Errobi bueltan da, eta kontzertua eskainiko du maiatzaren 4an, Bilbon
Errobi folk, rock eta pop talde historikoak kontzertua eskainiko du maiatzaren 4an Bilbon, bere sorreraren 50. Urteurrena ospatzeko. Anje Duhalde eta Mixel Ducau taldearen sortzaileak buru direla itzuliko da Errobi, eta Euskalduna jauregian joko dute, 19:00etan hasita. Sarrerak salgai daude dagoeneko, 30 euroko prezioan (gehi banaketa gastuak).
Bi kide nagusiok gitarraz eta ahotsez arduratuko dira (Duhalde kantuan ibiliko da batik bat, artrosiak zaildu egiten baitio gitarra jotzea), eta beraiekin batera izango dira Txomin Duhalde baterian, Iñigo Telletxea baxuan eta Rémi Gachis gitarran, Duhalderen bakarkako ibilbideko ohiko kideak.
Errobi pop rock progresiboko taldea Lapurdin sortu zuten, 1973an, Anje Duhaldek eta Mixel Ducauk. 1985ean atera zuten azken diskoa, Agur t'erdi.
Kontzertuaren aurkezpenean, Duhaldek azaldu du ateak "irekita" daudela itzulera hau luzatzeko aukerarik badago. Entseguak abiatu dituzte dagoeneko, eta kantuak "zaharberritu".
Zure interesekoa izan daiteke
Alejandro Espinosa, pianoen doinua zaintzen duen profesionala
BIMEk musika arloko ehunka profesional bildu, eta 70 kontzertu eskainiko ditu Bilbon
Honela trebatzen dira kantu klasikoko belaunaldi berriak Donostiako Musikene zentroan
Latzen taldearen "Laztana" kantuak 30 urte bete ditu
Exkixuren bideoklip berria: “Amaiur” (2026)
Exkixu taldea itzuli da
Igor Arzuaga musikaria zendu da
Nøgen taldeak azken diskoa eta agur bira iragarri ditu
The National taldea Kursaalen izan da gonbidatu askorekin batera
