EH Bilduk 11 teknikariz osaturiko gobernu taldea aurkeztu du
ildu koalizioak EAEko hauteskundeak irabaztekotan izango lukeen gobernu taldea aurkeztu du.
EAren, Alternatibaren, Aralarren eta ezker abertzalearen koalizioak 11 teknikariz osaturiko taldea aurkeztu du Donostian eginiko ekitaldi batean. Taldearen buru, Laura Mintegi lehendakari izateko hautagaia.
Sei gizonezko eta sei emakumezko, horien artean Laura Mintegi, dira EH Bilduren taldeko kideak, guztiak, goi-mailako ikasketekin.
Sailburu izateko ibilbide politiko nabarmenena duen hautagaia Xabier Olano da. Egun, Gipuzkoako Ogasuneko zuzendaria eta Altzoko (Gipuzkoa) alkate ohia da. Herri Batasuneko eta Euskal Herritarrokeko batzarkide ohia ere bada.
Egungo Jaurlaritzako egitura aldatzea proposatu du EH Bilduk Sail berriekin, besteak beste, Herritarren askatasuna (Barne eta Justizia Saila), Aukera berdintasuna (lehendakariordetza) Elikadura burujabetza, Kanpo Harremanak, Justizia Soziala eta Hizkuntza normalizazioa Sailekin.
Hauteskundeak oraindik deitu ez diren arren, dagoeneko gobernu taldea aurkeztea erabaki dutela azaldu du Mintegik, izan ere, "alderdiaren lehentasuna egitea da, eta horretarako, lan egiteko taldea aurkeztu nahi genuen lehenengo", adierazi du.
Koalizioaren asmoa bi ardatzetan oinarrituta dagoela gaineratu du: "Euskal Herri justuagoa lortzea eta burujabetza lortzeko oinarri sendoak ezartzea".
EH Bilduk Jaurlaritza eskuratuz gero, "politika egiteko era aldatzeko", Sailen izenak aldatuko dituela esan du Laura Mintegik, "kontzeptu berriek hizkuntza berriak behar dituztelako".
"Irtenbideak lortzeko aroa" dela azaldu du EH Bilduko hautagaiak, eta "arazo errealei erantzun errealak" ematekoa. Ildo honetan, "irtenbideen inguruan hitz egin nahi duen orok EH Bildu topatuko du", esan du.
Azkenik, polizia egungo egoera politikora egokitzeak "erabateko lehentasuna" duela esan du Mintegik. "Erkidegoaren zerbitzura dagoen euskal polizia bat nahi dugu, ez polizia errepresibo eta militarizatua", eta polizia eredua "zehazteko" prozesu bat sustatuko dutela gaineratu du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.