ETSk BECeko ospakizun hirukoitza abiatuko du
ETS (En Tol Sarmiento) taldeak larunbatean, martxoak 15, hasiko du agertokien gainean bi hamarkada bete dituela ospatzeko BECen antolatu duen urteurren jaia. Guztira 45.000 lagun bilduko dituen kontzertu errenkada hau larunbatean hasiko da, eta datorren asteburuan jarraituko du, arabar taldeak ostiral-larunbatetan eskainiko dituen emanaldiekin.
Boskoteak ez du kontzertuei buruzko xehetasun handirik eman nahi izan, baina ETSko kideek aurreratu dute agertokian hainbat musikari eta dantzari izango dituztela lagun. Halako batean, 40 pertsona ere batuko dira oholtza gainean.
Hiru gaualdietarako sarrera guztiak salduta daude, baina txartelik gabe gelditu direnek EITBren bidez jarraitu ahalko dute martxoaren 22ko kontzertua, EiTBko irratien, eitb.eus-en eta Primeranen.
Ordutegiak
2025eko martxoaren 15a, larunbata: SARRERAK AGORTUTA
18:00 Ateak irekitzea
18:15 Andoni Ollokiegi
19:15 Gozategi
21:00 ETS
2025eko martxoaren 21a, ostirala: SARRERAK AGORTUTA
18:00 Ateak irekitzea
18:15 Andoni Ollokiegi
19:15 Gozategi
21:00 ETS
2025eko martxoaren 22a, larunbata: SARRERAK AGORTUTA
2. pabiloia – Sarrera hau duen publikoarentzat bakarrik, eguneko jarduerak
BBK Herriko Plazan:
12:30 BBK Herriko Plazako ate irekiera
12:40 DJ Bull
13:30 Txupinazoa (Miren Nogales & Antton Telleria)
13:45 Puro Relajo
14:45 Herri kirolak: Aizkolariak (Mikel Larrañaga & Julen Alberdi "Txikia IV")
15:05 DJ Bull
15:30 Herri kirolak: Harri-jasotzailea (Urdax)
15:50 DJ Bull
16:20 Herri kirolak: Aizkolariak (Karmele Gisasola & Oihana Fernandez)
16:40 Dantzaldia: Joselu Anaiak
18:30 HERRIKO JAIAK, amaiera
Egunean zehar egongo dira haurrentzako jolasak, puzgarriak, kaleko musika, janari postuak...
Bizkaia Arenan:
18:30 Ateak irekitzea
18:30 Andoni Ollokiegi
19:45 Gozategi
21:30 ETS
BBK Herriko Plaza
Martxoaren 22an, adin tarte guztietako publikoarentzat pentsatutako egitaraua izango da BECeko 2. pabiloian, goizetik eta iluntzera arte. Miren Nogalesek eta Antton Telleriak botako dute txupina, eta herri kirolak, haurrentzako jarduerak eta kalejirak izango dira egun osoan zehar.
Gainera, Puro Relajoren musika mexikarra, Joselu Anaiak taldearen erromeria eta DJ Bullen musika aukeraketaz gozatzeko aukera izango da. Martxoaren 22ko sarrera erosi dutenek soilik izango dute sarbidea BBK Herriko Plazara.
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.