Veneziako Zinema Jaialdia abian, Hollywoodeko gidoilarien eta aktoreen grebak ilunduta
Azken hamarkadan, Hollywoodeko izarrek Europan zuten erakusleiho gogokoenetako bat bilakatu da Veneziako Zinema Jaialdia. Mostrak gaur ekin dio bere 80. edizioari, eta AEBko gidoilari eta aktoreen grebaren eraginpean egin beharko du aurtengoa, protestak alfonbra gorriaren ikuskizuna ilunduko duen beldur.
Hollywooden arrastoa gorabehera, Alberto Barbera jaialdiaren zuzendari artistikoak "zinema handia" erakutsiko dutela agindu du, udazkenerako espero diren titulu handi batzuk ikusgai izango direla nabarmenduta. "Egungo egoeraren 360 graduko ikuspegia eskainiko dugu. Sona handiko jaialdi bati buruz denek espero dutenaren eta zinema emergentearen miaketa lan baten arteko oreka bilatuko dugu", esan du.
Grebak izango duen eraginaz galdetuta, Barberak esan du "apala" izango dela, eta "nahikoa izar" izango dituztela. Jaialdian estreinatzekoak ziren AEBko pelikulen artean, bakarra utzi dute bertan behera: Luca Guadagninoren Challengers, Zendaya aktore gaztea protagonista duena. Jaialdia zinta horrekin zabaldu behar zuten, baina ekoiztetxeak apirilera atzeratu du.
"Gainerako titulu guztiak baieztatuta daude. Ezberdintasun bakarra dago: aktore batzuk ez dira etorriko. Greban dauden estudioetakoek ezin dute parte hartu, eta, beraz, ez ditugu alfonbra gorrian ikusiko, baina zuzendari guztiak egongo dira", azaldu du.
Baieztatutakoak
Hala, besteak beste, Sofia Coppola ikusiko dugu Veneziako Lidoan. Elvisen emaztearen inguruko biotica eramango du (Priscilla), aktoreak ondoan dituela, Jacob Elordi tartean.
Adam Driver eta Penelope Cruz ere dira bertan egotekoak, Michel Mannen Ferrari pelikulako protagonistak baitira. Pablo Larrain Txileko zuzendariaren El Conde eta Michel Franco mexikarraren Memory ere erakutsiko dituzte, Jessica Chastain aktore nagusia Venezian dela.
Joango ez direnen artean, nabarmentzeko moduko bi: Bradley Cooper Maestro lanaren zuzendari eta aktorea, eta Emma Stone, Yorgos Lanthimosen Poor things filmeko protagonista.
Europako eta Hego Amerikako ekoizpenak ere izango dira, eta horrenbestez, bertako izarrak izango dira nagusi, hauek tartean: Mads Mikkelsen (Bastarden, Nikolaj Arcelena), Lea Seydoux (La Bête, Bertrand Bonello zuzendariarena) eta Lily James eta Willem Dafoe (Finalmente l'alba, Saverio Constanzoena). Halaber, Luc Bessoen azken filmeko (Dogman) Caleb Landry Jones aktorea ere ikusiko dugu alfonbratik.
Euskal zinemak ere tartea izango du Veneziako Mostran, Victor Iriarteren lehen filma, Sobre todo la noche, estreinatuko baitute larunbatean Giornate degli Autori atalean.
Hiru aste barru da hastekoa Donostiako Zinemaldia, eta, hala, Veneziakoa proba gisa har daiteke.
Zure interesekoa izan daiteke
‘Ander eta Yul’ filma zaharberritu dute EITBk eta Euskadiko Filmategiak
Ana Diez zuzendari nafarraren ‘Ander eta Yul’ (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’immagine Ritrovata laborategietan aztertu eta eskuz konpondu dute, aurretik, besteak beste, ‘Tasio’ filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.
Zinemaldiko kartel berriek zinemako zenbait ogibide dituzte protagonista gisa
Ricardo Darin aktore, ekoizle eta zuzendaria izango da Donostiako Zinemaldiaren 74. edizioko kartel ofizialaren protagonista. Jaialdia 2026ko irailaren 18tik 26ra bitarte egingo da. Kartelak Donostiako Wallijai estudioak diseinatu ditu. Darin protagonista den kartelaren kasuan, collagea sortu dute 2024an hartutako erretratu batetik abiatuta. Poster ofizialarekin batera, gainerako sekzioetako kartelak ere eman dira ezagutzera, zinemagintzako ogibideei omenaldi egin nahian. Hala, Darinen irudia duen posterrak interpretaziora garamatza, eta gainerakoek, berriz, honako hauekin dute zerikusia: gidoia (New Directors), soinua (Horizontes Latinos), zuzendaritza (Zabaltegi-Tabakalera), muntaia (Perlak), arte-zuzendaritza (Nest), makillajea (Culinary Zinema), efektu bereziak (Zinemira) eta ekoizpena (Made in Spain). Kartel horiei Klasikoak ekimeneko hiru kartelak gehituko zaizkie laster. Aurten, Jose Giovanni zinegile, eleberrigile eta gidoilari frantsesa omeduko dute hiru kartel horien bidez.
Maialen Beloki: "Trantsizioa naturaltasun osoz bizi dugu"
Jose Luis Rebordinos Donostiako Zinemaldiaren zuzendariak eta Maialen Beloki urtarriletik aurrera horren tokia hartuko duenak hitza hartu dute irailaren 18an hasiko den hurrengo edizioaren kartelaren aurkezpenean.