Kataluniako diputatuak, Toledo eta Bardem, presoen eskubideen alde
Willy Toledo eta Pilar Bardem aktoreek eta Federico Mayor Zaragoza Unescoko zuzendari ohiak babesa agertu diote presoen aldeko larunbateko manifestazioari. Manifestazioa Bilbon izango da, Herrirak deituta.
Ekitaldia "Derechos humanos. Solución. Paz. Euskal Presoak Euskal Herrira" lelopean egingo dute eta dispertsioaren amaiera, larri gaixo dauden presoen askatzea eta Parok doktrina ezartzeari uztea (hau da, kartzela-zigorrak gehiago ez luzatzea) eskatuko dute.
Bestalde, CiU, ERC, ICV-EUiA eta CUP alderdi kataluniarretako zenbait ordezkarik adierazpen bat sinatu dute ETAko presoak Euskadira hurbiltzea eta larri gaixo daudenak askatzea eskatzeko, besteak beste. Manifestua sinatu dutenen artean, Carles Campuzano (CiU), Oriol Junqueras (ERC) eta Ernest Maragall sozialista ohia daude.
"Giza Eskubideak. Konponbidea. Bakea. Euskal Presoak Euskal Herrirza" izenburupean, adierazpenak ETAko presoak Euskadira hurbiltzea, larri gaixo daudenak askatzea, kartzela-zigorren luzapenarekin eta biziarteko kartzela-zigorrarekin amaitzea eta preso eta gizaki bezala dituzten giza eskubideak errespetatzea eskatu dute.
EAJren eta EH Bilduren arteko ika-mika
Aste honetan bertan, ETAko presoak politikarien ahotan izan dira. Pernando Barrena ezker abertzalearen bozeramaileak "gezurretan" aritzea leporatu dio EAJri, euskal presoen alde lan "diskretua" egiten ari dela esateagatik; izan ere, Barrenaren arabera, EAJ "geldirik" egoteak "PPk politika kriminala aurrera eramatea eta prozesua boikotatzea ahalbidetu du".
Josu Erkoreka Eusko Jaurlaritzaren bozeramailea, bestalde, ezker abertzaleari zuzendu zaio, eta "lan isila" askotan "berriketa baino eraginkorragoa" dela esan dio. Horren harira, presoen alde "gutxiago hitz egiteko eta lan handiagoa egiteko" deia egin dio.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.