Albiste izango dira: Euskal Zinemaren Gala, Gerra Libanon eta Atun gorria Bizkaiko Golkoan
Honako gai hauek hartuko dituzte gaur, 2024ko irailaren 23an, hedabideetako lerroburu nagusiak:
- Euskal Zinemaren Gala, Zinemaldian: EITBren eskutik, Euskal Zinemaren Gala Handia egingo da Donostiako Victoria Eugenia antzokian. Gainera, hainbat sari banatuko dira, euskal zinema osatzen duten eragile guztien festan egindako lana nabarmentzeko. Elena Irureta aktoreak Donostia Zinemaldiak ematen duen Zinemira saria jasoko du. ETB2n eta eitb.eus-en ere izango da ikusgai Euskal Zinemaren Gala, 23:00etan hasita.
- Gerra Libanon: "Milaka" familiak Libanoren hegoaldeko eta ekialdeko eskualdeetatik ihes egin behar izan dute, Israel bonbardatzen ari delako, aurrekaririk ez duen erasoaldi batean. Atzokoa Libanon 2006tik izandako egunik odoltsuena izan zen. Israelek gutxienez 492 pertsona hil zituen, tartean 35 haur eta 58 emakume, eta 1.600 baino gehiago zauritu ditu Libanon egindako bonbardaketetan.
- Atun gorria Bizkaiko Golkoan: AZTI ikerketa zentroak eta Kataluniako Itsasbalfego enpresak Kantauri itsasoan atun gorria gizentzeko akuikulturako proiektu pilotu bat aurkeztuko dute. Zehazki, ekimenaren hasierako fasearen berri emango dute. Getaria aurrean bi kaiola urperagarri eraiki eta itsasoan jarriko dituzte. Lehen faseak arrakasta badu, kaiolak 2025ean probatuko dira atun gorriaren ale kopuru jakin bat gizentzeko.
Zure interesekoa izan daiteke
Albiste izango dira: Oscar sariak, EAEko aireportuen kudeaketari buruzko bilera Madrilen eta udal hauteskundeak Ipar Euskal Herrian
Gaurkoan Orain-en albiste izango direnen laburpena, bi hitzetan.
Aldarrikapen politikoek ez dute Oscarren bataila irabazi
Munduko egoera geopolitiko eta humano aldrebesak ez du Conan O’Brienek aurkeztu duen galako erdigunea hartu, Javier Bardem espainiar aktoreak gerraren kontra eta Palestinaren askatasunaren alde eginiko aldarri argiaz haratago.
Oscar sarien 98. edizioko palmaresa
One Battle After Another filmak sei Oscar lortu ditu, gaueko sari nagusia barne, film onenarena; Sinnersek, 16 ataletan izendatuta egonik, lau estatuatxo erdietsi ditu.
Oscar sarietako unerik onenak
Oscar sariek une gogoangarriak eta look apurtzaileak utzi dituzte. Hemen adibide batzuk.
“One Battle After Another” Paul Thomas Andersonen filma nagusi, Oscar sarietan
Estatubatuar zuzendariaren filma izan da Hollywoodeko sarien 98. edizioaren gaueko izarra, sei sari bereganatuta; besteak beste, film, zuzendari eta gidoi egokitu onenen ataletan irabazi du.
Gemma Cuervo aktorea hil da, 91 urte zituela
Antzokietako oholtza gainean egindako lanagatik eta telebistako programa zein telesailetan agertzeagatik oso ezaguna zen Bartzelonan jaio eta Madrilen hil den aktorea.
Hollywood, Oscar sarien 98. ekitaldirako prest
"Sinners" filmak markak hautsi ditu 16 izendapen jasota, eta "Sirat" Nazioarteko Film Onenaren saria jasotzeko izendatu dute. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira galan protagonista nagusiak.
“Argi gorriak” seriea martxoaren 20an estreinatuko da Primeran plataforman
Itziar Ituño protagonista duen komedia garratza ordu erdiko zortzi atalez osatuta dago. Martxoaren 18an hiru atal estreinatuko dituzte, Kursaalen. Alex Merino, Alejandra Arróspide eta Alberto Gastesi dira seriearen sortzaileak, eta Gastesik berak zuzendu du. Antzeztaldea Iñigo Gastesi, Yangxi Chen, Iñigo Rodríguez, Klara Badiola, Miren Gaztañaga, Sara Cozar, Ziyi Yang, Guiomar Puerta, Aitor Beltran eta Jon Lukas Puertas aktoreek osatzen dute. Elena Mugika izeneko bikoizketako aktorearen rola betetzen du Itziar Ituñok. Bere urterik sutsuenak atzean utzita, errutinan murgilduta bizi da. Baina iktusa izan duen eta heriotza-mehatxu arriskutsu batean nahastuta dagoen senar ohiaren itzulerak dena aldatuko du.
Aranzazu Calleja musikagileak FANT zinema jaialdiaren ohorezko saria jasoko du
Fantasiazko zinemaren Bilboko jaialdia La casa en el árbol Luis Calderonen filmak irekiko du.
Beren senetik irten diren pelikulen alde, topa
Adibiderik nahi, behar? Hona hemen txundigarri oso diren pare bat: Maggie Gyllenhaalen The Bride! eta Anders Thomas Jensenen The Last Viking.