"Euskorleans", Jazzaldiaren atarian
Jazz doinu-erritmoak darizkio Donostiari dagoeneko. Dena prest dago uztailaren 21etik 25era 16 agertokitan 90 kontzertu baino gehiago hartzeko: Trinitate Plaza, Keler Gunea (Zurriola hondartza), Kursaal Auditorioa, FCC Victoria Eugenia Antzokia, Skoda San Telmo Museoa, Frigo Gunea, Fnac Gunea, Chillida Leku, Kutxa Fundazioa (Tabakalera), Club Aretoa, Nauticool, Garbera, San Martin Merkatua, Irun, Fnac Foruma eta Maria Cristina hotela.
Eta nork jarriko dute musika agertoki horietan, bada? Askotarikoa eta indartsua da Donostiako 58. Jazzaldiak ekarriko dituen artisten errenkada: Norah Jones, Ben Harper, Joss Stone, Pat Metheny, Village People, Abdullah Ibrahim, Kenny Barron, Enrico Rava, Bill Frisell, Tiken Jah Fakoly, Yosuke Yamashita, Fred Wesley & The New J.B.'s, Jerry Bergonzi, Eri Yamamoto, Bamba Wassoulou Groove, Michele Hendricks & Ronald Baker Project…
Norah Jones estatubatuarra (New York, 1979) Donostiara ekartzea, berbarako, aspaldiko gurari handi zuen Miguel Martin musika jaialdiaren zuzendariak, eta publikoak erantzun egin du. Bat-batean agortu ziren sarrerak (95 euroan) "Come away with me" jazza eta popa uztartzen dituen diskoarekin arrakasta itzela lortu zuen pianista, gitarrista eta kantariak larunbatean Kursaalen emango duen kontzerturako.
Beste kontzertu handi batzuk izango dira, hala nola Kenny Barron Euskal Herriko Gazte Orkestrarekin batera (Kursaal) ostiralean, Ben Harper & The Innocent Criminals (Kursaal, sarrerak guztiak salduta) eta Abdullah Ibrahim Trio (Trinitate plaza) igandean, Pat Metheny (Kursaal, dena salduta) astelehenean eta Rocio Marquez eta Bronquio (Kursaal) asteartean.
Gainera, Keler Zurriolako hondartzako agertokiak hainbat kontzertu handi eskainiko ditu (Village People, Viva Suecia, ZETAK) eta beste euskal talde eta bakalari ere arituko dira Donostiako Jazzaldian: Elena Setien, Arima Soul, Xahu, Motelas, Arnaud Labastie Trio, Nakar, Mikel Legasa's Quintet, Kinkfolk, Ramada Inn…
"Euskorleans"
Hain zuzen ere, Euskorleans kalejirak jarriko du Jazzaldia abiatzeko bezperan, uztailaren 20an, datorrenari dagokion giroa. Kukai Dantzaren eta L.M. Moreno "Pirata" musikariaren arteko elkarlanetik sortutako proiektuak euskal musika eta dantza, brass bandak eta New Orleanseko Jazza uztartzen ditu, Fermin Muguruzak "Irun meets New Orleans" disko hartan egin zuen bezala.
Sagueseko zabalgunean 19:00etan hasita, jai giroa zabalduko du Kursaalera (aparkalekurako sarbide inguruan), Boulevardeko Kioskora eta Nautikora eginda. Geldialdi bakoitzean, 20-25 minutuko dantza piezak egongo dira.
Sariak
Donostiako Jazzaldiak Abdullah Ibrahim hegoafrikarra, Enrico Rava italiarra eta Yosuke Yamashita japoniarra sarituko ditu aurtengo edizioan, 58.ean, beraien ibilbidea goraipatzeko.
Albiste gehiago musika
Piano-afinatzailea, Gasteizko Jazzaldian beharrezkoa bezain ezezaguna den figura
Luis Padillak 30 urte baino gehiago daramatza pianoak afinatzen. Soinu proba bakoitzaren aurretik, Luis bere tresnekin joaten da instrumentua prest jartzera. Bere helburua ñabarduren sentsibilitatearen eta indarraren arteko oreka bilatzea da.
Donostiako Jazzaldiari begira, San Telmo Museoan
1966tik, Donostiako Jazzaldiaren lehen ediziotik, 2024ra bitartean jaialdiko kontzertuetan egindako 200 argazki erakusten ditu Laborategia aretoan ikusgai dagoen bildumak. Lolo Vasco Jazzaldiko egungo argazkilariak komisariatu du. (Musika: Marco Mezquida, "Tornado").
2025eko Bilbao BBK Live jaialdia: lehen aldiz, bisitarien batez besteko adina jaitsi da
115 000 pertsona baino gehiago bildu ditu hiru egunetan aurtengo edizioak, eta horietako askorentzat lehen aldia zen. 2026ko Bilbao BBK Live jaialdia uztailaren 9, 10 eta 11n ospatuko da.
Jazza Parkean, 12 orduz etenik gabeko emanaldiak Gasteizko Prado parkean
Gasteizen, datorren astean hasiko dena Jazzaldia da. Horren atariko, musika herritarrei hurbiltzeko ekimena antolatu du EITBk, Prado parkean.
Bilbon barrena kontzertuak entzunez ari dira motorrak berotzen melomanoak
BBK LIVE jaialdia azken egunetara iristen ari da. Hala ere, larunbatean kontzertuak eskaini dituzte Bilbon barrena, melomanoek motorrak berotu ditzaten.
Bad Gyalen reggaetoi doinuek Bilbao BBK Live jaialdia bete dute
Ekaitzaren ondorioz, Kataluniako abeslaria 20 minutuko atzerapenarekin azaldu da oholtza gainean, baina dena dela, kontzerturik jendetsuenetako bat izan da.
Kneecap taldearen kontzertua, Palestinaren aldeko aldarri bihurtuta
Palestinari elkartasuna adierazteko emanaldi sendoa eskaini du Ipar Irlandako hirukoteak Bilbao BBK Live jaialdiko agertokian.
Euri jasak, haize eta trumoiekin batera, BBK Liveko gaueko programazioa lausotu du, Amaia eta Rayeren emanaldiak zapuztuz
Jaialdiaren azken egunean, Kylie Minogue australiarra izango da oholtza gainean, baita Carolina Durante, Nathy Peluso eta Damiano David ere.
Kylie Minogue, Nathy Peluso, Damiano David eta Fat Dog, Kobetamendiko festa burutzeko
Bilbao BBK Livek aurtengo edizioko azken gaualdia du gaurkoa. Malko, Amateur, Janus Lester, Viva Belgrado, Sparks eta Carolina Durante ere ageri dira gaurko kartelean.
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera ere erabilita, arazorik gabe aritu dira politikaz eta gizarte arazoez, eta jaia pizten iaioak direla erakutsi dute agertokiaren gainean.