Superman eta 'Monstruos University', asteko estreinaldi nagusiak
Supermanen itzulera (El hombre de acero) eta Monstruos University animaziozko filma dira aurtengo estreinaldi garrantzitsuenak. Horiez gain, drama kutsua duten Europako besta hainbat pelikula ere iritsiko dira zinema-aretoetara.
El hombre de acero
Superheroien saga berria estreinatuko dute gaur Supermanen pelikularekin. El hombre de acero lanean Clark Kent gaztearen sekreturik intimoenak ezagutuko ditugu. Gizateria salbatzea izango du oraingo honetan ere helburu.
Henry Cavill aktore britainiarra izango da Superman berria. Proiektuan, gainera, Christopher Nolan ekoizleak parte hartu du. Zack Snyderrek zuzendutako lan honetan, besteak beste, Russell Crowe, Kevin Costner eta Amy Adams aktoreak aritu dira.
Monstruos University
Disney-Pixar etxearen ekoizpen berria Dan Scanlon-ek idatzi du, eta Billy Cristal eta John Goodman aktoreek jarri diete pertsonaiei ahotsa.
Monstruos S.A. filmean, Mike eta Sulley protagonisten arteko adiskidetasuna ezagutu genuen, eta orain abentura berriak biziko dituzte.
Después de mayo
Olivier Assayasek zuzendutako pelikula 70eko hamarkadako Parisen girotuta dago. Clement Metayer aktoreak Gilles nerabearena egiten du bertan, eta garaiko egoera politikoa eta artistikoa erakusten du.
Lola Creton, Felix Armand eta Carole Combe aktoreek interpretatzen dituzten pertsonaiak Clementeri bizi duen garai historiko konplexua azaltzen saiatuko dira.
Hannah Arendt
Barbara Sukowa aktorea protagonista duen pelikula hau Frantziaren eta Alemaniaren artean ekoitzitako lana da. AEBetan erbesteratu zen Hannah Arendt filosofo eta kazetariaren istorioa kontatzen du. Horrek idatzi zituen testuek eskandalua eragin zuten nazioartean.
Margarethe von Trottak zuzendutako film honetan, besteak beste, Alex Milberg, Janet Mcteer eta Julia Jentsch aktoreek egin dute lan.
Lawrence Anyways
Lawrence Alia (Melvil Pouplad) literatura irakaslea da, eta bizitza osoan sekretu bat izan du gordeta. 30 urte betetzen dituenean, sexua aldatzeko ebakuntza egingo du, baina horretarako aurreko bizitzari uko egin beharko dio.
Xavier Dolan zuzendari gaztearen obrarik sakonetako bat da.
Mi encuentro con Marilou
Jean Becker zuzendari duen Frantziako drama honek helmugarik gabeko bidaia batek pertsona zaurituen bizitzak salba ditzakeela azaltzen du.
Patrick Chesnais aktoreak hirurogei urteko margolari garrantzitsu bat gorpuzten du bertan. Filmaren protagonistak depresioa du, eta familia utzi eta bidaia bat egitea erabakiko du. Abentura horretan, Marilou ezagutuko du.
Zure interesekoa izan daiteke
Orlando Bloom, Marion Cotillard eta Jeremy Irons Zinemaldian izango dira
Werner Herzog eta Naomi Watts Donostia sariaren hartzekodunez gain, besteak beste, Brad Pitt, Noemie Merlant, Martin McDonagh, Cristian Mungiu, Pawel Pawlikowski eta Ira Sachs, epaimahai ofizialaren burua, iritsiko dira Donostiara.
“Salitre": habia hutsaren sindromea aztertzen duen thriller psikologikoaren lehen irudiak
Norma Vilak zuzendu eta Nagore Aranburu eta Haizea Carneros protagonista dituen Salitre euskal filma thriller psikologiko bat da, "begirada femenino, garaikide eta desmitifikatzaile batetik" habia hutsaren sindromea eta galeraren aurreko beldurra aztertzen dituena. Filmak EITBren parte hartzea du.
“Salitre” eta “Las hijas” euskal filmak Sitgesko zinema jaialdiko Sail Ofizialean lehiatuko dira
Norma Vila bilbotarraren lehen film luzea eta Daniel Romero zuzendariak eta Asier Guerricaechevarriak idatziriko thriller psikologikoa, Yune Nogueiras protagonista duena, fantasiazko zinemaren Kataluniako udalerriko jaialdian estreinatuko dira.
Hadesen aurkitu zituen Ulisesek hildako ibiltariak
Aintza eta Aintza Homerori, Nolani, "Odisea" euskarara ekarri zuen Matias Mujikari eta sorgindurik dauden (gauden) ikusle eta irakurle multzo bikain horri!
"Los domingos" Oscarretara bidean jarri du Espainiako Zinema Akademiak
Alauda Ruiz de Azuaren filmak La bola negra eta El ser querido izango ditu lehiakide, Espainiako Akademiaren behin betiko hautagaia izateko deman.
Zinemaldiaren demokratizazioan erabakigarria izan zen "El desencanto" filmaren atzerabegirakoa ekarri du gogora erakusketa batek
Duela 50 urte, El desencanto filma Zinemaldiko Sail Ofizialean lehiatzeko hautatu bazuten ere, Guardia Zibilak Josu Zabaleta gaztea hil ondoren, filmeko lantaldeak jaialdia utzi zuen, protesta gisa. Aurten, lan horrek Klasikoak zikloa irekiko du. Era berean, erakusketa bat inauguratu dute gaur, dokumentu argitaragabeekin, historia horren erakusgarri.
Danny Boylek bere garaiari zorrotz begiratuko dion Veneziako Mostra irekiko du
Gerren kolpea eta krisi klimatikoa Italiako jaialdiaren pantailetara lerratuko dira. Sail Ofizialean, Trainspottingen zuzendaria, Nani Morettik zuzendu duen euskal koprodukzio bat, Hirokazu Koreeda, Florian Zeller eta Werner Herzog lehiatuko dira, besteak beste, baita May el-Toukhy danimarkar-egiptoarra eta Rachel Szor israeldarra ere. Bi emakume 21 pelikulatan.
Klasikoak Zinemaldiko sailak “El desencanto” eta “Ander eta Yul” berreskuratuko ditu
Zinemaldiaren atak horrek Milos Forman, Pere Portabella, Jacques Tati, Fernando Trueba, Agnes Varda eta José Giovanniren film luzeak proiektatuko ditu. Gainera, Zinemaldiak musika onena ere sarituko du, lehenengo aldiz.
"Seis meses en el edificio rosa con azul" film luzeak irabazi du Sebastiane Latino saria
Euskal Herriko lesbiana, gay, bisexual trans eta intersexualen elkarteak Bruno Santamaría Razo mexikar gidoilari eta zuzendariaren film luzeari eman dio saria.
Naomi Wattsek Zinemaldiaren Donostia saria jasoko du
Werner Herzog zuzendari, gidoigile, ekoizle eta aktore alemaniarrarekin bat egingo du Wattsek 74. edizioko Donostia sarien irabazleen zerrendan.