'Swiss Army Man'ek itxiko du Beldurrezko Zinemaren Donostiako Astea
“Swiss Army Man”ek, Sitgeseko jaialdian film onenaren saria eta Sundancen zuzendari onenaren saria irabazi dituen filmak, itxiko du Fantasiazko eta Beldurrezko Zinemaren Donostiako 27. Astea, azaroaren 4an, Japoniako zinemagintzak ziklo berezia izango duen urtean.
Guztira, Sail Ofizialean, 22 film luze eskainiko dituzte, eta, Hershell Gordon Lewis duela gutxi zen du zen gore zinemaren aita omentzeko, “The Wizar of Gore” ere emango dute.
Jaialdia abiatzeko, “Shin Godzilla” munstro ezagunaren film berria aukeratu dute, duela astebeteko iragarpenean jakinarazi zuten bezala. Gaur osatu dute lehen aurrerapen hori, eta, besteak beste, Roberto San Sebastian bilbotar zuzendariaren lehen filmaren nazioarte mailako estreinaldia Donostian egingo dutela aurreratu dute. Javier Bodalo da filmaren protagonista.
Gainera, Haritz Zubillaga euskal zuzendariaren “El ataud de cristal” ere emango dute, euskal zuzendariei dagokienez.
Josemi Beltran Astearen zuzendariak azaldu duenez, aurtengo filmen artean azpimarratzekoa da “Crudo” frantziar eta belgikar koprodukzioa, generoko europar film berri “harrigarriena”, umorezko apoteosi kanibala. Cannesen hautsak harrotu zituen animalien proteina jaten gibel gordin bat janez hasiko den neska begano baten istorioak.
“Under the shadow” Babak Anvariren filmaz ere hitz egin du Beltranek, Iranen girotutako filmak “beldur folkloriko eta familiarteko oso interesgarriak” azaleratzen baititu, haren irudiko.
Asteak “Fantasiazko Japonia, XXI. mendea” zikloa eskainiko dio beti bezala arreta berezia zor dion japoniar zinemari.
Zure interesekoa izan daiteke
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.
Oscarretako alfonbra gorria zabaldu dute Dolby antzokian
Dena prestatzen ari dira Los Angelesen, Euskal Herriko astelehen goizaldean Oscar sariak banatuko baititu bertan Hollywoodeko Akademiak. Conan O'Brien izango da galako aurkezlea, eta Sinners filmak beste edozein pelikulak inoiz baino izendapen gehiago jaso ditu, hamasei.
"Carne y arena" instalazioa ez da ostegunean irekiko
Alejandro Gonzalez Iñarritu zinemagileak sortutako murgiltze zeharkaldi birtualaren irekiera “aldi baterako atzeratu” da, arazo teknikoak direla eta.
Estibaliz Urresola Solaguren: “Zinema pantaila ispilu bat bezalakoa da”
Laudioar zinemagileak erreferenteen gorazarrea egin du “M8 - Ikusi eta Izan” EITBk sustatutako ekimenean. Hiru minutuko fikzioan, 26 euskal emakume zuzendariren filmen txatalak josi ditu, erreferente feministei eta zinemaren munduari buruzko hausnarketa egiteko. Estibaliz Urresola Solagurenen (20.000 especies de abejas, Cuerdas…) ikus-entzunezko pieza Primeran plataforman ikus daiteke.
Zinemaldiaren zuzendari berria aukeratzeko lehiaketa publikoa hasi da
Jose Luis Rebordinosek 2026ko abenduaren 31n utziko du zinema jaialdiaren gidaritza, eta haren ordezkoa “goi mailako unibertsitate titulua, ingeles maila handia eta euskaraz nahiz gaztelaniaz komunikatzeko gaitasuna dituen pertsona bat” izango da.
AEBko aktoreen sindikatuak bultzada eman dio "Sinners"i
Oscar sarietarako bi aste falta direla, banpiroen dramak film onenaren saria irabazi du bart SAG-AFTRA Hollywoodeko aktoreen sindikatu nagusiaren sarien 32. edizioan. Michael B. Jordanek aktore onenaren saria jaso du 'Sinners' filmean egindako lanagatik, Leonardo DiCaprio (One Battle After Another), Ethan Hawke (Blue Moon), Jesse Plemons (Bugonia) eta Timothée Chalameten (Marty Supreme) aurrean. Emakumezkoen atalean, Jessie Buckley irabazi du saria, Hamnet filmean egin duen paperari esker.