Aitor Arregi eta Jon Garañoren 'Marco' Oscar sarietako lasterketatik kanpo geratu da
Isaki Lacuesta eta Pol Rodriguezen Segundo Premio filma aukeratu dute akademikoek Hollywoodeko Akademiaren 97. edizioko Oscar sarietan Espainiako Estatua ordezkatzeko Nazioarteko Film Onenaren kategorian, beste bi hautagaiak gaindituta: Javier Maciperen La estrella azul eta Aitor Arregi eta Jon Garañoren Marco. Horixe iragarri du gaur Eduardo Noriega aktoreak, Zinema Akademiaren egoitzan.
Loreak, Handia eta La trinchera infinita Jon Garaño, Jose Mari Goenaga eta Aitor Arregiren filmak ere aukeratu zituen bere garaian Espainiako Akademiak, hiru obra aukeratzeko aurretiko hautaketan, eta Loreak eta La trinchera infinita Espainiako Akademiaren behin betiko hautagaiak ere izan ziren, baina, azkenean, batek ere ez zuen lortu Hollywoodeko Akademiaren izendatuen artean egotea.
1997an, Bihotzondoko sekretuak Montxo Armendarizen filma Oscar sarietan hautagai izan zen, atzerriko film onenaren atalean.
Marco, EITBren parte-hartzea duen filma, benetako gertakari batean oinarrituta dago: Enric Marco inoiz existitu ez zen deportatua izan zen, iritzi publikoaren eta familiaren aurrean imajinatzen zaila zen gezur bati eusteko gai izan zen gizona: nazien kontzentrazio-esparru batean preso hartu zutela. Karismatikoa eta sinesgarria, Marco Holokaustoaren Biktimen Espainiako Elkarteko presidente izatera iritsi zen, eta, bertan, bere ustezko ausardiagatik eta sufrimenduagatik nabarmendu zen. Egun batean, historialari batek haren kontakizuna erabat faltsua dela jakitera eman arte.
Orain, Segundo Premio, Malagako Zinemaldian Urrezko Biznaga jaso duena, Oscar saria eskuratzeko bideari ekingo dio, Akademiaren lehen kanporaketa gainditu eta hamar tituluko 'shortlist' izenekoan sartuko den jakiteko zain. Iaz J.A. Bayonaren La Sociedad de la Nieve pelikulak ordezkatu zuen Espainia, eta bost finalistetan sartzea lortu zuen.
Segundo Premio Los Planetas musika taldearen izen bereko diskoaren grabazioan oinarrituta dago. Daniel Ibañez eta Cristalino Granadako musikaria dira filmeko protagonistak, eta Jota eta Florent taldeburuak antzezten dituzte, hurrenez hurren, eta Mayrena Stephanie Magninek egiten du.
Zure interesekoa izan daiteke
Los Javis, Araujo, Dhont edo Hamaguchiren film berriak eskainiko dituzte Zinemaldiko Perlak sailean
Guztira 16 film luze proiektatuko dira Perlak sailean eta guztiak, Olivier Nakache eta Eric Toledanoren 'Juste une illusion' izan ezik, Donostia Hiria Publikoaren Saria eskuratzeko lehiatuko dira.
Zinemaldiko Belodromoko saioetarako sarrerak salgai daude dagoeneko
Donostiako belodromoak 'Karateka' eta 'Muguruza FM 40 Tour' filmen mundu mailako estreinaldiak hartuko ditu, baita 'Go! azen' telesailaren denboraldi berriaren lehen atala ere.
Hayden Panettiere aktorea hil da, 'Scream' eta 'Heroes'-eko protagonista, 36 urte zituela
Aktorearen ordezkariak baieztatu du albistea, baina oraingoz ez dute jakinarazi zergatik hil den.
Zinemaldiak Urrezko Maskorra lortzeko lehian arituko diren sei film gehiago iragarri ditu
Jesse Eisenbergen eta Fred Cavayeren lanak, besteak beste, aurretik iragarritako hamar izenburuei batuko zaizkie Zinemaldiko Sail Ofizialean.
Leihoa irekita izan arren, pantailarik ez
Werner Herzog, Donostia saria
Zuzendari, gidoilari, ekoizle eta aktore alemaniarrari Zinemaldiko ohorezko sari ospetsuenetako bat emango diote. Herzogek inaugurazio-ekitaldian jasoko du saria, eta bere azken filma aurkeztuko du: Bucking Fastard.
Manolo Solo espainiar aktorea hil da
Andaluziar aktoreak, "Cerrar los ojos" eta "Una quinta portuguesa" flimen protagonistak, 62 urte zituen.
?fmt=webp-alpha&qlt=80)
Hamalau zinemagilek beren lehen edo bigarren filmak aurkeztuko dituzte New Directorsen
Javier Giner barakaldar zuzendariak “Esta soledad” bere estreinako pelikula aurkeztuko du Zinemaldiaren atal honetan.
Eta sirenek kantu ez bazuten egin?!
Sirenen isiltasunaren kontra (edo alde) egin behar izan zuten borroka The Odissey filmaren musikaz arduratu zirenek, Suedian jaiotako Ludwig Göransson musikari hiru Oscar sariduna buru zela. Erabaki sendoak, ezin utzizkoak hartu zituzten. Lehengo eta kasik garrantzi handienetakoa: orkestrarik ez zen izango.
Urriaren 9an iritsiko da zinemetara “Inurri itsuak” Igor Legarretaren filma
Euskarazko pelikulak Ramiro Pinillaren eleberri bat du oinarri, eta antzeztaldea Urko Olazabal, Itziar Ituño, Josean Bengoetxea, Miren Gaztañaga eta Carlos Santosek osatzen dute.