Jim Jarmuschek irabazi du Veneziako Urrezko Lehoia,'Father Mother Sister Brother' filmarekin
'The voice of Hind Rajab' filmak, Israelen eraso batean sei urteko neskato palestinar baten heriotza kontatzen duenak, Zilarrezko Lehoia eskuratu du Veneziako 82. Zinemaldiko Epaimahaiaren Sari Nagusia.
Jim Jarmusch Urrezko Lehoiarekin. Argazkia: EFE.
Jim Jarmusch zinemagile estatubatuarrak irabazi du larunbat honetan Veneziako 82. zinema jaialdiko film onenaren Urrezko Lehoia, familia-harremanei buruzko Father Mother Sister Brother (Aita Ama Arreba Neba) tragikomediagatik.
"Hemen gaudenok, zinema egiten dugunok, ez gaude lehiaketak bultzatuta, baina hau benetan estimatzen dudan zerbait da eta ustekabeko ohorea da", adierazi du errealizadoreak Veneziako Lidoko Zinema Jauregian saria jasotzean.
Filmak triptiko itxurako guraso eta seme-alaben istorioak kontatzen ditu, eta aktoreen artean daude, besteak beste, Tom Waits, Adam Driver, Charlotte Rampling edo Cate Blanchett.
The voice of Hind Rajab (Hind Rajaben ahotsa) filmak, sei urteko neskato palestinar bat israeldarren eraso batean nola hil zen kontatzen duenak, Veneziako 82. jaialdiko Epaimahaiaren Zilarrezko Lehoia Sari Nagusia eskuratu du.
Kaouther Ben Hania zuzendari tunisiarra zutik eta txalo zaparrada handi batekin hartu dut publikoak, saria jasotzera altxatu denean.
"Sari hau palestinarrei eta Gazan bizitzak salbatzeko dena arriskatzen duten guztiei eskaintzen diet, horiek dira benetako heroiak. Hinden ahotsa Gazako ahotsa bera da", esan du errealizadoreak publikoaren aurrean.
Ben Haniak "zinemaren indarraren" aldeko apustua egin du, "bestela ezabatuko liratekeen istorioak kontatzeko ausardia oparitzen duelako".
"Zinemak ezin digu (neskatoa) itzuli, eta ezin ditu ezabatu bere aurka egindako ankerkeriak, inork ezin du inoiz kendu zaiena berrezarri, baina zinemak bere ahotsa gorde dezake eta mugetatik haratago entzunarazi", esan du, eta gaineratu du "bere istorioa ez dela berea bakarrik, Israelgo erregimen kriminalak zigorgabetasun osoz eragindako genozidioa pairatzen duen herri oso batena baizik".
'The voice of Hind Rajab' filmak Mostra astindu du, Israelek Gazako zerrenda bonbardatzen duen bitartean estreinatu baita.
Zinemari buruzko albiste gehiago
Donostiako Zinemaldiak "Netanyahuren gobernua gauzatzen ari den sarraski ikaragarriak" arbuiatu ditu
Ruth Perez de Anucita Zinemaldiko Komunikazio arduradunak "Gazako genozidioari buruz" manifestua irakurri du gaur, Zinemaldiaren 73. edizioaren aurkezpen ekitaldian.
Juliette Binoche, Matt Dillon, Colin Farrell, Richard Linklater eta Renate Reinsve Zinemaldira etorriko dira
J. A. Bayona kataluniar zuzendaria izango da Sail Ofizialeko epaimahaiaren burua. Paul Dano, Maria de Medeiros, Erward Berger, Claire Denis, Agnieszka Holland eta Ron Perlman ere etorriko dira Donostiara, besteak beste, Esther García eta Jennifer Lawrence Donostia saridunez gain.
Ikusi “Hombre bala” Mikel Erentxuni buruzko dokumentalaren trailerra
Anuska Ariztimuñok zuzendu duen pelikula Zinemaldian estreinatuko dute, eta donostiar musikariaren “alderik humanoena, arrakasta goiztiarra, artista moduan lupetzatik egindako zeharkaldia eta senide eta lagunekiko harremana” erakusten du.
Euskal zinemako lau film ertain historiko eta Stanley Kubricken zein Manoel de Oliveiraren lanak, Klasikoak sailean
Zinema unibertsalaren historiako klasiko zahar eta modernoak berreskuratzen dituen atalak Ehun metro, Hamaseigarrenean aidanez, Zergatik panpox eta Oraingoz izen gabe euskal klasikoen bertsio zaharberrituak aurkeztuko ditu, besteak beste.
Mirentxu Loyarte zinemagilea zendu da
Iruindar zinemagileak “Irrintzi” filma zuzendu zuen 1978an. Iratxe Fresneda zuzendariak haren lana arakatu zuen Irrintziaren oihartzunak 2016ko pelikulan.
EITBk Zinemaldiari emandako babesa berritu du, euskal ekoizpenek presentziarik handiena duten urtean
25 lanek dute EITBren parte-hartzea, tartean, Sail Ofizialean proiektatuko diren euskarazko hirurek: Maspalomas eta Karmele filmek eta Zeru ahoak serieak. Euskal zinemaren presentzia historikoa izango da Zinemaldiaren 73. edizioan.
Esku baten historia
Iban Toledo eta Oroitz Zabala Eraukon, Eskuaren mintzoa Irulegiko Eskuari buruzko dokumentala filmatzen ari dira, eta azaroan bukatu nahi dute urtebeteko lana. Lanak EITBren parte-hartzea du.
Animadebak 18. urtebetetzea ospatuko du irailaren 3tik 6ra
Nazioarteko film laburren lehiaketa eta haur zein helduentzako film luzeak egongo dira, baita kontzertuak ere, adin nagusitasuna ospatzeko. Michaël Dudok de Witt herbeherear zuzendariak jasoko du ohorezko saria, eta Begoña Vicariok, EITB saria.
“27 noches”ek ireki eta “Winter of the Crow”k itxiko dute Zinemaldiko Sail Ofiziala
Inaugurazio eta amaiera galetarako eta Jennifer Lawrenceri Donostia saria emateko galarako sarrerak bihar jarriko dira salgai, asteartearekin. Inaugurazio gala Silvia Abrilek, Toni Acostak eta Itziar Ituñok aurkeztuko dute, eta itxiera gala, Itsaso Aranak.