturaren saria, Victoria Eugenia antzokian, eta kontzertua egingo du jarraian.
Pello Reparazek hiru kantu abestu ditu kalean, Bilbon,"Mitoaroa III" ikuskizunaren aurkezpenean
Zetak taldeko abeslariak Begi beltz, Hileta kantu nafarra eta Itzulera kantuak abestu ditu Bilbon, kalean.
“Mitoaroa III” ikuskizun “futurista eta aldarrikatzailea” izango da
Zetak taldeak agerraldia egin du gaur Bilbon, ekainaren 19an eta 20an San Mamesen zabalduko duen ikuskizunaren zertzelada batzuk aletzeko.
Zetakek Bilbo erdialdera eraman du "Mitoaroa III"
Mitoaroa III unibertsoko figurak Bilboko Kale Nagusira agertu dira, Zetak taldeak San Mamesen ekainaren 19an eta 20an egingo duen ikuskizunaren lagintxo bat erakusteko.
Live Nationek eta Ticketmasterrek kontzertuen merkatuan monopolioa ezarri dutela ebatzi du AEBko epaimahai batek
Bost astez epaiketa gidatu duen epaileak enpresek zer zigor jasoko duten zehaztu beharko du orain: isunak, kalte ordainak edo negozio eredua aldatzeko eginbideak. Live Nationek adierazi du “handia eta arrakastatsua izatea” ez dela legez kanpokoa.
Xabier Anduagak “Werther” Masseneten opera egingo du Bartzelonan
Maiatzaren 2tik 17ra taularatuko du donostiar tenorrak Goetheren eleberrian oinarritutako opera. Lehenago, apirilaren 19an, gala liriko bat egingo du Liceun bertan, Pretty Yende hegoafrikar sopranoarekin batera. Gainera, Talia Arte Eszenikoen Espainiako Akademiaren sarietarako izendatuta dago Anduaga, lirikako gizonezko interprete onenaren atalean, La sonnambula operan egindako lanagatik.