'Mould' film labur hegokorearrarentzat, Zinebiko sari nagusia
Mould (2014) Chun-Kyu Park Hego Koreako zinemagilearen fikziozko film labur dokumentalak irabazi du Bilboko Dokumentalen eta Film Laburren Nazioarteko Jaialdiaren 56. edizioko Sari Nagusia. Aitor Gutiérrez euskal zuzendari gazteak egin duen Anómalo 15 minutu pasatxoko fikziozko lanak irabazi du Euskal Zinemaren Sari Nagusia, eta Os meninos do rio Javier Maciperen filmak lortu du Zinema Espainiarraren Sari Nagusia. Azken hori ere fikziozko lana da. Horrez gain, Marea Adam Breier zinemagilearen film kubatarrak lortu du Film Latinoamerikar Hoberenaren Saria.
Zinebiko aurtengo edizioan 65 film lehiatu dira Sekzio Ofizialean.
Beste sari batzuk
Zinema dokumentalaren atalean, Urrezko Mikeldia Shipwreck (Herbehereak, 2014, 15 min.) Morgan Knibberen filmak jaso du, eta Nae pasaran (Britainia Handia, 2013, 13,24 min.) Felipe Bustosen dokumentalak irabazi du Zilarrezko Mikeldia.
Fikziozko film onenaren Urrezko Mikeldia Void (Danimarka, 2014, 17 min.) Milad Alamiren eta Aygul Bakanovaren lanak irabazi du, eta, kategoria horretako zilarrezko Mikeldiari dagokionez, Mike (Britainia Handia, 2014, 8 min.) Petros Silvestrosen filmak jaso du.
Animazioaren atalean, Urrezko Mikeldia Tomek Duckiren Laznia (Polonia, 2013, 4 min.) lanak irabazi du, eta Jossi Malisen Bendito Machine V - Pull the Trigger (Espainia, 2014, 12 min.) filmak jaso du Zilarrezko Mikeldia.
Zinebiren 56. edizioaren amaiera ekitaldia Unax Ugalde eta Goya Toledo antzezleek aurkeztuko dute, gaur, hilak 21, 20:00etan, Arriaga Antzokian. Ekitaldian, sari guztiak banatzeaz gain, hil ondorengo Ohorezko Mikeldia emango zaio Alex Angulo antzezlea zenari. Saria Mayda Zabala emazteak eta Dodó alabak jasoko dute.
Horrez gain, amaiera ekitaldian, 1961ean Raúl Peña zinemagile beteranoak egin zuen Más allá de Bilbao film labur dokumentala eskainiko da. ZINEBIren ekimenari esker orain berriztatu den film laburra Itsasadarrari eta garai hartako Bilboko hiriguneei buruz koloretan egindako lehenengo erretratutzat har daiteke.
Bihar, larunbata, saria irabazi duten lan guztiak proiektatuko dira, 18:00etatik aurrera, Arriaga Antzokian.
Zure interesekoa izan daiteke
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.
Pablo Larrain, Mike Leigh eta Yesim Ustaoglu lehiatuko dira Donostiako Urrezko Maskorra lortzeko
Zinemagile horien film luze berriak Donostia Zinemaldiko Urrezko Maskorra lortzeko lehiatuko dira, Nicole Garcia, Maha Harada, Hans Petter Moland eta Benjamín Naishtaten azken lanekin batera.
Ione Hernandezen "Hermanas" filma Torontoko zinema jaialdian estreinatuko da
Pelikulak EITBren babesa du, eta Bizkaiko eta Madrilgo hainbat tokitan filmatu dute. Elena Anaya eta Emma Suarez aktoreak dira protagonistak.
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.