Zinebik Jaime Chavarri zinemagileari emango dio Ohorezko Mikeldia
Zinebi Dokumentalen eta Film Laburren Bilboko Nazioarteko Jaialdiak Jaime Chavarri zuzendari, gidoilari, antzezle eta zinema kritikariari emango dio Ohorezko Mikeldia; izan ere, “bera barik, gaur egungo ikus-entzuleek ez lituzkete ulertuko Espainiako zinema garaikidearen bilakaeraren funtsezko zenbait alderdi”, zinemaldiko antolatzaileen esanetan. Mikeldia emateko ekitaldia jaialdiaren inaugurazio galan izango da, azaroaren 18an, Arriaga Antzokian.
58. edizioan, “El desencanto Espainiako dokumentalari ordura arte ikusi gabeko ikuspegiak zabaldu eta ibili gabeko bideak eman zizkion Chavarriren lanaren” estreinaldiaren 40. urteurrena ospatu nahi du Zinebik.
Jaime Chavarri 1943an jaio zen, Madrilen, eta oso gaztetatik eman zituen lehen urratsak zinemagile gisa, Super8 kamera batekin. EOC Eskolan praktika gisa egin zuen lehenengo film laburretako batek (“El asesinato de Sharon Tate”) trabesti bat zuen protagonista, eta eskolako zuzendaritzak zentsuratu egin zuen. 1971n, “Estado de sitio” film laburrak Urrezko Mikeldia irabazi zuen, orduan Certamen Internacional de Cine Documental y Cortometraje de Bilbao izena zuen jaialdiaren 13. edizioan.
“Los viajes escolares” (1973) lan kontzeptual eta konplexua izan zen zinema komertzialerako egin zuen lehenengo lana. Halaber, 70eko hamarkadaren hasieran, zuzendari artistiko gisa aritu zen Chavarri, Carlos Sauraren (“Ana y los lobos”, 1972) eta Victor Ericeren (“El espíritu de la colmena”, 1973) esanetara. Gainera, hainbat unetan, agerpen laburrak izan ditu antzezle gisa Luis García Berlangaren, Fernando Fernan Gomezen eta Pedro Almodovarren filmetan, besteak beste.
1976 eta 1980 artean Elias Querejeta ekoizlearekin izan zuen lankidetzak erakusten du, Zinebiren arduradunen esanetan, bere filmografiako une garrantzitsuena. Garai horretakoa da, hain zuzen ere, “El desencanto” (1976) lana, ordurako hilda zegoen Leopoldo Panero poetaren familiaren kronika latza.
Etapa emankor horren ondoren, Jaime Chavarrik aldatu egin zuen bere lanaren norabidea, eta lankidetza epealdi luzea hasi zuen Alfredo Matas ekoizlearekin, Espainiako idazleen literatur lanen zinemarako moldaketak egiteko: Llorenç Villallonga (“Bearn”, “La casa de muñecas”, 1982), Fernando Fernan Gomez (“Las bicicletas son para el verano”, 1983)…
Zure interesekoa izan daiteke
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.
Haurtzaroari begira jarri da Marina Palacio "Y así seguirán las cosas" filmean
Euskal zuzendariak haurtzaroari eta despopulazioari buruzko istorio bat kontatuko du bere lehen film luzean. Aitarekin batera idatzi du, eta sei urtean filmatuko dute, Palentzian.
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.