Iñaki Alforjak Anastasini zirkuaren historia beltza berreskuratuko du
Iñaki Alforja dokumentalista (Bolante baten historia, Motxila 21…) La función inacabada del circo Anastasini dokumentala prestatzeko lanetan murgilduta dago. Francisco Francoren altxamenduaren biharamunean, 1936ko uztailaren 19an, Lodosan hil eta desagerrarazi zituzten zirkuko kideen historiaren inguruko ikerketa gisara aurkeztu dute pelikula, eta "misterioa, memoria historikoa eta zirkuaren unibertso sinbolikoa" uztartuko dituela aurreratu dute.
Nafarroako udalerrira iritsi eta biharamunean, zirkua hankaz gora zegoela eta bertako kideen erdiak desagertuta esnatu zen eguna. Hondarrak herrian zehar zabaldu ziren: ikuskizunetarako zaldiak lurra lantzen, olana kortak estaltzen, aulkiak etxeetan barreiatuta eta, inork esan zuzenez, elefante bat ere ibili zen herrian alderrai.
Pepe Viyuela aktore eta clownak hartuko du parte filmean, eta Alforjak lekukoen ahotsak eta adimen artifiziala erabiliz birsortutako orduko eszenak erabiliko ditu filma ehuntzeko.
Iñaki Alforja Floridara joan da, Renato Anastasinirekin, orduko gertakarien lekuko bakarrarekin, hitz egitera, eta, 91 urteko gizonaren laguntzaz, zirkuak Lodosan 1936an bukatu gabe utzi zuen funtzioa amaitzera Nafarroara egin zuen itzulerako bidaia kontatuko du.
Miren Amurizak eta Malen Amenabarrek italiar jatorriko zirkuaren historia bildu zuten Anastasini zirkua (Denonartean, 2024) liburuan.
Albiste gehiago zinema
"Gaua" eta "Decorado" euskal ekoizpenak Sitgeseko zinema jaialdian lehiatuko dira
Paul Urkijoren film berria eta Alberto Vázquez galiziarraren animaziozko lana urriaren 9tik 19ra Kataluniako kostaldeko herrian egiten den zinemaldiko Sail Ofizialean izango dira.
Urriaren 10ean estreinatuko dute “Karmele” filma
Lehenago, Asier Altunaren filma Donostiako Zinemaldiko Sail Ofizialean proiektatuko dute. Jone Laspiur eta Eneko Sagardoy dira protagonistak, eta “Elkarrekin esnatzeko ordua” Kirmen Uriberen eleberrian oinarrituta dago.
Karmele, Maspalomas eta Zeru ahoak Zinemaldiko Sail Ofizialean egongo dira
Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen. Euskarazko hiru jasoko ditu aurtengo edizioaren Sail Ofizialak: Koldo Almandozen Zeru Ahoak, Asier Altunaren Karmele eta Moriartiren Maspalomas. Azken hori, gainera, Maskorra eskuratzeko lehian izango da.
Euskarazko hiru ekoizpen jasoko ditu Donostiako Zinemaldiaren Sail Ofizialak
“Maspalomas” Moriarti hirukotearen filma Maskorretarako lehian izango da, eta “Karmele” Asier Altunaren filma eta “Zeru ahoak” Koldo Almandozen seriea, lehiatik kanpo. Donostiako Zinemaldiak aurtengo programazioan egongo diren Estatuko ekoizpenak aurkeztu ditu gaur, Madrilen.
Ion de Sosak Locarnoko zinema jaialdian estreinatuko du “Balearic”
Donostiar zinemagilearen film luzea Concorso Cineasti del Presente sailean lehiatuko da Suitzako hiriko jaialdian.
"Jone, batzuetan" Sara Fantovaren filma irailaren 12an estreinatuko dute
Malagako zinema jaialdian eta D’A Film Festivalen sariak jaso eta gero, Josean Bengoetxea eta Olaia Aguayo protagonista dituen pelikula zinema aretoetara iritsiko da.
“Maspalomas” Moriartitarren film berriaren lehen irudiak
EITBk Moriarti hirukotearen film berriaren lehen trailerra estreinatu du. Jose Mari Goenagak eta Aitor Arregik (Marco, La trinchera infinita, Handia, Loreak…) zuzendu duten filmaren protagonistak Jose Ramon Soroiz eta Nagore Aranburu dira. Vicenteren bizitza du kontagai: Kanarietan bizitzaz gozatzen ari dela, Donostiara itzuli beharko du eta, adinekoen etxe batean sartzen dutenean, homosexuala dela ezkutatuko du. EITBren parte-hartzea duen filma irailaren 26an iritsiko da zinema aretoetara.
Michael Madsen, 'Kill Bill' eta 'Reservoir Dogs' filmetako aktorea hil da, 67 urterekin
Malibuko bere etxean topatu dute aktorea hilda, antza, bihotzekoak-jota. Madsenek, Quentin Tarantinoren film ugaritan lan egiteaz gain, ehunka film eta telesailetan parte hartu du 1983an bere ibilbide artistikoa hasi zuenetik.
Zinemajaletasunak ez du mugarik onartzen
Bada zinemazale ororen arteko elkartasun estrainioa, mugak gainditzen dituena, ozeanoak zeharkatzen dituena.
“Between goodbyes” dokumentalak irabazi du Zinegoakeko sari nagusia
LGTBIQ+ zinema eta arte eszenikoen Bilboko jaialdia gaur bukatu da. Europan adoptatutako pertsona batek Koreako jatorrira egindako bidaia kontatzen du film irabazleak.