Jamie Cullum, The Beach Boys, Marc Ribot, Dave Holland eta Dee Dee Bridgewater, Jazzaldian
Donostiako Jazzaldiak 60. edizioa izango du 2025ekoa, eta uztailaren 22tik 27ra Gipuzkoako hiriburuan izango diren kontzertuetako batzuk aurkeztu ditu musika jaialdiak, hain zuzen, Trinitate plazako, Kursaaleko, Victoria Eugeniako eta San Telmoko agertokietakoak eta doakoetako batzuk.
Ordainpeko kontzertuetarako sarrerak abenduaren 19an jarriko dituzte salgai, ostegunarekin, 10:30ean, leihatilan eta webgunean.
Uztailaren 22an hasiko da Kursaaleko programazioa, Jamie Cullum Jazzaldiaren aspaldiko lagunaren eskutik; Cullumek bigarren kontzertu bat egingo du, gainera, uztailaren 23an, Zurriola hondartzan, doan.
Cullumez gain, Kursaaleko oholtzan joko dute The Beach Boysek (uztailak 23), Yerai Cortesek (uztailak 24), Hermeto Pascoal brasildarrak (uztailak 25), Andrew Birdek (uztailak 26) eta Oscar Peterson Centennial Conert omenaldiak (uztailak 28).
Trinitate plazan, lau kontzertu izango dira. Uztailaren 24an, Steve Coleman eta Kurt Elling izango dira, azken hori Yellowjacketsekin Weather Report taldearen abestien bertsioak jotzen. Ostiralean, hilak 25, Marc Ribot eta Dee Dee Bridgewaterren txanda iritsiko da; uztailaren 26an Crosscurrents Triok (Dave Holland kontrabaxuan eta Chris Potter saxofoian) eta Chief Adjuahk joko dute; eta uztailaren 27an Marco Mezquida pianistaren eta Chicuelo gitarristaren hirukoteak eta Melody Gardotek.
San Telmoko klaustroan Baptiste Trotignon, Bojan Z eta Pierre de Bethman pianistek, Marc Ribotek eta Kirk Knuffke kornetistaren laukoteak joko dute, eta Victoria Eugenian Jazzeñe programa izango da.
Halaber, doako kontzertuetako izen batzuk ere iragarri dituzte Jazzaldiko arduradunek: Clare Martin, Jessie Gordon, PianoForte pianisten laukotea, War & Treaty, Lew Tabackin, Jordina Millà, Bulego, Crystal Murray eta Judith Hill.
Jazzaldiaren 60. edizioaren kartela Jose Luis Lanzagorta diseinatzaile grafiko eta musikariak (Orquesta Mondragon, Puskarra, Amateur, La Buena Vida…) egin du, hamabigarrenez.
Zure interesekoa izan daiteke
ZETAKen Mitoaroa III ikuskizun historikoa, zuzen-zuzenean, larunbatean, San Mamesetik, ETB2n eta ETB ONen
Ostegun honetan, Mikel Reparaz kazetariak Pello Reparazi elkarrizketa zabala egingo dio. Ikusgai izango da ETB1en (21:45ean) eta ETB2n (23:15ean), "Bizi Natura" saioaren ondoren
Azkena Rock Festival: rock-and-rolla besterik ez, baina atsegin dugu
Ostegunean hasiko da, Gasteizen, euskal rockzaleen urteko hitzordu behinena, kutsu klasikoz, ohi bezala, Alice Cooper, The Adicts, Circle Jerks, Evaristo, Superchunk, Therapy? eta Social Distortionen eskutik berbarako, baina gaur-gaurko taldeekin ere, hala nola Carpenter Brut, Hallas, 70eko oihartzunak gorabehera, Alcalá Norte eta Sleaford Mods.
Peiremans+ taldeak abenduko birako kontzertuetako sarrera guztiak saldu ditu
Gorka Urbizuk, Imanol Ubedak, Marino Goñik eta Txikik osatzen duten taldeak minutu gutxian saldu ditu Biarritzen, Azpeitian, Gasteizen, Iruñean, Donostian eta Bilbon eskainiko dituzten emanaldietarako txartel guztiak.
Honelakoa izango da Juanes, Antonio Orozco, Rigoberta Bandini eta Süneren kontzertua ostiral honetan, Bilbon
Emanaldiak Casilda Iturrizar parkean izango dira ostiralean, ekainak 12, 16:00etatik 22:00etara, eta 23:00etatik 23:30era 1.500 dronek ikuskizuna egingo dute Bilboko zeruan.
Kode: “Mugatuak sentitzen ginen hastapenean genuen rock estiloan”
Kode bikoak “Suntsitu.001” EPa kaleratu du, punk rockaren bizitasuna, elektronikaren espantsioa eta lelo biribilen erakarmena uztartzen dituzten lau kantuko bilduma. Eki Arizaga eta David Lakarra taldekideekin hitz egin dugu.
BOSek 2026-27 denboraldia aurkeztu du, "Basoa" lelopean
17 kontzertu sinfoniko programatu dira, eta 10 ganbera kontzertu. Leire Bilbao poetak testu proposamenak egingo ditu hainbat kontzertutan, Guernica opera berreskuratuko dute, Xabier Anduaga eta Vanessa Goikoetxea arituko dira bi kontzertutan, ET filma zuzeneko musikaz ikusi ahalko da eta Juanjo Mena BOSera itzuliko da bere agurreko denboraldian, 1999tik 2008ra zuzendu zuen orkestrara.
Bilbao BBK Livek urtebetetze festa ospatuko du igandean Kobetamendin
Mendian jardunaldiak musika eta umorea eskainiko ditu hilaren 7an Bilbao BBK Live jaialdia hartzen duen eremuan, Musika Tresna Birziklatuen Cateura Orkestraren, Suakai Philharmonic nafar taldearen eta Grison musikari eta umoristaren eskutik.
Musika Bulegoa Sariek euskal musikaren sormenerako gaitasuna goretsi dute
Biarritzen egindako ekitaldi batean, sektoreko elkarteak Olaia Inziarte, Jon Sáenz, Maite Ruiz de Erentxun, Sara Zozaya, Maite Larburu, Izaki Gardenak, Ezezez, Ødei, Fermin Muguruza, Javier Corral “Jerry” eta Xabi Aburruzaga saritu ditu.
'Otsaila', Eñaut Elorrietaren abesti berriaren bideoklipa
Milaka lagunek gozatu dute BECen El Ultimo de la Fila taldearen kontzertuan
Manolo Garcia buru duen taldeak bere abestirik ezagunenak eskaini ditu emozioz betetako hitzordu honetan, nostalgia protagonista nagusi zelarik.