Sebastiane sariaren 25. urteurrena ospatuko dute Zinemaldian
Krámpack (Cesc Gay, 2000) zein 20.000 especies de abejas (Estibaliz Urresola, 2023), Gehitu Euskal Herriko Lesbiana, Gay, Trans, Bisexual eta Intersexualen elkarteak hogeita lau aldiz banatu du, Donostiako Zinemaldiaren baitan, Sebastiane saria; hau da, "pertsona homosexual, bisexual, trans, intersexual, queer eta asexualen errealitate, askatasun eta aurrerapenak" ondoen islatzen dituen pelikulari ematen dion saria.
Sariaren 25. urteurrena ospatzeko, 120 battements par minute 2017ko Sebastiane saria irabazi zuen filmaren proiekzioa antolatu dute, irailaren 22rako (igandea), Principe zinema aretoetan, 18:15ean. Robin Campillo zuzendaria eta Nahuel Pérez Biscayart protagonista han izango dira.
Abiatu zutenetik, Sri Lankako, Venezuelako, Aljeriako eta Belgikako sexu askatasunaren gaineko lanak saritu ditu sariak, besteak beste, baita, esaterako, Jon Garaño eta Jose Mari Goenagaren bigarren filma, 80 egunean (2010).
Aurtengo edizioan, hamalau pelikula daude Sebastiane saria irabazteko izendatuta, New Directorseko bi: Bagger Drama eta Por donde pasa el silencio; Horizontes Latinoseko bost (Cidade; Campo, El Jockey, Los domingos mueren más personas, Ramón y Ramón eta Reas); Zabaltegi-Tabakalerako hiru (I Saw The Tv Glow, Sombra grande eta Boku No Ohisama); Perlakeko bat (Emilia Pérez); eta Made in Spaineko hiru (Norberta; Orgullo Vieja; eta Reír, Cantar, Tal Vez Llorar).
Epaimahaia Gehituko kideek eta Eneko Sagardoy eta Anna Castillo aktoreek osatuko dute, eta saridunaren izenaren berri ostiralean, hilak 27, emango dute, 19:00etan, Bidasoa Taproomen.
Sebastiane Latino, "Baby"rentzat
Sari nagusiaz gain, 2013an Gehituk Sebastiane Latino saria sortu zuen, Latinoamerikako filmak aintzat hartuta. Harrezkero, hamaika ediziootan Sebastián Lelio, Jayro Bustamante eta Clarisa Navas zinemagileen lanak saritu ditu. Aurten, Baby Marcelo Caetanok zuzendu duen Brasilgo ekoizpenak irabaziko du saria.
Sebastiane saria irabazi duten filmen zerrenda:
2000 Krámpack | Cesc Gay
2001 Le fate ignoranti | Ferzan Ozpetek
2002 Tani Tatuwen Pyabanna (Flying With One Wing) | Asoka Handagama
2003 Le soleil assassiné | Abdelkrim Bahloul
2004 Beautiful Boxer | Ekachai Uekrongtham
2005 Malas temporadas | Manuel Martín Cuenca
2006 Estrellas de la línea | Chema Rodríguez
2007 Caramel | Nadine Labaki
2008 Vicky Cristina Barcelona | Woody Allen
2009 Contracorriente | Javier Fuentes-León
2010 80 egunean | José Marí Goenaga – Jon Garaño
2011 Albert Nobbs | Rodrigo García
2012 Joven y alocada | Marialy Rivas
2013 Dallas Buyers Club | Jean Marc Vallée
Epaimahaiaren aipamen berezia: Pelo Malo | Mariana Rondón
2014 Une nouvelle amie | François Ozon
2015 Freeheld | Peter Sollet
2016 Bar Bahar | Maysaloun Hamoud
2017 120 battements par minute | Robin Campillo
Epaimahaiaren aipamen berezia: Soldatii. Poveste Din Ferentari | Ivana Mladenovic
2018 Girl | Lukas Dhont
2019 Monos | Alejandro Landes
2020 Falling | Viggo Mortensen
2021 The Power of the Dog | Jane Campion
2022 Something You Said Last Night | Luis De Filippis
2023 20.000 especies de abejas | Estibaliz Urresola
Zure interesekoa izan daiteke
Aitor Gabilondok torturari buruzko film bat zuzenduko du
Patria seriearen sortzaileak “kontakizuna osatzeko beharra” sentitzen du, “serieak zorretan nagoela sentiarazi eta gero”. EITB proiektuan parte hartzen ari da.
