Auzitegi Konstituzionalak atea ireki dio Puigdemonten itzulerari, amnistiatu egin baitu diru publikoa bidegabe erabiltzearen delitua
Gaur egindako osoko bilkuran Conde Pumpidoren txostena eztabaidatu da, eta Auzitegi Gorenaren interpretazioari kritika egin zaio.
Kataluniako buruzagi independentistei dirua bidegabe erabiltzearen delitua amnistiatzea babestu du astearte honetan Auzitegi Konstituzionalak. Horrek atea ireki dio Carles Puigdemont Kataluniako presidente ohiaren berehalako itzulerari, behin bermeen gorteak ebazpena argitaratu eta Auzitegi Gorenak epaia aplikatzen duenean.
Iturri juridikoek jakitera eman dutenez, epaile aurrerakoien zazpi botoekin atera da ebazpena, kontserbadoreen aurkako bost botoen kontra. Gauzak horrela, Dolors Bassa kontseilari ohiaren helegitea babestu dute, Candido Conde-Pumpido presidentearen txostenetik abiatuta. Jose Maria Macias epaile kontserbadoreak bertan behera utzi du Jordi Turull kontseilari ohiaren helegitearen inguruko bere proposamena.
Horrela, Conde Pumpidoren ebazpenak doktrina ezarriko du 'proces'-agatik ihesean dauden kondenatuen eta auzipetuen egoeran, tartean Puigdemont presidente oiharenean.
Epaiak diru publikoa bidegabe erabiltzearen delitua amnistiatutzat jotzeko ebazpen berri bat emateko agindu dio Auzitegi Gorenari, "lehentasunez eta presaz".
Dena den, iturri judizialen arabera, auzitegiko presidentearen ponentzia zertxobait aldatu da, zehazki, Gorenaren irizpidearekin gogortzat jotzen ziren adierazpen batzuk leundu dira. Hala ere bost kontserbadoreek boto partikularra emango dutela iragarri dute dagoeneko, espero zen bezala.
Zure interesekoa izan daiteke
Sanchezen iragapenak zerrendaburuak aukeratzeko prozesuak azkartzera eraman ditu alderdi politikoak
Nola eska daiteke posta bidezko botoa azaroaren 29ko hauteskunde orokorretarako?
Otxandiano: "Ezkerraren mobilizazio handi baterako baldintzak badaude"
Espainiako Aldizkari Ofizialak hauteskundeak azaroaren 29ra aurreratzeko dekretua agitaratu du
Albiste izango dira: hauteskunde aurrerapena, etxebizitza dekretuak eta Arte Ederren Bilboko Museoa
Espainiako Gobernuak gaur onartu asmo ditu etxebizitza dekretuak
Konstituzio Auzitegiak gaur emango dio amnistia diru publikoa bidegabe erabiltzearen delituari
Nola helduko dira alderdiak hauteskundeen lehiara?
