20-21 denboraldia
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Euskadiko Orkestrak Mozart eta Sibeliusen eskutik ekingo dio berriz denboraldiari

Denboraldi honetan lehenengoz, orkestra Iruñera iritsiko da Robert Treviñok zuzenduko duen kontzertu sorta honetan.
Robert Treviño eta Euskadiko Orkestra
Robert Treviño, Euskadiko Orkestra zuzentzen
author image

N. V. | EiTB Media

Azken eguneratzea

Ostiral honetatik, urtarrilak 15, hurrengo asteko ostiralera arte, urtarrilak 22, Euskadiko Orkestrak kontzertu programa berria eskainiko du. Gainera, Iruñeko Baluarte auditoriumeko jarduera berreskuratuko du, urriaren 1ean bertan denboraldia inauguratu zuenetik ezin izan baita itzuli, covid-19arekin lotutako murrizketen ondorioz.

Kontzertu-programa honetako bakarlari gonbidatuak, Behzod Abduraimov pianistak, ez du azkenean bertaratzerik izango, eta, ondorioz, Euskadiko Orkestrak saio bakoitzeko programen lehen zatia aldatu behar izan du. Hartara, Wolfgang Amadeus Mozarten heldutasuneko bi sinfonia interpretatuko dituzte: 36. eta 41. sinfoniak.

Kontzertuen bigarren zatian, Jean Sibeliusen bi sinfonia entzun ahal izango dira, Robert Treviñok, denboraldi honetako gai nagusia Erromantizismoa dela eta, hala aukeratuta. 3. Sinfonia eta 4. Sinfonia izango dira.

Guztira, hamabi saio eskainiko dituzte, egungo murrizketak kontuan hartuta ezingo bailitzaieke, bestela, abonatu guztiei sarbidea eman. Sei Donostiako Kursaal Auditoriumean egingo dituzte, urtarrilaren 15, 18 eta 21ean (17:30ean eta 19:30ean); bi Bilboko Euskalduna Jauregian, hilaren 16an (17:00 eta 19:30); bi Iruñeko Baluarte Auditoriumean, hilaren 19an (18:00 eta 20:15); eta beste bi Gasteizko Principal Antzokian, 22an (17:30 eta 19:30).

Euskadiko Orkestrak Erromantizismoari begiratuko dio 2020/2021 denboraldian
Musika Bilbo Iruñea Donostia Euskalduna Jauregia Gasteiz Euskadiko Orkestra

Zure interesekoa izan daiteke

zetak mitoaroa pello reparaz
18:00 - 20:00
ZUZENEAN
Duela  min.

Zetakek erresistentziaren, oroimenaren eta irudimenaren gotorleku bilakatu du San Mames

2084an kokatutako distopia futurista baten bidez, musika, antzerkia, ikus-entzunezkoak eta performancea uztartu zituen bart Zetak taldeak San Mamesen, 40.000 ikusleren aurrean. Une hunkigarrienetakoa Jose Angel Iribarrek eta Inaxio Kortabarriak estadioko pasabide nagusia zeharkatu zutenekoa izan zen, ikurrina eta Nafarroako bandera eskuetan hartuta, 1976ko Atotxako desobedientzia-ekintza gogora ekarriz.

Gehiago ikusi
Publizitatea
X