Bildu-Aralar hautagaitza bakarra hurrengo bilera batean aztertuko dute
Aralar, Eusko Alkartasuna, Ezker Abertzale eta Alternatibako ordezkariek bilera bat izan dute, Donostian, eta hauteskunde orokorrei dagozkien "hausnarketak eta proposamenak" trukatu dituzte, hauteskunde horietarako subjektu bat konfiguratzeko; hurrengo topaketan ikertu eta eztabaidatuko dituzte guztiak.
EAko (Ikerne Badiola eta Marino Alava), Ezker Abertzaleko (Miren Legorburu eta Txelui Moreno), Alternatibako (Oskar Matute eta Begoña Vesga) eta Aralarreko (Patxi Zabaleta, Jon Abril, Rebeka Ubera, Txentxo Jimenez eta Iosu Murgia) ordezkariak azken honek Donostian duen egoitzan bildu dira ordubetez, lehenengo bilkura batean. Datorren hauteskunde orokorretarako aliantzaren sorreraren proposamena ikertzea izan dute helburu.
Biltzarrak aurrera egin ahala, azaroaren 20ko hauteskundeen garrantzia azpimarratu dute, euskal herritarrek, subjektu politiko bezala, Madril eta Europarekin izan nahi dituzten barne zein kanpo harremanak erabakitzeko beraien eskubideak betetzea eskatzen baitute.
Eusko Alkartasunak, Alternatibak eta ezker abertzaleak, Bildu koalizioaren kideak, abuztuaren 5ean, EAJri eta Aralarri zuzendutako proposamen baten berri eman zuten: hauteskunde orokorretan Euskadin eta Nafarroan elkarrekin joatea.
Patxi Zabaleta Aralarreko koordinatzaile nagusiak, asteazkenean, azaldu zuenez, hauteskunde orokorrei begira, bere formazioak kongresurako, EAEn, Bildu-Aralar koalizioa eta Nafarroan, Nafarroa Bai-Bildu proposatu ditu.
Halere, Senaturako, Aralarreko buruzagiak koalizio hori "zabalagoa" izatea proposatu zuen, baita EAJra eta erabakitzeko eskubidea defendatzen duten indar politiko batzuengana hedatzea ere, "Entesarekin Katalunian egiten den antzera".
Zure interesekoa izan daiteke
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.
EH Bilduk "progresibotasun indizea zehaztu" du, hizkuntza-eskakizunen inguruko "akordio inklusiboa" ahalbidetzeko
Halaber, EAJren testuan egin duten zuzenketen artean propio nabarmendu dute bi hizkuntza ofizialak ezagutzea "nahitaezkoa" dela.