Petrus me fecit, Helena lapidem meum reflexa est
Zorteak zera eman dio Petrus zinema piezari: testura ezberdin bat, bene-benetakoa, plantak egiten ez dituena.
"Ander eta Yul" filma zaharberritu dute EITBk eta Euskadiko Filmategiak
Ana Diez zuzendari nafarraren Ander eta Yul (1988) filma zaharberritu dute Euskadiko Filmategiak eta EITBk. Boloniako Zinematekaren menpeko L’Immagine Ritrovata laborategietan aztertu eta eskuz konpondu dute, aurretik, besteak beste, Tasio filmarekin egin zen moduan
Oliver Laxek instalazio bat erakutsiko du Tabakaleran
"HU/هُو.Bailad como si nadie os viera" instalazioak Sirāt filmaren sorkuntza prozesua, ikerketa lana eta grabazioak ditu oinarri. Uztailaren 16an aurkeztuko du Laxek bera, Donostian.
Nouvelles Vagues jaialdiak izarren dirdira piztuko du Biarritzen
Biarrizko zinema jaialdiaren 4. edizioa ekainaren 23tik 28ra egingo dute kostaldeko hirian. Kristen Stewart zuzendari eta aktorea izango da epaimahaiko burua, eta Los Javisek, Xavier Dolanek, Monica Belluccik, Marion Cotillardek eta Isabelle Huppertek parte hartuko dute.
Zinegoak LGTBQ+ jaialdiak 40 film baino gehiago izango ditu Sail Ofizialean
Ekainaren 22tik 29ra bitartean egingo den Zinegoak Bilboko LGTBIQ+ zinema eta arte eszenikoen jaialdiak 40 film baino gehiago izango ditu Sail Ofizialean. Gainera, kulturarekin eta sexu-, identitate- eta genero-aniztasunarekin lotutako 50 jarduera baino gehiagorekin beteko du Bilbao.
Zinemaren Jaia, Hegoaldeko zinema aretoetan bueltan
Ekainaren 8tik 11ra, 3,5 eurokoa izango da zinemarako sarreren prezioa. Ipar Euskal Herrian, Fête du Cinéma ekainaren 28tik uztailaren 1era izango da.
Aurtengo Kimuak katalogoko film laburrak aukeratu dituzte
Zazpi film labur hauek hautatu dituzte euskal film laburrak sustatu eta zabaltzeko: ‘Aho beltza' (Alba Lozano), 'Al otro lado' (Pablo Esteo, June San Sebastián, Leyre Fernández, Antton Gorroño, Leire Martínez, Irune Aguirreazaldegui eta Javier Martínez), 'Bitartean, gero' (Raúl Barreras), 'Hemen gaude' (Sébastien Boulard), 'High River' (Daniel Alegrete), 'Joare Tte' (Ekaitz Bertiz) eta 'Los Divulgators' (Pablo Hernando Esquisabel).
“Tamara ta Mara” euskarazko fikziozko telesail berria estreinatu dute Primeran plataforman
“Tamara ta Mara” umorez beteriko euskarazko fikziozko telesaila da, komedia zoro eta feminista bat. EITBren ‘Formatu txikiak, Talentu berriak’ deialdiaren barruan garatu den bigarren telesaila da. Bilboko Azkuna Zentroan estreinatu ostean, Primeran plataforman dago jada ikusgai.
Cannes, ispilu beltz murgiltzailean
Eta zeren bitartez sorgintzen gaituzte Carltonen Méliès aztiaren ondorengo sortzaile-teknologoek? Errealitate birtualarekin, errealitate areagotuarekin, erreala ez den errealitatearekin, errealitate mistoarekin, existitzen ez diren arren gure begi betaurrekodunen aurrean forma hartzen duten ikuskizun paregabeekin.