32 urteko espetxe-zigorra Agirresaroberi, Pagazaurtundua hiltzeagatik
Auzitegi Nazionalak 32 urteko espetxe-zigorra ezarri dio Gurutz Agirresarobe ETAko ustezko kideari Joseba Pagazaurtundua Andoiango (Gipuzkoa) Udaltzaingoaren arduraduna hiltzeagatik. ETAko kidea izatearen delituari dagokionez, hau ez da "argi eta garbi egiaztatuta geratu" eta ondorioz, delitu honengatik Agirresarobe absolbitu du.
Horrela adostu du auzitegi honen Zigor-Epaitegiaren hirugarren gelak. Honen arabera, Agirresarobe "Euskal Askapenerako Mugimendu Nazionalean zegoen murgilduta" eta ETAren aginduei jarraituz, Pagazaurtundua hiltzea erabaki zuen. Gainera, armak edukitzeko baimenik ez izateagatik ere zigortu dute Agirresarobe.
Magistratuen arabera, Udaltzaingoaren arduraduna tirokatu baino lehen Andoiango Daytona tabernan Agirresarobek hartutako kafe-katilu batetik lortutako DNA "nahikoa" da hura epaitzeko, Fernando Grande-Marlaska Auzitegi Nazionaleko epailearen aurrean deklaratzen zegoela Agirresarobek edan zuen ur-botilaren DNArekin bat egiten duelako.
Horrela, 2003ko otsailaren 8an arropa ilunekin jantzita Agirresarobe Andoaingo Daytona tabernan sartu zen eta atearen ondoan eserita, kafesne bat eskatu zuen eta egunkaria irakurtzen hasi zen.
Hogei minutu igaro ostean, tabernan langile bakarra eta bi bezero bakarrik egonda, Pagazaurtunduaren mahaira hurbildu zen eta lau aldiz tirokatu zuen.
Hala ere, talde armatuaren kidea izatearen akusazioa "frogarik gabe" dagoela ebatzi dute epaileek, "zenbait kasualitatek ETA eta Agirresarobe lotzen badute ere", esaterako, Beñat Aguinagalde ETAko ustezko kidearen errugbi talde berdinean aritzea eta 2010ko abuztuan atxilotutako Aitziber Ezkerraren bikotekidea izatea.
Pagazaurtunduaren hilketaren erruduna dela ebazteko beste hainbat frogak ontzat eman dituzte magistratuek, tartean, azaroan epaiketan deklaratu zuten tabernako lekukoak.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.