Iparraldeko gehiengo politikoa, Aurore Martinen atxiloketaren kontra
500 lagun inguru bildu dira astelehen honetan Baionan, Aurore Martin Batasuneko kidearen atxiloketa salatzeko. Bakebideak, Iparraldeko hainbat alderdik, sindikatuk eta gizarte eragilek osatzen duten mugimenduak, deitu du manifestazioa.
Bilkuran, Bakebideko kideak eta Iparraldeko hautetsi nagusiak egon dira, besteak beste. Izan ere, Iparraldeko gehiengo politikoko kideak bildu ditu Baionako protestak.
Ordezkaritza horretako hamar bat kide (Fronte Nazionala salbu) Gobernuko ordezkariarekin bildu dira ondoren. Egoitza aurrean polizia hesia aurkitu dute elkarretaratzea egitera joan direnek, baina hamar laguneko ordezkaritza horri barrura sartzen utzi diote, eta François Hollande presidenteari zuzendutako gutun bat aurkeztu dute bertan.
Idatzi horretan, ''bake prozesua errazteko Euskal Herrian izan den aldaketa politikoa kontuan izantea'' eskatu diote presidenteari, Colette Capdeviell diputatu sozialistak kazetariei azaldu dienez.
Jean Jacques Lasserre MODEM alderdi zentristako kideak esan duenez, ''Euskal Herriko bake prozesuaren alde'' egin dute bilera horretan.
Max Brisson UMP alderdi kontserbadoreko ordezkariak, berriz, Aurore Martin aske uztea eskatu du. Halaber, Martinen atxiloketa ''ezustekoa'' izan zela esatean Frantziako agintariek erakutsitako ''zinismo politikoa'' salatu du.
Frantziako Poliziak ostegun arratsaldean atxilotu zuen Aurore Martin Maulen (Zuberoa), errepide kontrol batean, eta espainiaratu egin zuen.
''Ez zen klandestinitatean bizi''
Manifestazioaren ondoren, Aurore Martin ''klandestinitatean'' bizi ez zela argitzeko ohar bat bidali du atxilotuaren familiak, eta, bertan, hori frogatzeko zenbait izapideren berri eman dute. Hala, 2011ko ekainean nortasun agiria berritzeko eskaera aurkeztu zuen Martinek Baionan bertan, familiak azaldu duenez.
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko San Joan jaietan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die bi taldeoi.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano: "Akordiorik ez badago, Pradales lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.