Luis de Pablo musikagileak jasoko du Veneziako Biurtekoren Urrezko Lehoia
Luis de Pablo euskal musikagileak Urrezko Lehoia jasoko du Veneziako Biurtekoan, antolatzaileek asteazken honetan iragarri dutenez. Antolatzaileek haren "fantasia aparta" eta musika garaikidean utzi duen arrastoa nabarmendu dituzte.
Ivan Fedele Musikako Biurtekoaren zuzendariak adierazi duenez, De Pablo (Bilbo, 1930) "musikagile handia da", musika garaikidearen garairik erabakigarrienak gaztetxo baten kemenaz zeharkatu ditu", modei men egin gabe.
"Fantasia aparta du, katalogo izugarria, eta ez zen inoiz modetara makurtu, beti bilatu baitzuen oholtza propio bat", azpimarratu du Fedelek prentsaurreko telematiko batean, eta, bide batez, iragarri du musikari bilbotarrak irailaren 25etik urriaren 4ra bitartean egingo den jaialdian jasoko duela saria.
Musikako Zilarrezko Lehoia Raphael Cendo (Niza, 1975) argentinar jatorriko frantziar konpositorearentzat izango da, "saturazioaren" korronte estetikoari hasiera emateagatik, adierazi du Fedelek.
"Korronte, saturazio eta estetika oso berezi eta interesgarri bati hasiera eman dion konpositorerik gazteena da (...). Duela urte batzuk gazte askok jarraitutako bidea egin zuen", gaineratu du zuzendariak.
Gainera, Maria Jose Ribot madrildarrak (Madril, 1962) Dantzako Urrezko Lehoia jasoko du, urriaren 13tik 25era bitartean. 1980ko hamarkadan, Espainiako trantsizio demokratiko betean, eragin handiena izan duen koreografoetako bat dugu Ribot.
Antolatzaileek, "berezko definizioaren arabera, diziplinarik gabeko artista" gisa definitu zuten, eta bi hamarkada baino gehiagotan "arte koreografikoaren munduan nortasun paregabea" izan duela nabarmendu dute.
Dantzako Zilarrezko Lehoia Claudia Castelluccirentzat izango da.
Dantza Biurtekoan, Bartzelonan egoitza duen Maria Campos kataluniarraren eta Guy Nader libanoarraren konpainia independenteak eta Jone San Martin euskal koreografoak parte hartuko dute, besteak beste.
Irailaren 14tik 25era bitartean egingo den Antzerki Biurtekoan, Franco Visioli diseinatzaile italiarrak Urrezko Lehoia jasoko du eta Alessio Maria Romano pedagogo gazteak, ordea, Zilarrezkoa.
Veneziako Biurtekoak, hala, urte honetarako datak berretsi ditu, koronabirusaren pandemia tarteko, eta Zinema Mostraren 77. edizioaren ospakizuna ere mantendu du, irailaren 2tik 12ra bitartean egitea aurreikusita zegoena.
Zure interesekoa izan daiteke
Bad Bunnyk historia egin du Grammy sarietan, eta ICEren aurkako aldarria egin du: "Ez gara basatiak, gizakiak gara, eta amerikarrak"
Bad Bunny abeslari puertorricarrak ICEren ekintzak gaitzetsi ditu Grammy saria jasotzean: "Jainkoari eskerrak eman aurretik, ICE kanpora esango dut". Billie Eilishen hitzaldia ere argia eta zuzena izan da: “Inor ez da ilegala lapurtutako lurraldean”. Beste batzuek ere salatu zuten Trumpek migratzaileekin eta horren kontra protestatzen ari direnekin duen jokabidea.
Grammy sarien 68. edizioko palmaresa
Kendrick Lamarreck bereganatu ditu sari gehien Grabazio Arte eta Zientzien Ameriketako Estatu Batuetako Akademia Nazionalaren sarien gauean.
