Albiste da
Jaialdia
Gorde
Kendu nire zerrendatik

The Strokes eta Rosalia BBK Live jaialdiko izarrak izan dira bigarren egunean

Bilbao BBK Live jaialdiak 40.000 pertsona bildu ditu, eta jaialdian gau magikoa igaro duten herritarrek, “mundu mailako izar handiek” eskaini duten ikuskizunarekin gozatzeko aukera izan dute.
Rosalia, Bilbao BBK Live jaialdian.
Rosalia, Bilbao BBK Live jaialdian. Argazkia: Last Tour

Bilbao BBK Live jaialdiak 40.000 pertsona bildu ditu ostiral honetan Kobetamendin, XIV. edizioaren bigarren egunean. The Strokes eta Rosalia zuzenean ikusteko sarrerak agortuta, Bilbo jendez gainezka egon da, Last Tourrek nabarmendu duenez.

Jaialdian gau magikoa igaro duten herritarrek, “mundu mailako izar handiek” eskaini duten ikuskizunarekin gozatzeko aukera izan dute. Rosaliak, “ikuskizun paregabea” eskaini du Bizkaiko hiriburuan, eta ikus-entzuleek bat egin dute berarekin, agertokira igo den unetik bere abesti guztiak kantatuz eta dantzatuz. Kontzertua gauerdira arte luzatu da.

Gaueko beste une ahaztezin bat Thes Strokes taldearekin iritsi da. Bertaratutakoek gure herrian emango duen kontzertu bakarraz gozatzeko aukera izan dute, eta XX. mendeko bandarik onenetakoa zergatik diren erakutsi dute, orain arte argitaratu dituzten bost diskoetako abesti onenen eta ezagunenen errepasoa eginda.

Julian Casablancas buru duten zeelandaberritarrek, "Heart in a Cage" eta "you only live" abestiekin eman diote hasiera ikuskizunari.

Antolatzaileek doako autobus-zerbitzua indartu dute, puntako orduetan jendetza izango zela aurreikusi baitute.

Larunbat honetan, Weezer, The Good, The Bad & The Queen eta beste 30 artisten txanda izango da.

Larunbata, uztailak 13

Nagusia

18:25 CUPIDO

20:15 NATHY PELUSO

22:55 WEEZER

01:40 HOT CHIP

Bestean

17:40 NØGEN

19:15 NADIA ROSE

21:25 THE GOOD, THE BAD & THE QUEEN

00:20 VINCE STAPLES

Gora!

17:30 SERRULLA

19:20 CALA VENTO

21:45 KERO KERO BONITO

00:30 HVOB live

03:00 CUT COPY

04:15 CHARLOTTE ADIGÉRY

05:00 2MANYDJS dj set

Txiki

18:50 ALIEN TANGO

20:30 VIAGRA BOYS

23:20 SHAME

01:30 PONY BRAVO

Firestone

18:00 LAS LIGAS MENORES

19:35 PERRO

22:00 BOY AZOOGA

Basoa

17:00 ALICIA CARRERA

19:00 TAMA SUMO

22:00 DJ DUSTIN

01:00 TODD TERJE dj set

04:00 JOHN TALABOT

Lasai

19:00 FENNA FICTION

21:00 SACHA MAMBO

23:00 NINJA

01:00 PHUONG-DAN

03:00 NUEL

Zure interesekoa izan daiteke

Zea Mays, estudioan
18:00 - 20:00
ZUZENEAN
Duela  min.

Zea Mays disko berria grabatzen hasi da, Ingalaterran

Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita". 

gontzal mendibil
18:00 - 20:00
ZUZENEAN
Duela  min.

Gontzal Mendibil: “Ekitea gustatzen zait, eustea baino gehiago”

Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek.  Emanaldiaren atarian, entsegu betean harrapatu eta berarekin hitz egin dugu, honetaz eta hartaz.

Gehiago ikusi
Publizitatea
X