AMNISTIA
Gorde
Kendu nire zerrendatik

Puigdemont itzul daiteke: Auzitegi Gorenak atxilotze agindua bertan behera utzi du

Auzitegi Konstituzionalak Kataluniako buruzagi independentistei amnistia aplikatzeko agindua eman dio Gorenari. Minutu batzuk geroago, Gorenak atxilotze-agindua bertan behera utzi du. Hortaz, Puigdemontek Kataluniara bueltatzeko aukera dauka. 18:00etan agerraldia egingo du Waterloon. 

(Foto de ARCHIVO)El presidente de Junts per Catalunya, Carles Puigdemont (C), ofrece declaraciones a los medios, a 24 de enero de 2026, en Perpiñán (Francia). Puigdemont ha convocado una cumbre extraordinaria con toda la cúpula del partido, diputados y algunos de sus alcaldes con motivo de los recientes incidentes en la red ferroviaria y las carreteras catalanas causados por el accidente de un tren de Rodalies en el municipio barcelonés de Gelida del pasado martes.Glòria Sánchez / Europa Press24/1/2026
Argazkia: EFE

Dirua bidegabe erabiltzearen delitua amnistiatzea babestu du astearte honetan Auzitegi Konstituzionalak. Izan ere, aministia aplikatzeko agindua eman dio Auzitegi Gorenari. Ebazpena jakinarazi eta berehala, Auzitegi Gorenak Puigdemonten aurkako atxilotze-agindua bertan behera utzi du. Hortaz, presidente ohia berehala itzul daiteke Kataluniara. 

Puigdemontek hedabideak deitu ditu gaur arratsalderako. Izan ere, 18:00etan, adierazpen instituzional bat irakurriko du Waterlooko bere oraingo etxean. 

Iturri juridikoek jakitera eman dutenez, Auzitegi Konstituzionaleko epaile aurrerakoien zazpi botoekin atera da ebazpena, kontserbadoreen aurkako bost botoen kontra. Gauzak horrela, Dolors Bassa kontseilari ohiaren helegitea babestu dute, Candido Conde-Pumpido presidentearen txostenean oinarrituta. Jose Maria Macias epaile kontserbadoreak bertan behera utzi du Jordi Turull kontseilari ohiaren helegitearen inguruko proposamena.

Horrela, Conde Pumpidoren ebazpenak doktrina ezarriko du procesagatik ihesean dauden kondenatuen eta auzipetuen egoeran; tartean, Puigdemont presidente oiharenean. 

Epaiak diru publikoa bidegabe erabiltzearen delitua amnistiatutzat jotzeko ebazpen berri bat emateko agindu dio Auzitegi Gorenari, "lehentasunez eta presaz".

Dena den, iturri judizialen arabera, auzitegiko presidentearen ponentzia zertxobait aldatu da, zehazki, Gorenaren irizpidearekin gogortzat jotzen ziren adierazpen batzuk leundu egin dira. Hala ere, bost kontserbadoreek boto partikularra emango dutela iragarri dute dagoeneko, espero zen bezala.

Sanchez: "Garrantzitsuena Kataluniako herritarren arteko elkarbizitza da"

Pedro Sanchez Espainiako Gobernuko presidenteak esan du garrantzitsuena "katalanen arteko elkarbizitza" dela. Haren hitzetan, indultuei eta amnistia legeari buruz "gauza asko esan ziren", eta Espainiaren bizikidetza eta kohesioa bilatzen zuten neurriak zirela defendatu du. 

"Ez genituen alderdi politiko baten edo politikari independentista baten alde egin; katalanen arteko bizikidetzaren alde egin genituen", esan du.

"Konstituzioaren aurkakoa zela esan zuten, legearen aurkakoa zela, eta Konstituzio Auzitegiak eta Europako Justizia Auzitegiak Atik Zra babestu dute amnistiaren lege hori", adierazi du.

Azkenik, Sanchezek argitu du ez duela asmorik Puigdemontekin bilerarik egiteko Kataluniara itzultzen denean. 

Junts: "Puigdemonten garaipen handi bat da"

Junts alderdiaren idazkari nagusi Jordi Turull Auzitegi Konstituzionalaren erabakiagatik pozik agertu da: "Puigdemonten eta Lluis Puig eta Toñi Comin erbesteratuen garaipen handia da".

Alderdiaren egoitzan emandako prentsaurrekoan, Turullek ez du Puigdemonten itzuleraren gaineko xehetasunik eman, horri buruzko azalpenak ematea presidente ohiari dagokiola adierazi du.

"Ez dugu gai honen inguruan alderdikeriaz jokatuko. Generalitatearen presidenteak errespetua merezi du", adierazi du.

ERC: "Independentziarako bidea egiten jarraituko dugu"

Kataluniako Gobernuko presidente ohi Pere Aragones (ERC) ere pozik agertu da: "Independentziarako bidea egiten jarraituko dugu".

"Egun ona da gaurkoa. Konstituzionalak amnistia onartu digu, eta Puigdemont eta erbesteratuak etxera itzuliko dira, beren eskubide politikoak berreskuratu dituzte", esan du.

Pradales: "Arazo bat ixtetik gertuago gaude"

"Puigdemont Kataluniara itzultzea pauso garrantzitsua da normalizazio politikorako eta bizikidetzarako bidean. Elkarrizketa eta politika aro berri bat irekitzeko garaia da. Kataluniak eta Estatuak hori behar dute", nabarmendu du Imanol Pradales lehendakariak.

Zure interesekoa izan daiteke

Gehiago ikusi
Publizitatea
X