Danny Boylek zuzendutako "Ink" da Zinemaldiko film sorpresa

Guy Pearce eta Jack O 'Connell protagonista dituen thriller biografikoak Veneziako Zinemaldia ireki zuen, eta orain Donostiara iritsiko da. Zuzendariak Victoria Eugenia Antzokian aurkeztuko du larunbatean.

TORONTO (Canada), 15/09/2026.- Actors Guy Pearce (L), Jack O'Connell (C) and film director Danny Boyle (R) arrive for the Canadian premiere of the film 'Ink' during the 51st annual Toronto International Film Festival (TIFF), in Toronto, Canada, 15 September 2026. As Canada's premiere home of cinema, TIFF offers screenings, lectures, discussions, festivals, workshops, events, professional development and opportunities to meet, hear and learn from filmmakers from Canada and around the world. (Cine, Cine) EFE/EPA/EDUARDO LIMA

Mikel Dominguez | EITB

2026/09/24 - 08:31

Azken eguneratzea

2026/09/24 - 09:23

Ink Zinemaldiko aurtengo film sorpresa izango da. Danny Boylek zuzendutako lanak Veneziako jaialdiak inauguratu zuen, eta Urrezko Lehoiaren lehian egon zen. Orain, zuzendari ingelesak Donostiara ekarriko du.

Transpotting eta Slumdog Millionaire pelikuletako zuzendaria Zinemaldiko “seme kuttunetako” bat da. Antzerkian eta telebistan ibilbide luzea egin ondoren, bere lehen film luzearekin, Shallow Grave (1994), zuzendaritza onenaren Zilarrezko Maskorra eskuratu zuzen. Orain Donostiara itzuliko da, pelikula sorpresa besopean duela.

Bi proiekzio izango dira Victoria Eugenia Antzokian: lehenengoa, ostiralean 11:30etan, eta bere aurkezpen handia, larunbatean 16:00etan, Boylek berak aurkeztuta.

Ink-en, Larry Lambek (Jack O’Connell) Ruper Murdoch prentsako handikiaren (Guy Pearce) enkargua onartuko du, The Sun egunkari britainiarraren editorea izateko, eta betiko aldatuko dute hedabideen itxura mundu mailan. Gidoi lanetan parte hartu duen James Grahamen antzezlan baten adaptazioa da.