Sortu bere 'ardatz politikoa' aztertzen eta zehazten ari da
Sortu ezker abertzalearen alderdi berria bere "ardatz politikoa" aztertzen ari da Euskadiko eta Nafarroako 240 biltzarretan.
Horretarako, ETAko presoen lehen ekarpenak jasotzen hasi da. Ekarpen horiek bost kartzelatako presoek egin dituzte, Joseba Alvarez ezker abertzaleko ordezkariaren arabera.
Alvarezek gogora ekarri du iragan hilean proposatutako "Oinarri Ideologikoak" eztabaidatu zituztela eta 400 zuzenketa baino gehiago aurkeztu zirela. Zuzenketa guztiak 60tan bildu dituzte eta horiek izango dira azkenean bozkatuko direnak.
Zuzenketa gehienak hiru alorrekin lotuta daude: "Euskal herriaren etorkizuna" Europan Batasunean, sozialismo eredua, eta hizkuntza-normalizazioa.
Larunbateko biltzarretan egiten ari diren eztabaida politika arloari dagokio gehienbat, izan ere, Alvarezen arabera, hori baita alderdi berriaren erakuntzaren "ardatz nagusia". Ardatz horrek alderdi berriaren "estrategia" eta "taktika" erabakiko ditu Sorturen etorkizuneko "lan politikoan".
"Euskal Herriaren eraikuntza"
Ardatz politikoaren barruan "borroka demokratikoa", "desobedientzia zibila", "gatazkaren konponbidea" eta "Euskal Herriaren eraikuntza" aipatzen dituzte. Alvarezek iragarri duenez, egun osoan biltzen dituzten zuzenketak ere taldeka bilduko dituzte ondoren bozkatu ahal izateko.
Joseba Alvarezek konfirmatu egin du hilaren 23an alderdi berria sortzeko kongresua egingo dutela, baina lekua zehaztu gabe dago. Kongresu horretan ETAko presoek egindako ekarpenak ere aintzat hartuko dituzte.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.