Mikel Gurrea ("Suro") eta Alauda Ruiz de Azua ("Cinco lobitos") nabarmendu dituzte Gaudi sarietan
EITB partaide den bi euskal pelikulek, Suro-k eta Cinco Lobitos-ek, golardoa jaso dute bart Gaudi sarien XV. edizioan (Kataluniako Zinema Akademiak urtero banatzen dituen sariak).
Mikel Gurrea zuzendari donostiarra beste hiru izendatuei (Avelina Prat, Carlota Gonzalez-Adrio eta 'Laura Sistero) gailendu zaie, eta berak eraman du azkenean Zuzendari berri onenaren saria. Aurretik ere hamaika golardo jaso ditu Suro luzemetraiak, besteak beste, Euskal Zinemaren Irizar saria eskuratu zuen Zinemaldian, baita Fipresci saria ere. 10 izendapen zituen Gaudi sarietan.
Saria jasotzean, "aurten bere lehen filma egin duten pertsona guztiei" eskaini die saria, "oso zaila baita". Nabarmendu duenez, pelikula egiteko ondoan izan duen lantalde tekniko eta artistiko guztia edukiko luke berriro beste edozein film egiteko.
Zuzendari berri onenaren sariaz gain, beste bi golardo eskuratu ditu Suro-k: Pol Lopez eta Vicky Luengo aktoreek, hurrenez hurren, gizonezko aktore onenaren eta emakumezko aktore protagonista onenaren saria jaso baitute.
Halaber, Alauda Ruiz de Azua barakaldarraren aurreneko filma denak, Cinco lobitos-ek, Europako film onenaren saria jaso du. Marisa Fernandez ekoizlea eta Ruiz de Azua bera igo dira taula gainera saria eskertzera. Lehenengoak azpimarratu duenez, "ziurrena jasoko dugun sari bitxiena izango da hau, Europako film onenarena hain justu. Pelikulak euskal zati bat dauka, Madrileko beste zati bat, Kantabriako beste bat, eta baita Kataluniakoa ere, Laia Costa katalana baita aktore protagonista". Alauda Ruiz de Azua zuzendariaren hitzetan, pelikula "bidaia zoragarria izan da, abentura bat", eta saria lantalde guztiari eskaini dio.
Gainerakoan, Carla Simonen Alcarras-ek (5), Isaki Lacuestaren Un año, una noche (5 ) eta Albert Serra Pacifiction (3) jaso dituzte sari gehien. Golardoak Kataluniako Arte Museo Nazionalean egin duten gala batean banatu dituzte, Pere Aragones Generalitateko presidentea eta Miquel Iceta Espainiako Kultura ministroa bertan zirela.
Zure interesekoa izan daiteke
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.