Grammy sariak irabazi dituzten artistek ICEren aurka egin dute oholtza gainetik
Grammy sarien 68. edizioa egin dute bart, Los Angelesen, eta Bad Bunnyk, Billie Eilishek eta beste hainbat artistak ICE kritikatu dute oholtza gainetik. Kendrick Lamarrek batu ditu sari gehien, eta Olivia Dean izendatu dute artista berri onena.
Bruce Springsteenek ICE Minneapolisen zabaltzen ari den indarkeriaren kontrako abestia argitaratu du
Streets of Minneapolis bi egunean idatzi eta grabatu du New Jerseyko musikariak, “hiria suntsitzen ari den Estatu-izuaren” aurrean, eta “bizilagun migratzaile errugabeei eta Alex Pretti eta Renee Goodi”, AEBko Immigrazio Kontrolerako eta Aduanetarako Zerbitzuaren esku hildako herritarrei, eskaini die.
Neil Youngek bere musika doan jarri du groenlandiarren eskura
Kanadar musikariak bere katalogoa Amazon Music plataformatik aterako duela ere iragarri du, eta kantu horiek eta hainbat film Groenlandiako herritarrei urririk lagatzea erabaki du, AEBren anexio mehatxuaren aurrean.
Elkar argitaletxea zigortu dute, Hertzainak taldearen kantuak baimenik gabe ustiatzeagatik
Donostiako merkataritza epaitegi batek 21.473,05 euroko kalte-ordaina aitortu die taldeko hiru kideri, “kalte ekonomiko eta moralagatik”. Epaia ez da irmoa, eta helegitea aurkez daiteke Gipuzkoako Auzitegian.
Zea Mays disko berria grabatzen hasi da, Ingalaterran
Errekaldeko taldeak hainbat kantu landu ditu Dave Izumi ekoizlearekin batera, eta grabazioa datozen hilabeteetan osatuko du, hainbat estudiotan, urte amaieran disko berri bat argitaratzeko helburuarekin. Laukoteak Dave Izumi ekoizlearekin (Billy Bragg, Natalie Imbruglia, James Bay...) lan egin du grabazioaren lehen fase honetan. Taldeak aurreratu duenez, lan berriak "etapa berri bat markatuko du taldearen ibilbidean, 30 urteko ibilbidera hurbiltzen ari baita".
Abian da Euskal Herriko Orkestra Barrokoa
Euskal Herriko eta kanpoko musikariez zein musika barrokoaren interpretazioan formatzen ari diren gazteez osatuta dago taldea. Otsailaren 26an Arriaga antzokian (Bilbo) eta otsailaren 28an Kursaalen (Donostia), "Masquarade" ikuskizuna aurkeztuko dute. Enrike Solinis zuzendari artistikoak gidatuta, entsegu irekia egin dute Galdakaoko Torrezabal kultur etxean.
Gontzal Mendibil: “Ekitea gustatzen zait, eustea baino gehiago”
Zeanuriko musikariak mende erdiko ibilbide musikala ospatuko du asteazkenean, urtarrilak 21, Arriaga Bilboko antzokian. Kantu zerrendan, ez dute huts egingo “Bagare”, “Herria maitatzeko” “Kapitalismoak” eta “Merezi ote”ren mailako kantu historikoek, eta abesti berriagoak ere entzungo dira. Aurrerago jarraipena izango duen formatu honetan (kontzertu gehiago egongo dira), zortzi musikari, bi korista, Beti Jai Alai dantza taldea eta Easo abesbatza izango ditu lagun Mendibilek. Emanaldiaren atarian, entsegu betean harrapatu eta berarekin hitz egin dugu, honetaz eta hartaz.
Soziedad Alkoholika eta The Toy Dolls, Bonus Track Durangoko jaialdian
Landako Guneak jaialdiaren bigarren edizioa hartuko du apirilaren 18an, eta oholtza gainean izango dira Segismundo Toxicómano, Kaos Urbano, Kaotiko, Josetxu Piperrak, Juantxo Skalari, El Último Ke Zierre, Manifa, Alfredo Piedrafita, Dinamita eta Disolventex.