Massive Attackek, beste 400 artistarekin batera, Israelen presentzia duten plataforma guztietatik kendu du bere musika
Primal Scream, Mogwai, Sleaford Mods, Arca, Ana Tijoux eta Japanese Breakfast taldeek, besteak beste, "No Music For Genocide" kanpaina babestu dute, eta Spotifyk teknologia militarrean egindako inbertsioak kritikatu dituzte.
Massive Attackek iragarri du bere musika kenduko duela "Israelgo lurraldean zerbitzua eskaintzen duten" streaming plataforma guztietatik. "No Music For Genocide" kanpainan parte hartu dute, 400 artista baino gehiagorekin batera.
Primal Scream, Mogwai edo Sleaford Mods a Arca, Ana Tijoux, Saul Williams, Downtown Boys, Japanese Breakfast eta Thor Harris musikariek sinatu dute kanpaina, besteak beste.
The Guardian egunkariak argitaratutako ohar batean, talde britainiarrak "Hegoafrikako apartheid garaiko ekintza artistiko eraginkorren aurrekari historikoa" gogorarazi du, eta Israelgo Estatuari egotzitako gerra krimenek eta "genozidioak" kanpaina hori "behar-beharrezkoa" egiten dutela azpimarratu du. Gainera, bere sare sozialetan, beste musikari batzuei "euren tristura, haserrea eta ekarpen artistikoak" ekintza bateratu batean eraldatzeko eskatu diete, palestinarrek pairatzen duten "infernu deskribaezin bati" amaiera emateko.
Massive Attackek adierazi duenez, plataforma hori Israelen egoteari ez ezik, Daniel Ek kontseilari delegatuak Helsing adimen artifizial militarreko enpresan egindako inbertsioei ere erantzuten die. "Spotifyn, artisten gain denbora luzez egon den karga ekonomikoari karga morala eta etikoa gehitzen zaio, jarraitzaileek hainbesteko esfortzuarekin irabazitako diruak eta musikarien sormen ahaleginak teknologia hilgarri eta distopikoak finantzatzen baitituzte", adierazi du taldeak.
Prima Materia, Ekeko arrisku-kapitaleko enpresak, 600 milioi dolar inbertitu zituen ekainean Helsingen, borroka-hegazkinei eta munizio militarreko droneei aplikatutako adimen artifiziala garatzen duen konpainian. Spotifyk The Guardiani adierazi dionez, inbertsio horrek ez du Gazarekin zerikusirik. Helsingek, bere aldetik, ohar batean zehaztu du bere teknologia Europan hedatzen ari dela "disuasio-helburuekin eta Errusiak Ukrainan egindako erasoaren aurka defendatzeko".
Zure interesekoa izan daiteke
Natxo de Felipe berriro oholtzara igo da da Oskorrirekin argitaratu gabe geratu ziren abestiak berreskuratzeko
Natxo de Felipe musikari beteranoak abesti horiei hautsa kendu eta bizitza berri bat eman die "Abandonatuak" ikuskizunean, Arantzazuko Santutegian. Hitzordua Donostiako Musika Hamabostaldiaren programazioaren barruan txertatu da, eta EITBren parte-hartze eta babesarekin eraman da aurrera. Emanaldian, taldearen diskoetan sekula lekurik aurkitu ez zuten kantu horiek entzun ahal izan dira berriro, formatu berritu eta elektriko batean.
Zea Mays, Leire Martinez, Bebe, M-Clan... Aste Nagusiko kontzertu guztiak
Aste Nagusiak musikaz beteko du Bilbo aste osoan zehar, hiriko hainbat agertokitan banatutako kontzertu-programazio zabalarekin. Hauek dira jaietako musika-eskaintzaz gozatzeko emanaldi eta ordutegi nagusiak.
Juan Diego Florez tenor perutarraren emanaldia eta 9 ikuskizun Donostiako Musika Hamabostaldia abiatzeko
Gaur hasi eta abuztuaren 30era arte, 60 kontzertu baino gehiago izango dira Kursaalen, Victoria Eugenian eta Tabakaleran. Ikuskizun aipagarrien artean, "Arriaga harrigarria", Arriagaren heriotzaren bigarren mendeurrena gogoratuko duen kontzertua, eta Natxo de Felipek agertokietara egingo duen itzulera, Arantzazun izango den emanaldiarekin.
Zita bikoitza etxean
“Tantas cosas que contar” Amaia Montero abeslaria La Oreja de Van Gogh taldera itzuli izana ospatzen duen bira Donostiara iritsiko da asteburuan. Iluben, Donostia Arenan, dago jarrita hitzordua, ostiral-larunbatetarako.
Natxo de Felipe agertokietara itzuliko da "Abandonatuak" proiektu berriarekin
Oskorrik agur esan eta 11 urtera, Natxo de Felipe berriro igoko da agertokietara disko berri batekin: Abandonatuak. Argitaratu gabe geratu ziren talde mitikoaren kantuak berreskuratu ditu proiektu honetan, eta abuztuaren 20an zuzenean aurkeztuko du Arantzazuko Santutegian, Donostiako Musika Hamabostaldiaren programazioaren barruan. Philiperena taldearekin batera aritu da disko honetan, Xabier de Felipe, Przemysaw Pujanek, Esther Alba eta Karmele Castillorekin batera.
Ia 50 urtez Jazzaldiko buru izan den Miguel Martin omendu dute Donostian
Donostiako Jazzaldia saria eman zioten bart Miguel Martini, ia 50 urtez Jazzaldiko buru izan denari. Orain arte berak ematen zien Trinitate Plazan sari hori musikariei, eta aurten berak jaso du errekonozimendu gorena. Jon Insausti Donostiako alkateak eman zion saria.
ETSk hasiera bikaina eman dio Donostiako Jazzaldiari
En Tol Sarmiento talde arabarrak Donostiako Jazzaldiaren 61. edizioa inauguratu du bart. Kontzertuaren irudiak zuzenean proiektatu zituzten Kursaaleko fatxadan.
Adele, Raye, Sienna Spiro…: 15 urte Amy Winehouseren oinordekoaren zain
Duela 15 urte Camden Towneko bere etxean hilda aurkitu zuten Amy Winehouse; ordutik, Erresuma Batuko musikagintzak ez du haren parekorik aurkitu.
Jazzaldia abiatzeko ETSk gaur hondartzan emango duen kontzertu jendetsua Kursaaleko fatxadan ikusi ahal izango da
Asteazken honetan ekingo diote doako kontzertu jendetsuei, Keler Gunean. Arabako talde ezagunak joko du 23:30ean, eta, aurretik, LP artista estatubatuarraren musika izango da protagonista. Datorren egunetan Danielle Nicole, Kokoshca, Emma-Jean Thackray, Nøgen eta HOFE igoko dira Zurriolako oholtzara, besteak beste.
Bilbao Blues jaialdiak doako kontzertuekin beteko du Areatza
Uztailaren 24tik 26ra egingo den jaialdiaren bosgarren edizioak Travellin' Brothers Bizkaiko taldeari emango dio urteko saria.