Zinema, salaketak eta grebaren itzala, Cannesen
Gaur, maiatzak 14, hasiko da Canneseko zinema jaialdiaren 77. edizioa, eta hilaren 25ean jakingo dugu palmaresa. Sail Ofiziala eta, oro har, zinema programazioa mamitsua da zinez: Francis Ford Coppola lehiara bueltan da duela 45 urte Apocalypse Now filmarekin Urrezko Palma irabazi eta gero; Meryl Streepek, George Lucasek eta Ghibli Hayao Miyazakiren animazio estudioak Ohorezko Palma irabaziko dute; Cannes Classics sailean Tasio programatu dute filmaren 40. urteurrenarekin bat; eta lehen mailako zuzendariak izango dira Urrezko Palmaren bila, hala nola Sean Baker, Jacques Audiard, Yorgos Lanthimos, Andrea Arnold, Paolo Sorrentino eta David Cronenberg.
Horiez gain, beren azken lanak defendatzen egongo dira Cannesen Emma Stone, Chris Hemsworth, Anya Taylor-Joy, Jacob Elordi, Adam Driver, Selena Gómez, Cate Blanchett aurten Donostia saria jasoko duen aktorea, Dustin Hoffman, Shia LaBeouf, Demi Moore, Margaret Qualley eta Dennis Quaid.
Nolanahi den, filmen proiekzioak abiatu aurretik bederen, beste gai batzuk ibili dira hitzetik hortzera, jaialdiari buruzko elkarrizketetan: egunotan zinema industrian jarduten diren emakumeek pairatzen dituzten abusuen aurkako salaketa segida izango ote den zurrumurrua eta hainbat kolektibok -proiekzionistak, komunikazio arduradunak…- greba egingo ote duten beldurra, baldintza prekarioak dituztelako eta Frantziako Gobernuak zaildu egin dizkielako langabeziarako bideak.
Frantziako hedabideetan, hainbat aste daramatzate zurrumurruka, jaialdiaren egunetan argitaratuko ote den hainbat emakumek Frantziako hamar zinema izarren aurka egindako salaketak biltzen dituen zerrenda bat.
Berbakizun horiek gorabehera, emakumeek zinema industrian duten egoera txarraren salaketak tokia izango du seguru Canneseko agendan, Moi aussi Judith Godrèche aktoreak zuzendu duen film laburraren eskutik. Un Certain Regard atalean estreinatuko dute.
Emakumeek eta umeek Frantziako zinemagintzan pairatzen dituzten abusuen aurkako borrokaren ikurra da Godrèche, urte hasieran jendartera zabaldu baitzuen Benoît Jacquot eta Jacques Doillon zuzendariek abusuak egin zizkiotela laurogeiko hamarkadan, nerabea zela.
Horrez gain, Mohammad Rasoulofek, Sail Ofizialean The seed of the sacred fig pelikula aurkeztuko duen irandar zinemagileak, iragarri du jaioterritik ihes egin duela, agintarien baimenik gabe, eta Europa iritsi zela "duela hainbat egun"; hortaz, Cannesen egon ahalko da.
Zinemagilea zortzi urteko espetxealdira, zigor kolpeak jasotzera eta bere ondasun guztiak Estatuaren esku uztera zigortu dute Iranen, "herrialdearen segurtasunaren aurkako krimenak egiteko asmoz kolusio delitua egitea" egotzita.
Rasouloufek Berlingo Urrezko Hartza irabazi zuen 2020an, Sheytan vojud nadarad filmari esker, eta arazo asko izan ditu bere herrialdeko agintariekin; bi aldiz ezarri diote kartzela zigorra. Hala ere, "bizirik nago, kontatzen jarraitzeko…" esan du sare sozialetan.
Tasio
Tasio Montxo Armendarizek 1984an zuzendu zuen filma 4K-ko bereizmena duen kopia zaharberritu batean ikusiko da Cannese, maiatzaren 15ean, Cannes Classics atalean.
Zure interesekoa izan daiteke
Mikel Gurrea, Koldo Almandoz eta David Perez Sañudoren film berrienak Zinemaldiko Sail Ofizialean izango dira
“Sants” Mikel Gurrearen filma Urrezko Maskorrerako lehian arituko da Donostiako zinema jaialdian, eta “Azken agurra” Almandozena eta “Sacamantecas” Perez Sañudorena, biak ere euskarakoak, lehiatik kanpo ikusiko dira. Zinemaldiak 74. edizioan pantailaratuko dituen hainbat euskal film aurkeztu ditu, Madrilen.
Oliver Laxe, Tabakaleran, "HU, egin dantza inor begira ez balego bezala" proposamenarekin
Sirāt eta O que arde filmen zuzendariak aurkeztu du, Donostiako zentroan, urriaren 12ra arte ikusgai egongo den erakusketa. Jatorriz Reina Sofía Museorako sortua, instalazioak artistaren azken hamar urteetako filmazioak ditu abiapuntu, Sirāt film sarituaren unibertso bisualarekin lotura dutenak.
Ontziratu al ziren Fuchs anaiak "Winnipeg" barkuan?
Jakina fuchstarrak ez zirela itsasontziratu 2.500 iheslari Espainiako Gerraren osteko krudelkeriatik urrundu zituen Winnipeg barkuan.
Sam Neill zeelandaberritar aktorea zendu da
Jurassic Park sagan Alan Grant paleontologoarena egin zuen aktorea Pianoa eta Urri Gorriaren ehiza filmetan ere agertu zen.
?fmt=webp-alpha&qlt=80)
Samantha Hudson espainiar musikaria da Beldurrezko Astearen kartelaren protagonista
Donostiako zinema jaialdiaren kartelak Cinemasub Itsaspeko Zinemaren Nazioarteko Zikloa omendu du, horren 50. urteurrenean. Argazkiaren koordinazioaz Pedro Mambrú arduratu da, eta Javier Bermejo eta Chus Feijóo dira bere egileak.
Ez zinen zu, Lapulapuk hil zintuen zu, Ni inguratzen lehena
Magalhaes filmak Lope de Agirre, Fritzcarraldo, Hernan Cortés, Diego de Ibarra zein Pascual de Andoyagaren antzeko konkistatzaile, menderatzaile, esploratzaile, esplotatzaile, nabigatzaile iluminatuekin zerikusi franko izan zuen Porton jaiotako Fernão de Magalhãesen delirioa azaltzen du.
Brydie O’Connor zuzendariaren "Barbara Forever" dokumentala, 2026ko Zinegoak jaialdiko sari nagusiaren irabazlea
Lanak Barbara Hammer zinegile ezagunaren bizitza, obra eta ondarea aztertzen ditu bere artxiboko materialaren bidez. Aurtengo edizioko filmik nabarmenena izan da, hiru sari irabazi baititu.
"Dekoratua" filmak Paul Grimault saria irabazi du Annecyko zinema jaialdian
Uniko euskal ekoiztetxearen filmak animaziozko zinema jaialdiaren sari garrantzitsuenetan hirugarrena bereganatu du.
ZUZENEAN: Zinegoak jaialdiaren amaiera gala
Mikel Rueda “Boga” seriea zuzentzen ari da EITBrentzat
Sei ataleko seriea Mikel Santiagok eta Txemi Parrak sortu dute, eta Mikel Losada eta Iraia Elias ditu protagonista. Primeran EITBren plataforman egongo da ikusgai.