Zinemaldiak Muriel Boxen film guztiak emango ditu
Muriel Boxek idatzitako eta zuzendutako 28 filmak emango ditu Donostiako Zinemaldiak, eta irailean hasiko den 66. edizioko atzera begirakoaren protagonista izango da.
Zinemaldiak atzera begirako horren berri eman zuen atzo, eta gogorarazi zuen Boxek gidoilari lanak ere egin zituela, eta horri esker Oscar saria eskuratu zuela 1946an The seventh veil pelikulan egindako lanagatik.
1905eko irailaren 22an New Maldenen (Surrey, Britainia Handia) jaioa, script lanak egiten hasi zen eta 1935ean Sydney Boxekin ezkontu ostean, Verity Films sortu zuen, Bigarren Mundu Gerrako propaganda egiten zuten film laburrak finantzatzeko ekoiztetxea, Betty Box Sidneyren arreba eta 50eko hamarkadako Ingalaterrako ekoizle garrantzitsuenetako batekin batera.
Senarrarekin elkarlanean antzezlanak idazteaz gain, Muriel Boxek Gainsborough Picturesen gidoigintza saila hartu zuen bere gain. Sydneyk zuzendu zuen konpainia hori, eta The lost people (1949) filmean zuzendari lanak egin zituen Muriel Boxek.
1951n, Sydneyk London Independent Producer konpainia sortu zuen, eta Muriel Boxek "Britainia Handiko zinean eta gizartean ongi ikusiak ez ziren" proiektuak egin ahal izan zituen bertan, Zinemaldiak jakitera eman duenez.
Ekoiztetxearen babesa izanda ere, Muriel Boxek garaiko aurreiritzi matxistak pairatu behar izan zituen; hala, So long at the fair (1950) pelikula zuzentzekoa zen, baina Jean Simmons aktorearen presioagatik, azkenean Terence Fisherrek eta Anthony Darnboroughek gidatu zuten grabaketa.
1949 eta 1964 artean 14 film luze zuzendu zituen, komedia erromantikoak gehienak, besteak beste, To Dorothy a son (1954), Simon and Laura (1955), The passionate stranger (1957), The Truth About Women (1957) eta, Rattle of a Simple Man (1964), bere azken lana.
Dramen alorrean, The beachcomber (1954), This Other Eden (1959), Irlandako gatazkaren ingurukoa, eta Too Young to Love (1960), adingabeen prostituzioa jorratzen duena, egin zituen; eta krimen kontaketetan, Street Corner (1953), Eyewitness (1956) eta Subway in the Sky (1959).
1946an Oscarra jaso zuen bigarren emakumea izan zen, Frances Marionen atzetik, The seventh veil-erako egin zuen gidoiagatik.
Quim Casasek eta Ana Cristina Iriartek koordinatu duten Muriel Boxi buruzko liburuaren aurkezpenak osatuko du atzera begirakoa. Argitalpen horretan Rachel Cookeren, Hanna MacGillen, Eulalia Iglesiasen eta Carlos Losillaren artikuluak jaso dituzte, besteak beste.
Zure interesekoa izan daiteke
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.
Ricardo Darin argentinar aktorea izango da Donostiako Zinemaldiaren ikurra
2017an Donostia saria jaso zuen aktorearen argazkia ageri da Zinemaldiaren 74. edizioaren kartelean.