'Negative Space' Frantziako film laburra, Zinebiren Sari Nagusia
'Negative Space' Frantziako film laburrak Zinebi jaialdiaren 59. edizioko Sari Nagusia eraman du. Bestalde, 'Galatea al infinito' filmak Espainiako Zinemaren Sari Nagusia eta Dokumental Onenaren Urrezko Mikeldia irabazi ditu.
Zuzendari gazteen lehenengo lana sustatzeko Zinebi Firts Festival atalean, 'Gray House' film luze estatubatuarra saritu dute. Austin Lynchen (David Lynch zuzendari ospetsuaren semea) eta Matthew Boothen lana da.
Begoña Vicarioren eta beste 20 zinemagile gazte gehiagoren 'Areka' animazio film laburrak Euskal Zinemaren Sari Nagusia eskuratu du. Lanak teknika zinematografikoak modu originalean nahasten ditu Gerra Zibilean desagertutako pertsonen tragedia kontatzeko. Latinoamerikako Pelikularik Onenaren Saria 'El hormiguero' Kubako filmak eraman du. Karibeko uhartean, pobreziaren eta infraetxeen arazoa aztertzen du irabazleak.
Gainera, epaimahaiak Chintis Lundgrenen 'Manivald' filmari Animazio Urrezko Mikeldia eman dio, eta Joao Salaviza portugaldarraren 'Altas cidades de Ossadas' film laburrari Fikzio Urrezko Mikeldia.
Ghasideh Golmakani irandarraren 'Limbo' fikziozko film laburrak aipamen berezia jaso du, baita Emilio Ramos eta Lucia Gaja zinemagile mexikarren 'Nos faltan' animazioak ere.
Palmaresaren irakurketarekin eta sari-banaketarekin 2017ko Zinebi gauean bukatuko da. Aurten 62 pelikulak hartu dute parte. Marco Bellocchio Italiako zinemagileak Ohorezko bigarren Mikeldia jasoko du ekitaldian.
Zure interesekoa izan daiteke
Ian Cortegoso 10 urteko bilbotarrak Nacho La Casaren "Un hijo" filmean egin du debuta
Ostiral honetan, maiatzaren 15ean, Ian Cortegoso 10 urteko aktore bilbotarra protagonista duen filma iritsi da zinema-aretoetara. Un hijo filmeko protagonista da, 8 urte zituenean grabatu zuena.
Aitor Etxebarriak musika jarri dio "The Black Mirror Experience" murgiltze-lanari
The Black Mirror Experience film espainiarra telesail ospetsuan oinarritutako murgiltze-lana da, eta Cannesko Zinemaldiko Immersive sail lehiakorreko sariaren bila dabil.
'Buzzheart' Dennis Iliadis greziarraren pelikula, Fanteko film luze onena
Fantasiazko zinemaren Bilboko jaialdiak Hyena Sail Ofizialeko labur onena eta Bea Lemaren El cuerpo de Cristo euskal film labur onena ere saritu ditu.
Daniel Calparsoro 'El Confidente', ETAko sator bati buruzko istorio berri bat, filmatzen ari da Donostian
Aktore taldean Javier Gutierrez, Miguel Herran eta Itsaso Arana daude, besteak beste. EITB grabazioan sartu da.
Euskal Herriko zinema-areto komertzialetako emanaldien % 2,25 izan ziren euskaraz 2025ean
Pantailak Euskaraz ekimenak eta Hizkuntza Eskubideen Behatokiak iaz euskal aretoetan egindako proiekzioak aztertu dituzte, eta datu “gordin bezain kezkagarriak” aurkeztu.
“Las hijas”: Alabak Cannesen daude
Yune Nogueiras protagonista duen filma thriller psikologiko bat da, Daniel Romero pelikularen zuzendariak eta Asier Guerricaechevarria bilbotarrak idatzia. Marché du Film topagunean parte hartzen ari da Cannesen, salmenta agenteen, banatzaileen eta jaialdietako programatzaileen faborearen xerka.
?fmt=png-alpha&qlt=80)
Altxaliliak Cannesen, izan nahi dutena izan daitezkeela aldarrikatzeko bidean
Altxaliliak Maia Iribarneren dokumental luzea Marché du Filmen, Cannesko zinema jaialdian industriak antolatzen duen topagunean, bidea egiten ari da egunotan, lankidetzarako aukeren bila. Ikusi pelikularen lehen irudiak.
Dena prest Cannesen, pantailak dirdiraka hasteko
Peter Jackson eta Barbra Streisand omenduko dituzte, eta izen handiak daude Sail Ofizialean: Almodovar, Farhadi, Pawlkowski, Sorogoyen, Kore-eda, Mungiu...
Fabio Testi aktore italiarrak Ohorezko Fant saria jasoko du
Larunbatean, fantasiazko zinemako jaialdiaren amaiera galan, jasoko du aktoreak beldurrezko eta fantasiazko generoetan nabarmendu den profesionalentzako saria.
Jules Mamonek "bestetasun, singulartasun eta munstroaren figuraz" jantzi du Zinegoaken kartela
LGTBIQ+ Zinema eta Arte Eszenikoen Bilboko Jaialdiak 23. edizioaren irudia aurkeztu du. “Bestea deitu duten hori eztabaidaren erdian” jarri nahi du Zinegoakek.