Jim Jarmuschek irabazi du Veneziako Urrezko Lehoia, 'Father Mother Sister Brother' filmarekin
The voice of Hind Rajab filmak, Israelen eraso batean sei urteko neskato palestinar baten heriotza kontatzen duenak, Zilarrezko Lehoia eskuratu du Veneziako 82. Zinemaldian, epaimahaiak zuzendari onenari ematen dion saria.
Jim Jarmusch, Urrezko Lehoiarekin. Argazkia: EFE.
Jim Jarmusch zinemagile estatubatuarrak irabazi du Veneziako 82. zinemaldiko Urrezko Lehoia, film onena saritzen duen saria, familia-harremanei buruzko Father Mother Sister Brother (Aita Ama Arreba Neba) tragikomediagatik.
"Hemen gaudenok, zinema egiten dugunok, ez gaude lehiaketak bultzatuta, baina hau benetan estimatzen dudan zerbait da eta ustekabeko ohorea da", esan du zuzendariak Veneziako Lidoko Zinema Jauregian saria jasotakoan.
Filmak triptiko itxurako guraso eta seme-alaben istorioak kontatzen ditu, eta, besteak beste, Tom Waits, Adam Driver, Charlotte Rampling eta Cate Blanchett ari dira bertan aktore lanetan.
The voice of Hind Rajab (Hind Rajaben ahotsa) lanak, 6 urteko neskato palestinar bat israeldarren eraso batean nola hil zen kontatzen duenak, Zilarrezko Lehoia jaso du, epaimahaiak zuzendari onenari ematen dion sari nagusia.
Kaouther Ben Hania zuzendari tunisiarra zutik eta txalo zaparrada handi batekin hartu du publikoak saria jasotzera joan denean.
"Sari hau palestinarrei eta Gazan bizitzak salbatzeko dena arriskatzen duten guztiei eskaintzen diet; horiek dira benetako heroiak. Hinden ahotsa Gazaren ahotsa da", adierazi du.
Ben Haniak "zinemaren indarra" baliatzearen alde egin du, "bestela ahaztu egingo liratekeen istorioak kontatzeko aukera ematen duelako".
"Zinemak ezin digu (neskatoa) itzuli, eta ezin ditu ezabatu haren aurka egindako ankerkeriak, inork ezingo du inoiz kendu zaiena berrezarri, baina zinemak haren ahotsa gorde dezake eta mugetatik harago entzunarazi", esan du. "Haren istorioa ez da harena bakarrik, Israelgo erregimen kriminala zigorgabetasun osoz egiten ari den genozidioa pairatzen ari den herri oso batena baizik", gaineratu du.
The voice of Hind Rajab filmak Mostra astindu du, Israel Gazako Zerrenda bonbardatzen ari den bitartean estreinatu baita.
Zure interesekoa izan daiteke
Galiziatik Euskal Herrira egindako zeharkaldia ikusarazten du Mikel Urdangarin abeslariak zuzendutako "Itsasora" filmak
Musikariak bere belaontzi zaharberritua ekartzeko laguntza eskatu zion Unai Basurko nabigatzaileari, eta negu betean egindako bidaia hori jorratzen du lanak. Urdangarinen filmak hasiera eman dio Mendifilm jaialdiaren 18. edizioari.
Hind neskatoak Herman “reichsmarschalla” gainditu
Ez dut uste erraturik nagoenik: Palestinak Israel gainditu du kontakizunean.
EITBren parte-hartzea duen Alberto Gastesiren "Singular" thrillerra zinema-aretoetan ikusgai dago
Filma Sitgesen estreinatu zen, eta Patricia Lopez Arnaiz eta Javier Rey ditu protagonista. Dianaren eta Martinen istorioa kontatzen du. Semea hil eta hamabi urtera, bikoteak lakuko bere etxe zaharrean berriz elkartzea erabakitzen du. Hildako semearen antza duen gazte enigmatiko bat etxean agertzen denean, antzinako sekretuak eta susmo berriak argitara ateratzen dira.
“Correct me if I’m wrong” film laburrak irabazi du Zinebiko Sari Nagusia
Hao Zhou txinatar zinemagilearen lan dokumentalak jaso du Bilboko Dokumentalen eta Film Laburren Nazioarteko Jaialdiko epaimahaiaren aintzatespen nagusia. Euskal film labur onenaren saria “Habana industrial” Ainhoa Ordoñezen lanak irabazi du, eta Aitor Gametxoren "Geratzen den hori" filmak Espainiako Film Labur Onenaren Sari Nagusia.
"Los domingos" eta "Maspalomas", Feroz sarietarako film izendapen gehien dituzten filmak
Los domingos, bederatzi izendapenekin, eta Maspalomas, zazpirekin, dira 2026ko Feroz sarietarako izendapen gehien jaso dituzten filmak.
Billy Wilderren 32 film emango ditu Tabakalerak 2026ko zinema programaren barruan
Tabakalerako 2026ko zinema denboraldi berria Donostia Kulturak, Donostiako Zinemaldiak, Euskadiko Filmategiak, Elías Querejeta Zine Eskolak eta Tabakalerak berak diseinatu dute, eta urtarrilaren 8an hasiko da.
Mendi Film, Bilboko nazioarteko mendi zinemaldiaren XVIII. edizioa
Euskalduna Jauregia izango da jaialdiaren kanpaleku nagusia eta abenduaren 5etik 14ra 55 film proiektatuko dira, horietatik 12 euskal ekoizpenak. Jaialdiaren irekiera ekitaldian Entre Juan y Juanito izango da ikusgai, Juanito Oiarzabali buruz Javier Alvarok zuzendu duen filma. Bestalde, iazko Mendi Film bekari esker sortutako Luis Arrietaren filma aurkeztuko da: Sustraiak.
Norma Vila "Salitre" izeneko bere lehen film luzea filmatzen ari da, Nagore Aranburu protagonista duela
Egunotan Arrigorriagan Norma Vila zuzendariaren Salitre pelikula filmatzen ari dira, drama intimoa eta thriller psikologikoa uztartzen dituen film luzea. Nagore Aranburu eta Haizea Carneros dira protagonistak.
?fmt=png-alpha&qlt=80)
Zinebik "Llámame sinsorga" dokumentala aurkeztu du
EITBren parte-hartzea duen filma Zinebi film laburren eta dokumentalen Bilboko jaialdian proiektatuko dute, hilaren 28an zinemara iritsi aurretik. Al Borde Flims etxearen filmak La Sinsorga Bilboko espazio feminista eraikitzeko prozesua jasotzen du.
Umorez, musikaz eta Pablo Bergerrentzako Ohorezko Mikeldiaz abiatu da Zinebi
Zinebiren 67. edizioa Arriaga Antzokian hasi da, Bilboko errodajearen gorakadari, musika emanaldiei eta nobedadeen aurkezpenari keinu eginez. Hasierako saioan Euskal Film Laburren Sail Ofiziala proiektatu dute eta Pablo Berger zinemagile bilbotarrari Ohorezko Mikeldia eman diote.