Auzitegi Nazionalak urrira atzeratu du Parot doktrinaren eztabaida
Giza Eskubideen Europako Auzitegiak Parot doktrinaz kaleratutako epaia urriaren 10ean aztertuko du Auzitegi Nazionalak. Epaia gaur aztertu dute, baina ez dute adostasunik lortu. Ines del Rio ETAko kidea kartzelatik ateratzea eskatu zuen Estrasburgok epai horretan, Parot doktrina modu ''irregularrean'' aplikatua izan zela iritzita.
Giza Eskubideen Europako Auzitegiaren ebazpena jakin ondoren, ETAko presoa aske uzteko eskatu zuten haren abokatuek. Horren aurrean, Auzitegi Nazionaleko zigor aretoak gaia osoko bilkurara igortzea erabaki zuen, eta, beraz, 18 epailek izango dute gaia jorratzeko ardura.
Fiskaltza kontra agertu da
Estrasburgoko epaia irmoa ez dela oinarri hartuta, Ines del Rio aske uztearen kontrako agertu zen Auzitegi Nazionaleko Fiskaltza. Horren ustez, Giza Eskubideen Europako Auzitegiaren ebazpena ''adierazpena'' da, eta, Estatuak hartu behar du erabakia, Ministroen Kontseiluak gainbegiratuta.
Hala ere, Ministerio Publikoak onartu zuen Giza Eskubideen Europako Auzitegiak gaitasuna duela ''indarrean jarri beharreko neurri zehatz bat finkatzeko, eskubide urraketa eten dadin''. Gerta liteke, gainera, ''neurri horrek beste aukerarik ez uztea''.
Ines del Rioren kasuan, Estrasburgok ez du epaia gauzatzeko behin-behineko agindurik eman, Fiskaltzak azaldu duenez, eta, beraz, ''ez da egokia presoa libre uztea''. Gainera, Espainiako legediak ez du ezartzen zein organori dagokion Europako auzitegi baten epai finko bat aurrera eramatea.
Behin betikoa denean, baina, Konstituzionalari egokituko zaio ebazpena nola bideratu erabakitzea.
Zure interesekoa izan daiteke
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Plus Ultra auziko epaileak uste du Zapaterok eta bere ingurukoek 1,9 milioi euroko irabaziak izan zituztela
Espainiako Gobernuko presidente ohia ekainaren 2rako deitu dute Auzitegi Nazionalera, eragimen-trafikoa eta lotutako beste delitu batzuk egotzita.
Zapaterok ziurtatu du “inoiz” ez duela Plus Ultraren aldeko gestiorik egin
Gobernuko presidente ohiak adierazi duenez, bere "jarduera publiko eta pribatu guztia legea erabat errespetatuz egin da beti".
Gobernuak espero du “Justiziak justizia egitea” Zapaterorekin, eta haren ondarea defendatu du
Gobernuaren bozeramaile Elma Saizek adierazi du pandemian hainbat airelineari emandako maileguek enpresak eta lanpostuak salbatzeko aukera eman zutela.
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzia 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Voxek eskatutako zentsura mozioari ez ikusiarena egin dio PPk, eta fokua Sanchezen inbestidurako alderdiengan jarri du
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.