Estrasburgoko Auzitegiak Espainia zigortu du 'Parot dotrina'gatik
Europako Giza Eskubideen Auzitegia, Estrasburgokoa, 'Parot dotrina'ren kontra agertu da, Ines del Rio Prada ETAko kide ohia zigorraren berrikuspen batengatik kartzelan mantentzea "irregularra" delakoan.
Aho batez hartutako erabakiaren arabera, Espainiak 30.000 euroko kalte-ordaina eman beharko dio presoari kalte moralagatik, eta "ahal bezain laster" libre utzi beharko du.
Estrasburgoko Auzitegiak lehenengo aldiz eman du ebazpen bat 'Parot dotrina' izenekoaren inguruan. Auzitegi Gorenak 2006an ezarritako arau bat da hori. Horren arabera, presoak kartzelan lortzen dituen zigor murrizketak kartzela-zigor osoari aplikatzen zaizkio, ez 30 urteko gehienezko kartzelaldiari.
Estrasburgoko epaileek ontzat jo dute horrela Del Rioren defentsak aurkeztutako helegitea.
Auzitegiak atzera bota du Auzitegi Nazionalaren ebazpena, espetxealdia 2008ko uztailaren 2tik 2017ko ekainaren 27ra atzeratzea agintzen zuena. Espainiak Europako Giza Eskubideen Hitzarmenaren 7. artikulua urratu duela iritzi dio auzitegiak, ezin baita zigorrik jarri 5. artikulua (askatasunerako eta segurtasunerako eskubidea) errespetatu gabe.
2008an utzi behar zuten libre
Del Rio (Tafalla, 1958) 1988ko uztailean atxilotu zuten Zaragozan, eta 3.000 urtetik gorako kartzela-zigorra jaso zuen, horietako 2.232 Iñaki de Juana Chaos buru zuen 'Madrid taldea'ri laguntzeagatik.
Libre geratu (2008ko uztailaren 2an askatu behar zuten) baino hilabete eta erdi lehenago, kartzelan 20 urte igaro ondoren, Auzitegi Nazionalak 'Parot dotrina' ezarri zion eta 2017ko uztailaren 27ra arte luzatu zion espetxealdia.
Gobernuak ez du presoa askatuko eta helegitea jarriko du
Jorge Fernandez Diaz Barne ministro espainiarrak jakinarazi du Gobernuak helegitea aurkeztuko duela Giza Eskubideen Auzitegiak emandako ebazpenaren kontra eta ez dutela ETAko kide ohia libre utziko, ihes egiteko arriskua dagoela iritzi diolako.
Jaurlaritza, "banan-banan" begiratzearen alde
Idoia Mendia Eusko Jaurlaritzaren bozeramaile eta Justizia sailburuak, berriz, ez du iritzirik eman nahi izan Estrasburgoko Auzitegiaren ebazpenak 'Parot dotrina'ri osorik eragiten dion ala ez, eta "banan-banan" aztertzearen alde agertu da.
Europako Giza Eskubideen Auzitegia, Estrasburgokoa, 'Parot dotrina'ren kontra agertu da, Ines del Rio Prada ETAko kide ohia zigorraren berrikuspen batengatik kartzelan mantentzea "irregularra" delakoan.Aho batez hartutako erabakiaren arabera, Espainiak 30.000 euroko kalte-ordaina eman beharko dio presoari kalte moralagatik, eta "ahal bezain laster" libre utzi beharko du. Estrasburgoko Auzitegiak lehenengo aldiz eman du ebazpen bat 'Parot dotrina' izenekoaren inguruan. Auzitegi Gorenak 2006an ezarritako arau bat da hori. Horren arabera, presoak kartzelan lortzen dituen zigor murrizketak kartzela-zigor osoari aplikatzen zaizkio, ez 30 urteko gehienezko kartzelaldiari.Estrasburgoko epaileek ontzat jo dute horrela Del Rioren defentsak aurkeztutako helegitea.Auzitegiak atzera bota du Auzitegi Nazionalaren ebazpena, espetxealdia 2008ko uztailaren 2tik 2017ko ekainaren 27ra atzeratzea agintzen zuena. Espainiak Europako Giza Eskubideen Hitzarmenaren 7. artikulua urratu duela iritzi dio auzitegiak, ezin baita zigorrik jarri 5. artikulua (askatasunerako eta segurtasunerako eskubidea) errespetatu gabe.2008an utzi behar zuten libreDel Rio (Tafalla, 1958) 1988ko uztailean atxilotu zuten Zaragozan, eta 3.000 urtetik gorako kartzela-zigorra jaso zuen, horietako 2.232 Iñaki de Juana Chaos buru zuen 'Madrid taldea'ri laguntzeagatik.Libre geratu (2008ko uztailaren 2an askatu behar zuten) baino hilabete eta erdi lehenago, kartzelan 20 urte igaro ondoren, Auzitegi Nazionalak 'Parot dotrina' ezarri zion eta 2017ko uztailaren 27ra arte luzatu zion espetxealdia.Gobernuak ez du presoa askatuko eta helegitea jarriko duJorge Fernandez Diaz Barne ministro espainiarrak jakinarazi du Gobernuak helegitea aurkeztuko duela Giza Eskubideen Auzitegiak emandako ebazpenaren kontra eta ez dutela ETAko kide ohia libre utziko, ihes egiteko arriskua dagoela iritzi diolako.Jaurlaritza, "banan-banan" begiratzearen aldeIdoia Mendia Eusko Jaurlaritzaren bozeramaile eta Justizia sailburuak, berriz, ez du iritzirik eman nahi izan Estrasburgoko Auzitegiaren ebazpenak 'Parot dotrina'ri osorik eragiten dion ala ez, eta "banan-banan" aztertzearen alde agertu da.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.