Mitoaroan murgil
Zetakek Illunben eskainiko dituen hiru kontzertuetatik lehena eskaini du bart. Esperientzia berezi eta desberdina. Bertan egon ezin direnentzat, gaur, larunbata, zuzenean izango da ikusgai Primeranen eta EITB2n, 22:00etan.
Berria eta desberdina izango zela iragarri zuen Pello Reparazek eta, zalantzarik gabe, hala izan zen bart Zetak taldeak Illunben eskaini zuen emanaldia, Mitoaroa II.
Kontzertu izatetik haratago, espektakulua izan zen bart milaka lagunek gozatu ahal izan zutena, super-ekoizpen eta esperientzia bat, murgiltze-esperientzia gainera. Izan ere, aurikularretatik entzun zuten ikus-entzuleek musika guztia eta emanaldian parte hartu zuten aktoreen eta pertsonaien ahots eta elkarrizketak ere.
Kaskoak kenduta, ez zen musikarik entzuten, bai, ordea, milaka eztarri a capella eta gogo biziz kantatzen.
Mitoaroa I-en Nafarroa Arenan bezala euskal mitologia izan zen istorioaren ardatzetako bat, oraingoan Elizaren eta Inkisizioaren marka ere nabarmenduz, historian XV. mendera atzera eginik izaki mitologikoak lurretik deserriratu ziren garaian kokatu baitzen istorioa. Hala, iraganeko pertsonaiekin mintzatu zen Reparaz, barne-leku deserosoetara eramanez hura, eta baita ikusleak ere.
Izan ere, hausnarketa pertsonal eta kolektibo bat sustatu nahirik, pisu nabarmena izan zuten dialogatuetan kritika sozial eta politikoak, Gazako genozidioaren salaketa, nola ez, baina baita naturaren suntsipenak eta hormigoizko munduak, edo kontsumo moduek ere, kulturarena barne; eta horietetik abiatuta, Reparazek inplizituki barne-galderarako bide eman zuen: non kokatzen naiz ni errealitate horien aurrean?
Euskal kulturako aurpegi ezagun ugari ikusi ahal izan ziren oholtzan aktore lanetan, Aitziber Garmendia, Yune Nogeiras, Josean Bengoetxea, Antton Telleria, baita Javier Botet eta Ignatius Farray ere. Oholtzan izan zen Maixux Zugarramurdi ere garai bateko jantziz. Kolaboratzaileen zerrenda ere, luzea, Neomak, Kukai, Fillas de Cassandra, Donostiako Orfeoia, Patxi Santamaria, Pantxoa eta Pello, beste askoren artean. Eta ez ziren falta izan Euskal Herriko inauteri anitzetako pertsonaiak ere.
Gaur eta bihar igandea ere goraino beteko da Illunbe, aspaldi saldu batziren hiru kontzertuetako sarrerak.
Gaur, hala ere, zuzenean ikusi eta entzun ahalko da Mitoaroa II Primeran plataforman eta EITB2n.
Albiste gehiago musika
Gorka Urbizuk “Bakan II” lan laburra kaleratu du
Nafar musikariak Abbey Road estudio mitikoetan grabatutako bi kantu bildu ditu bere disko berrian: “Diamantea” eta “Zilarra”.
Gorka Urbizu, EP berriarekin "urduri, liberatuta eta emozionatuta"
Gorka Urbizu musikariak bi kantuko EP bat kaleratu du gaur, "Bakan II". "Diamantea" eta "Zilarra" abestiak Abbey Road Londresko estudio mitikoetan grabatu ditu. Maite Eskarmendi Egun On saioko kazetariak elkarrizketa egin dio Urbizuri, aurkezpen ekitaldiaren aurretik.
?fmt=webp-alpha&qlt=80)
Latzen: "Memento mori"
Oñatiar taldea bueltan da! 1998an atera zuen "Ardi larruz" estudioko beren aurreko diskoa, duela 27 urte, eta orain "Memento mori" aurkeztu dute, "Denboraren orbainak" disko berria izango denaren lehen aurrerapena. Laukoteak Zorrotzan eta Hatortxu Rocken eman zituen etapa berri honetako lehen kontzertuak, eta, disko berria besapean, emanaldi gehiago egongo direla aurreratu dute.
Saldu egin dituzte La Oreja de Van Goghen kontzertuetarako sarrera guztiak, eta iragarri dute Barakaldon, Donostian eta Iruñean emanaldi gehiago egingo dituztela
Donostiako taldeak iragarri du hiru kontzertu gehiago egingo dituztela Euskal Herrian: maiatzaren 10ean, Barakaldon (BEC); abuztuaren 1ean, Donostian (Illunbe); eta azaroaren 21ean, Iruñean (Nafarroa Arena).
“La forza del destino” Verdiren operarekin irekiko du denboraldia ABAOk
Lau funtzio egingo dituzte, urriaren 25ean, hasita. Espainiako Gerra Zibilean girotu dute Giuseppe Verdiren drama erromantikoa.
La Oreja de Van Goghen birako sarreren salmentaren hasiera atzeratu dute
Amazon Web Services zerbitzarien akats masibo batek zerbitzutik kanpo utzi ditu milaka webgune mundu osoan, eta taldeak 16:00etara arte atzeratu du salmenta abiatzeko ordua, eguerdirako aurreikusita bazegoen ere.
La Oreja de Van Gogh taldeak maiatzaren 9an ekingo dio itzulerako birari, BECen
Donostiako taldea uztailaren 31n arituko da Gipuzkoako hiriburuan, Illunben, eta azaroaren 20an, berriz, Iruñean. Sarrerak astelehenean jarriko dira salgai, urriaren 20an.
La Oreja de Van Gogh taldeak zurrumurruak zokoratu ditu: Amaia Montero itzuli egingo da
Taldeak ofizialki baieztatu du Amaia Montero itzuli egingo dela, Leire Martinez irten eta urtebetera. Gainera, jakinarazi dute Pablo Benegasek taldea utziko duela, oraingoz.
La Oreja bueltan da... Amaiarekin?
Urtebete sare sozialetan argitalpenik gabe egon ostean, talde donostiarrak irudi zuri bat argitaratu du, eta Instagrameko profilaren biografian esaldi hau irakur daiteke: "Elkarrekin bakarrik du zentzua". Gainera, duela urtebete Leire Martinezen martxa iragartzeko argitaratutako komunikatua ezabatu dute.
La Oreja de Van Goghek jarraitzaileak aztoratu ditu sare sozialetako azken argitalpenarekin
Leire Martinezen agurra iragarri eta urte oso bat sareetan ia ezer argitaratua gabe egon ondoren, talde donostiarrak irudi zuri bat argitaratu du gaur arratsaldean.