Galder Gaztelu-Urrutia bilbotarraren 'El Hoyo' pelikula, garaile Sitgesko jaialdian
Galder Gaztelu-Urrutia bilbotarraren El hoyo thriller sozialak Sitges Film Festivaleko 52. edizioa irabazi du larunbat honetan. Pelikularik onena izendatu dute, baita efektu berezi onenen (Iñaki Madariaga) saria eman ere. Era berean, Gaztelu-Urrutiak Citizen Kane Zuzendari Hasiberrien saria bereganatu du. EiTBk filmaren produkzioan parte hartu du.
Ivan Massague, Antonia San Juan eta Zorion Egileor aktoreek parte hartzen duten filmean, elkartasuna eta enpatia faltaren inguruan gogoeta egiten da. Eraikin txiki batean bi pertsona bizi dira solairu bakoitzean, solairu kopuru jakingabe batekin, eta hutsune batetik egunero plataforma bat jaisten da janariarekin: azkenak bizirautea aurrenekoen begirunearen menpe egongo da.
Nancy Bishop epaimahaiko kideak azpimarratu duenez, El hoyok giza gabezia guztiak laburbiltzen ditu. Gainera, efektu bereziak eta aktoreen lana onak dira: "Aparta eta nabarmentzekoa da", erantsi duenez.
Mary Jo Markey epaimahaiko kidearen ahotan, pelikulak "mundu eta testuinguru imajinaezinak sortzen ditu, eta giza jokabidea argi berezi batekin aztertzen du", une zailetan, adar politiko eta sozialen bilbea nabarmenduz.
Azkenik, erakargarriak ikusten dituen film guztiek mundua eta egungoko momentuak islatzen dituztela esan du Alan Jonesek: "Horrek gure erabakia justifikatzen du". Epaimahaiaren arabera, pelikula "azken urteetako originalena da, generoko osagai eta printza politikoekin".
Zure interesekoa izan daiteke
Omenaldia egin diote Jose Ramon Soroizi Legorretan
Maspalomas pelikula estreinatu dute larunbat honetan Legorretan (Gipuzkoa), eta Jose Ramon Soroiz omendu dute bertan, horren jaioterria baita. Filma ikusteaz gain, herritarrek aktorea aurrez aurre ikusteko eta entzuteko aukera izan dute.
“Deathstalker”ek irabazi du Fantasiazko eta Beldurrezko Zinemaren Asteko film luze onenaren saria
Donostiako zinema jaialdiaren 36. edizioaren palmaresa iragarri dute. "Olentzerori eskatu nion" Amaia San Sebastianen pelikulak irabazi du Euskal Film Labur Onenaren EITB Saria.
?fmt=webp-alpha&qlt=80)
“Popel”, nazien biktimen errautsen bila
Oier Plazak František Suchýren eta haren semearen historia bildu du gaurtik aurrera zinemetan ikusi ahalko den dokumentalean: nazien 2.000 biktimaren errautsak ezkutatu zituzten, hildakoon gizatasuna gordetze aldera.
"Subsuelo" zinema aretoetara iritsi da, Seminciko sariaren bermearekin
Fernando Francok zuzendu duen euskal koprodukzioak gidoi onenaren saria jaso zuen Valladolideko zinemaldian, Francok berak eta Begoña Arosteguik idatziz egindako lanari esker.
Zinemaz gozatzen 600 urte eta gero
Betidanik izan dira presente ijitoak zineman. Ez ahaztu, azken ikerketen arabera, ondorengoek baieztatuta, Charles Chaplinek berak bazuela odol ijitoa zainetan.
"Los domingos" eta "Maspalomas", Forque sarietarako izendatuta
Alauda Ruz de Azuaren eta Jose Mari Goenaga eta Aitor Arregiren filmek hiruna izendapen dituzte EGEDA Ikus-entzunezko Ekoizleen Eskubideak Kudeatzeko Espainiako Erakundeak banatzen dituen sarietan.
Mende laurden, Bidasoan zinema eta historia lotzen
FICAB Bidasoko Nazioarteko Zinemaldi Arkeologikoak 25. edizioa abiatuko du azaroaren 10ean. “Iraganetik ikasten jarraitzea” du helburu topaguneak, “oraina ulertzeko eta etorkizuna eraikitzeko”.
?fmt=png-alpha&qlt=80)
Zinebi jaialdiak Pablo Berger eta Esther Garcia sarituko ditu
Bilboko Dokumentalen eta Film Laburren Nazioarteko Jaialdiaren 67. edizioa azaroaren 21ean abiatu, eta hilaren 28an itxiko dute, amaiera-gala eta sari-banaketa eginda.
Javier Gurrutxagak ohorezko Serantes saria jaso du Santurtziko Zinemaldian
Javier Gurrutxaga showman donostiarrak jaso du Santurtziko Zinemaldiko ohorezko Serantes saria. Bestalde, "Tragedium" eta "Erreka zoko hortan" film laburrek irabazi dute EITBren Euskal Pantailak saria.
Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.