Music Legends jaialdiak dena du prest rock klasikoaren jairako
BBK Bilbao Music Legends jaialdirako hilabete eta erdi falta dela, antolatzaileek ekainaren 14an eta 15ean Bilbao Arenan egingo dituzten kontzertuen ordutegiak iragarri dituzte. Hirugarren harmailako sarrerak baino ez dira gelditzen salgai, 65 euroko prezioan.
Ekainaren 14an, ostiralarekin, agertoki gainean egongo dira Susan Santos; The Jayhawks americana talde ezaguna; The Pretenders, Chrissie Hynde buru dela, noski; eta The Screamin' Cheetah Wheelies.
Biharamunean, ekainaren 15ean, Petti izango da jotzen lehena, eta beratarraren ondoren joko dute Canned Heat mitikoek, Deep Purple erraldoiek eta Blues Pills blues rock taldeak.
Halaber, pistako edo harmailako 1. edo 2. mailako sarrerak dituztenak Voodoo Child Bar eremura sartu ahalko dira, Arnau & The Honky Tonk Losers, Ziin & The Melody Breakers eta Sotomonte (ostiralean), zein Kinki Boys, Nevadah eta The Ribbons (larunbatean) ikustera. Harmailako hirugarren mailako sarrerak dituztenak ezingo dira eremu horretara sartu "segurtasun eta ebakuazio arrazoiengatik".
Hauek izango dira, beraz, Music Legends jaialdiko ordutegiak:
Ekainak 14, ostirala
Ateak 18:00etan irekiko dira
18:30 SUSAN SANTOS
20:20 THE JAYHAWKS
22:10 THE PRETENDERS
00:30 THE SCREAMIN' CHEETAH WHEELIES
Voodoo Child Bar:
19:35 Arnau & The Honky Tonk Losers
21:25 Ziin & The Melody Breakers
23:45 Sotomonte
Ekainak 15, larunbata
Ateak 17:30ean irekiko dira
18:00 PETTI
19:50 CANNED HEAT
21:45 DEEP PURPLE
00:00 BLUES PILLS
Voodoo Child Bar:
19:05 The Ribbons
20:55 Nevadah
23:20 Kinki Boys
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.