Alauda Ruiz de Azua zuzendari bizkaitarra lehen aldiz lehiatuko da Donostiako Zinemaldiko Urrezko Maskorra lortzeko, ‘Los Domingos’ filmarekin
Film honek klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du. Ruiz de Azuaren lehen film luzea 'Cinco lobitos' izan zen.
Alauda Ruiz de Azua, 2024ko Donostiako Zinemaldian. Argazkia: Europa Press
zuzendari bizkaitarra,
Alauda Ruiz de Azua (Barakaldo, 1978), lehen aldiz lehiatuko da Urrezko Maskorra lortzeko Donostiako 73. edizioko Sail Ofizialean, 'Los domingos' filmarekin. Blanca Soroa eta Patricia Lopez Arnaiz dira protagonistak, eta klausura-komentuko kontenplazio-bizitzak erakarri egingo duen gazte aparteko eta idealista baten istorioa jorratzen du.
Blanca Soroa hasiberria eta Patricia Lopez Arnaiz (Pilar Palomerok zuzendutako 'Los destellos' filmagatik iaz Interpretazio nagusi onenaren Zilarrezko Maskorra irabazi zuena) dira filmaren protagonistak. Horiez gain, Miguel Garces, Juan Minujin, Mabel Rivera eta Nagore Aranburu ere aktore zerrendan daude.
Ruiz de Azuaren lehen film luzea 'Cinco lobitos' (Zinemira, 2022) izan zen, Berlinaleko Panorama sailean estreinatua eta Malagako zinema-jaialdian zortzi sari irabazi zituena, hala nola film onenaren Urrezko Biznaga eta zuzendari berri onenaren Goya saria.
Halaber, 'Querer' (2024) minisailaren egilea ere bada, eta Donostia Zinemaldiko Sail Ofizialean parte hartu zuen lan horrekin, lehiaz kanpo, geroago Forque eta Feroz sariak eta Séries Mania jaialdiaren nazioarteko lehiaketaren golardoa beretzeaz gainera.
'Los tigres', urpekaritzari buruzko thrillerra, Alberto Rodriguezek zuzendua eta Antonio de la Torre protagonista duena; 'Maspalomas', Jose Mari Goenaga eta Aitor Arregirena; eta 'Historias del buen valle', Jose Luis Guerinen lana, dira lehiaketarako beste ekoizpenak, joan den uztailaren 11n Madrilen iragarri zituztenak.
Zinemari buruzko albiste gehiago
Jim Jarmuschek irabazi du Veneziako Urrezko Lehoia, 'Father Mother Sister Brother' filmarekin
The voice of Hind Rajab filmak, Israelen eraso batean sei urteko neskato palestinar baten heriotza kontatzen duenak, Zilarrezko Lehoia eskuratu du Veneziako 82. Zinemaldian, epaimahaiak zuzendari onenari ematen dion saria.
Donostiako Zinemaldiak "Netanyahuren gobernua gauzatzen ari den sarraski ikaragarriak" arbuiatu ditu
Ruth Perez de Anucita Zinemaldiko Komunikazio arduradunak "Gazako genozidioari buruz" manifestua irakurri du gaur, Zinemaldiaren 73. edizioaren aurkezpen ekitaldian.
Juliette Binoche, Matt Dillon, Colin Farrell, Richard Linklater eta Renate Reinsve Zinemaldira etorriko dira
J. A. Bayona kataluniar zuzendaria izango da Sail Ofizialeko epaimahaiaren burua. Paul Dano, Maria de Medeiros, Erward Berger, Claire Denis, Agnieszka Holland eta Ron Perlman ere etorriko dira Donostiara, besteak beste, Esther García eta Jennifer Lawrence Donostia saridunez gain.
Ikusi “Hombre bala” Mikel Erentxuni buruzko dokumentalaren trailerra
Anuska Ariztimuñok zuzendu duen pelikula Zinemaldian estreinatuko dute, eta donostiar musikariaren “alderik humanoena, arrakasta goiztiarra, artista moduan lupetzatik egindako zeharkaldia eta senide eta lagunekiko harremana” erakusten du.
Euskal zinemako lau film ertain historiko eta Stanley Kubricken zein Manoel de Oliveiraren lanak, Klasikoak sailean
Zinema unibertsalaren historiako klasiko zahar eta modernoak berreskuratzen dituen atalak Ehun metro, Hamaseigarrenean aidanez, Zergatik panpox eta Oraingoz izen gabe euskal klasikoen bertsio zaharberrituak aurkeztuko ditu, besteak beste.
Mirentxu Loyarte zinemagilea zendu da
Iruindar zinemagileak “Irrintzi” filma zuzendu zuen 1978an. Iratxe Fresneda zuzendariak haren lana arakatu zuen Irrintziaren oihartzunak 2016ko pelikulan.
EITBk Zinemaldiari emandako babesa berritu du, euskal ekoizpenek presentziarik handiena duten urtean
25 lanek dute EITBren parte-hartzea, tartean, Sail Ofizialean proiektatuko diren euskarazko hirurek: Maspalomas eta Karmele filmek eta Zeru ahoak serieak. Euskal zinemaren presentzia historikoa izango da Zinemaldiaren 73. edizioan.
Esku baten historia
Iban Toledo eta Oroitz Zabala Eraukon, Eskuaren mintzoa Irulegiko Eskuari buruzko dokumentala filmatzen ari dira, eta azaroan bukatu nahi dute urtebeteko lana. Lanak EITBren parte-hartzea du.
Animadebak 18. urtebetetzea ospatuko du irailaren 3tik 6ra
Nazioarteko film laburren lehiaketa eta haur zein helduentzako film luzeak egongo dira, baita kontzertuak ere, adin nagusitasuna ospatzeko. Michaël Dudok de Witt herbeherear zuzendariak jasoko du ohorezko saria, eta Begoña Vicariok, EITB saria.
“27 noches”ek ireki eta “Winter of the Crow”k itxiko dute Zinemaldiko Sail Ofiziala
Inaugurazio eta amaiera galetarako eta Jennifer Lawrenceri Donostia saria emateko galarako sarrerak bihar jarriko dira salgai, asteartearekin. Inaugurazio gala Silvia Abrilek, Toni Acostak eta Itziar Ituñok aurkeztuko dute, eta itxiera gala, Itsaso Aranak.