Albiste dira

"El diablo fuma" EQZEn garatutako filma saritu du Berlinalek

Ernesto Martinez Bucio Elias Querejeta Zine Eskolako ikaslearen filmak Lehen Film Onenaren Saria jaso du Berlingo zinema jaialdiko Perspectives sailean.

'El diablo fuma (y guarda las cabezas de los cerillos quemados en la mismo caja)'. © Odei Zabaleta.

N. V. | EITB Media

2025/02/24 - 10:47

Azken eguneratzea

2025/02/24 - 10:47

Berlinalek "El Diablo Fuma (y guarda las cabezas de los cerillos quemados en la mismo caja)" Ernesto Martinez Bucioren filma saritu du, Perspectives zinemagileen lehen filmak biltzen dituen atalean.

Martinez Bucioren film luzea Elias Querejeta Zine Eskolan (EQZE) ekoitzi da, eta mundu osoko beste 13 lanekin lehiatu da Perspectives sail berrian, tartean "Duas vezes, de João Liberada" Paula Tomas Marques EQZEko ikasle ohiaren beste opera prima batekin.

Mexikar zinemagilea pozik agertu da saria jaso duenean. Argazki-zuzendaria Odei Zabaleta gipuzkoarra da, gaur egun Mexikon lan egiten duena, eta filmaren tutorea Michel Gaztambide gidoilaria.