Zazpi film luze eta lau film labur, aurten Culinary Zinema atalean
Basque Culinary Centerrek, Donostiako Zinemaldiak eta Berlingo nazioarteko zinema-jaialdiak Culinary Zinema sailaren programazioa aurkeztu dute gaur.
Culinary Zinema zinema eta gastronomia uztartzen dituen sailaren laugarren edizioari irailaren 20an emango zaio hasiera The Hundred-Foot Journey filmaren eskutik. Filma zaporez gainezka dator eta Helen Mirren oscar-irabazlea du protagonista, Lasse Hallström zinemagile ospetsua zuzendari, eta Steven Spielberg eta Oprah Winfrey, berriz, ekoizle.
Film-sortarekin batera, ohi denez, nazioarteko ospea duten hainbat sukaldarik prestatutako afari tematikoak eskainiko dira Basque Culinary Centerren eta Ni neu, Tenis Ondarreta eta Mirador de Uliako jatetxeetan.
Horrez gain, aurten lehendabizikoz, Tokyo Gohan Film Festivalekin lankidetzan arituko da Culinary Zinema. Tokyoko jaialdiak aukeratutako epaimahai batek 10.000 euroko saria emango dio Donostiako Zinemaldiko atal honetan programatutako filmetako bati.
Culinary Zinema saileko proiekziorako eta afarirako txartel bateratuak irailaren 1ean ipiniko dira salgai, 57,20 euroan, Zinemaldiaren ohiko kanaletan.
The Hundred-Foot Journey, Buscando a Gastón, Foodies, Little Forest - Natsu & Aki / Little Forest - Summer / Autumn, Recipe, Soul of a Banquet eta Steak (r)evolution film luzeak eta Nerua, un viaje a la esencia, Brooklyn Farmer, Hozour / Presence eta Txipirones en su tinta (Txipiroiak bere tintan) film laburrak emango dituzte irailaren 20tik 26ra.
Zure interesekoa izan daiteke
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.