Chiquito de la Calzada umorista hil da
Chiquito de la Calzada umorista hil da, Malagan, 85 urte zituela. Bertan zegoen ospitaleratuta, urriaren amaieran jasandako bularreko angina baten ondorioz. Hala esan diote Eferi osasun-iturriek.
Malagan jaio zen artista, eta umorean hizkuntza berri bat asmatu zuen, arrakasta handia lortuta. Bihotz-kateterismoa egin zioten duela astebete, eta, gerora, infekzioa ere izan zuen.
Azaroaren 6an Zainketa Intentsiboetako Unitatera eraman behar izan zuten, eta bertan zegoen egun hartatik, infekzioagatik. Azken egunotan hobera egiten zuela bazirudien ere, ostiralean okerrera egin zuen, eta, azkenean, larunbat goizaldean zendu da, 02:20 aldera.
Gregorio Esteban Sanchez zuen izena Chiquito de la Calzadak; duela ia hilabete ere izan zen ospitaleratuta, eroriko bat izan zuelako. Urriaren 14an bere etxean erreskatatu zuten; familiakoek suhiltzaileei deitu behar izan zieten, Chiquitok ez baitzuen erantzuten eta ezin zirelako etxean sartu, giltzak barruan zeudelako. Etxera sartzean, lurrean zegoela ikusi zuten, altxatu ezinik, eta ospitalera eraman zuten.
Handik gutxira, Twitterreko bere kontuan esan zuen ondo zegoela, erorikoa baino ez zela izan. Hainbat lagunek babesa eman zioten sare sozialen bidez.
1932an jaio zen, Malagan
1932an jaio zen, Malagako Trinidad auzoan; toki horri Calzada de la Trinidad deitu ohi zaio, eta horregatik erabaki zuen bere izen artistikoa Chiquito de la Calzada izango zela.
Zortzi urterekin izan zuen lehen harremana flamenkoarekin; artista oso ospetsuekin aritu bazen ere, sona 62 urterekin iritsi zitzaion, umorerako zuen dohainengatik.
Malaga probintziako Seme Kutuna izendatu zuten iaz; esan zuenez, sari horrek poz handia sortu zion, ohorea baitzen. Malagako kostaldeko enpresari-elkarte batek ere golardo bat eman zion, izandako ibilbideagatik.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.