Herrirak dio frogek Uribetxebarriaren larritasuna erakusten dutela
Herrira euskal preso politikoen aldeko kolektiboak dio Donostia Ospitalean Iosu Uribetxebarria presoari eginiko analisi medikuek “daukan tumorea gaiztoa dela eta bere biziarekin bukatuko duela” ziurtatu dutela.
Uribetxebarriari astelehen honetan eginiko frogen berri izan dute familiako kideek, eta horien arabera egoera atzeraezina eta oso larria da, kolektibo horrek komunikatu baten bitartez azaldu duenez.
Herriraren arabera, presoak zortzi kilo galdu ditu gose grebaren zortzigarren egunean, eta “oso ahul dagoela” gaineratu dute.
Erakunde horrek, presoaren baldintzapeko askatasuna lortzeko helburuarekin, Bilbon larunbat honetarako mobilizazio orokor bat deituko duela aurreratu du.
Brian Currin
Brian Currin Hegoafrikako abokatua buru den Nazioarteko Harreman Taldeak adierazi duenez, "ez dago Josu Uribetxeberria ez askatzeko justifikaziorik, erabakia ez dagoelako arrazoi politikoetan oinarrituta, giza arrazoietan baizik".
Currinen taldeak ohar baten bidez azaldu duenez, "presoak artatzeko Giza Eskubideetan, Europako espetxeetako eta NATOko araudietan jasotako oinarriak izan behar dira gose greban dagoen presoaren egoera konpontzeko gida". Uribetxeberria Donostiako Ospitalean dago, gose greban, zazpigarren egunez.
"Euskal Herrian zabaldu den egoera berriarekiko konpromisoa erakusteko aukera ona du Espainiako Gobernuak", azpimarratu du taldeak. "Lagun guztien duintasuna bermatzeko baldintzak sortu behar dira Euskal Herrian", adierazi du.
Errekondo
Xabier Mikel Errekondo Amaiurreko diputatuak "aintzineko zama" gainetik kentzeko eta Josu Uribetxeberria ETAko presoa aske uzteko eskatu dio Espainiako Estatuari. Uribetxeberriak zortzi egun darama gose greban. Errekondo Donostiako Ospitalean izan da, presoari bisita egin dio, eta ondoren, Herrirak deitutako elkarretaratzean parte hartu du.
Juan Karlos Izagirre Donostiako alkatea, Martin Garitano Gipuzkoako ahaldun nagusia, Tasio Erkizia eta Miren Legorburu ezker abertzaleko kideak, Bakartxo Ruiz Bilduko kidea, Maite Aristegi eta Alberto Unamunzaga Amaiurreko kideak, Patxi Zabaleta Aralarreko idazkari nagusia, LABeko ordezkariak eta Koldo Amezketa EAko kidea izan dira bertan.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.