2024a, musikaz blai
Bitxia da: 2023a Altxerri aretoari behin betiko eta Dokari behin-behinean agur esanda itxi berri dugu, baina zuzeneko musikaren sektoreak formatu ertain eta handiko kontzertuen agenda bete-betea eskaintzen du Euskal Herrian 2024rako.
Hasteko, IZARO mallabiar musikariak aretoak beteta hasiko du, gaur Bilbon (Euskalduna) eta bihar eta etzi Donostian (Kursaal), "cerodenero" disko berria aurkezteko bira. Hilaren 27an Hazparnen izango da IZARO, otsailaren 3an Gasteizen, martxoaren 9an Azpeitian, martxoaren 10ean Iruñean eta apirilaren 6an Donibane Lohizunen.
Azken lanean molde elektronikoxeagoetara egin duen kantariaren disko eta bira berri horri kaixo esango diogun gisa berean, nolanahi den, hainbat talderi agur esatea ere tokatuko zaigu. Oholtza gainean agurtuko dira 2024 honetan, gutxienez tarte batez, Willis Drummond (urtarrilak 5, Intxaurrondo Kultur Etxea), Huntza (Azkena Balitz Bezala kontzertua, otsailaren 3an Bilbao Arenan), Liher (Gasteiz, Bilbo eta Donostia urtarril, otsail eta martxoan) eta Anestesia (Azken Heriotza bira, apirilaren 6tik ekainaren 8ra, Biarritz, Donostia, Atarrabia, Bilbo eta Gasteizen).
Jaialdien segida ez da apalduko hasi berri dugun urtean, eta Iruña Rock izango da horietan lehena, martxoaren 1ean eta 2an, Nafarroa Arenan, kartelean direla Soziedad Alkoholika, Los Chikos del Maíz, Zea Mays, Zoo, ETS eta Iseo & Dodosound, besteak beste.
Iruñeko jaialdiaren lekukoa ZEID Festek hartuko du (apirilak 13, BECen, Bulego, Zoo…), eta gero etorriko dira Music Legends (ekainak 14 eta 15, Bilbao Arenan, Deep Purple, Canned Heat…), Azkena Rock Fest (ekainak 20-22, Gasteizen, Queens Of The Stone Age, Sheryl Crow, Jane's Addiction…), EHZ (ekainak 28-30, Arberatz) eta Bilbao BBK Live (uztailak 11-13, Kobetan, Arcade Fire, Jungle, Massive Attack…), baita Gasteizko eta Donostiako jazzaldiak ere, horiek ere uztailean.
Esan bezala, gertu-gertuko kontzertuetan komeriak badira ere (oro ez da urre zuzeneko musikan, eta urri dira zenbaitetan jotzeko tokiak, publikoa eta, hortaz, musikarientzako baldintzak), formatu handiko kontzertuetan bata bestearen atzetik kateatzen dira sold out-ak. Horren erakusgarri, gurean izango dira 2024an Depeche Mode (BEC, martxoak 21), Los Tigres del Norte (Nafarroa Arena, apirilak 13) Estopa (BEC maiatzak 11 eta Nafarroa Arena irailak 28), Maná (BEC, ekainak 29), Rammstein (Reale Arena, ekainak 5), Judas Priest (Nafarroa Arena, ekainak 15) eta Luis Miguel (Nafarroa Arena, uztailak 3), eta Ura Bere Bidean kontzertu handia ere egingo da BECen, urriaren 25 eta 26an (sarrerak agortuta, bigarren data horretarako).
Musika, beraz, ozen entzungo da 2024an gurean, publikoaren gozagarri.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.