Koldo Almandoz “Azken agurra” komedia filmatzen hasi da
Donostiar zinemagilearen hurrengo filmak “ironiaz, samurtasunez eta zentzu humanista sakonez” begiratzen die bizitzari eta heriotzari.
Koldo Almandoz zuzendaria. Argazkia: © Pedro Momeñe
Koldo Almandoz donostiar zuzendaria (Zeru ahoak, Hondar ahoak, Oreina, Dinosaurioak…) film luze berri bat filmatzen hasi da, Azken agurra “autore komedia beltza edo errauts kolorekoa”.
Tomas Martínez 45 urteko “antiheroi maitagarria” da, “bizitzari ironiaz, samurtasunez eta zentzu humanista sakonez” begiratzen dion istorioaren protagonista, filmaren arduradunek azaldu dutenez. Hileta zibilen enpresa baten jabea da, aita dorpea eta laneko idazkari gaztearekin maiteminduta dago; bizitzan aurrera egiten du, baldarki.
Iñigo Azpitarte (Handia) eta Izaro Nieto debutaria dira filmeko protagonistak, eta ondoan dituzte Iñaki Beraetxe, Iraia Elias eta Josean Bengoetxea, baita Pako Sagarzazuren laguntza ere.
“Postaletan agertzen ez den Donostia batean", Irunen, Orion, Errenterian eta Pasaian filmatzen ari dira “umore lakonikoa” izango duen lana.
“Azken agurrak gizakion miseria txikiez hitz egiteko aukera eman dit. Gidoi existentzialista bada ere, ez da pelikula ezkorra inondik ere. Bizitzan badirelako, izan, salbatzen gaituzten keinu eta gertakariak. Errauts koloreko komedia esaten diogu, gure pertsonaiek, miseria eta berekoikeria ez ezik, samurtasuna, errukia eta maitatzeko gaitasuna erakusten baitituzte”, azaldu du Almandozek.
Euskarazko pelikulak EITBren parte-hartzea du, eta Garabi Films eta Txintxua Films ekoiztetxeak daude proiektuaren atzean.
Zure interesekoa izan daiteke
Filmen soinuak non, emakumeak han
Pelikulak ikusi egiten dira. Pelikulak aditu egiten dira. Izan itzazue belarriak tente.
Miguel Garces aktoreak jasoko du Zinemastearen Gutako Bat saria
Garcesek larunbatean jasoko du Arabako zinemagintzako profesional nabarmenei ematen zaien golaroda, Zinemastea jaialdiaren amaiera galan.
"Los domingos" eta euskal aktoreak garaile, Feroz sarietan
Alauda Ruiz de Azuaren lanak film onenaren, gidoi onenaren, zuzendari onenaren, aktore protagonista onenaren eta bigarren mailako aktore onenaren sariak lortu ditu. Gizonezko aktore onenen sariak Jose Ramon Soroizek eta Kandido Urangak eskuratu dituzte.
Jacob Elordi 2026ko Oscar sarietarako izendatu dute, Gizonezko Antzeztaldeko Aktore Onenaren sailean
Sinners filmak markak hautsi ditu 16 izendapenekin eta Siratek Nazioarteko Film Onenaren izendapena jaso du. Emma Stone, Jessie Buckley, Rose Byrne, Timothee Chalamet, Leonardo DiCaprio eta Benicio del Toro izango dira izen nagusiak.
Elena eta Telmo Irureta Borjako eccehomoa zaharberritu zuen emakumeari buruzko filmaren protagonistak izango dira
Bixagu euskal ekoiztetxea eta Malagako La Cochera etxea Cecilia. La historia del Ecce Homo de Borja pelikulan lanean ari dira, Cecilia Gimenez Borja Zaragozako herriko elizan fresko bat asmo onez baina ahalmen urriz zaharberritu zuen emakumearen gaineko “begirada intimo eta hunkigarri” batean.
"Benetako istorioak", Fipadoc Biarrizko jaialdian
Bederatzi egunean, 150 film ikusteko aukera izango da Lapurdiko udalerrian. Espainiako eta Portugalgo lanei garrantzi berezia eman diete egitarauan, eta hainbat euskal ekoizpen izango dira, hala nola Idi film laburra eta Akelarre plaza taldearen inguruko dokumentala.
Gautu zen derrepentean Errenteriako Kapitanenea kalean
Jantzien Museoak zinemarekiko zerikusi erabatekoa duen aldi baterako erakusketa estreinatu du Errenterian. Lehenbizikoa! Hainbeste urte pasa eta gero!
Euskal zinemak garai eztia bizi du: zeintzuk dira arrakastaren gakoak?
Azken Goya sarietan 47 izendapen lortu dituzte euskal ekoizpenek. Hala ere, arrakasta hau ez da soilik azken urte honetako kontua. Duela urte batzutatik hona, ekoizpenak ugaritu egin dira eta aretoetan zein sariketetan emaitza onak lortzen ari dira.
Zinemasteak hamar euskal pelikula eskainiko ditu Gasteizko bere egoitza berrian
Euskal zinemaren jaialdiak hamar film proiektatuko ditu urtarrilaren 23tik 30era Vital Fundazioak Posta kalean duen espazio berrian. Amaiera gala eta sari banaketa hilaren 31n egingo dute, Europa jauregian.
Susana Abaitua: "Zoro moduan oihuka aritu naiz etxean, poz aparretan"
Susana Abaitua aktorea Emakumezko Aktore Protagonista Onenaren Goya sarirako izendatu dute, Un fantasma en la batalla filmean egindako lanagatik, eta albistea "nahiko sorpresaz" jaso duela esan du. Hala ere, ez du poza ezkutatzen, eta nabarmendu du, izendatu izan ez balute ere, horrek ez liokeela baliorik kenduko bere aktore lanari, "izendatuak izan ez diren beste kide batzuen lana bezala".