Estrasburgoko erabakiak alderdi politikoen erreakzioak ekarri ditu
Eusko Abertzale Ekintza (EAE-ANV) alderdiaren legez kanporatzea berretsi du gaur Giza Eskubideen Europako Auzitegiak, eta erabaki horrek Euskal Herriko alderdi nagusien erreakzioak ekarri ditu.
Auzitegi Gorenak 2008ko abenduaren 22an legez kanporatu zuen EAE-ANV, eta Konstituzionalak handik eta hilabetera baieztatu zuen. Epaian, EAE-ANV Espainiako demokraziarentzat "arrisku handia" zela adierazi du Estrasburgok.
Estrasburgoko erabakia "iraganean" geratzea eta "egungo eta etorkizuneko joko politikoa ez baldintzatzea" espero du Eusko Jaurlaritzak. Josu Erkoreka bozeramailearen esanetan, epaia "hor dago" eta "bete egin behar dugu".
EH Bildu koalizioak epaia deitoratu eta "Alderdien Legearen azken estertorea" izango dela gaineratu du. "Ibilbide demokratiko garden eta garbia egin duen alderdi bat legez kanporatzea lotsagarria da", adierazi dute koalizioko ordezkariek.
Ezker abertzalearen iritziz, epaia "ulertezina" da. "Ilegalizazioek ez diote ezer onik ekarriko Euskal Herrian ireki den aro berriari".
Antonio Basagoiti EAEko PPko presidenteak esan du "normala" eta "zentzuzkoa" dela Estrasburgok ANVren ilegalizazioa berrestea. "Gaurkoa pozik egoteko eguna da", adierazi du. "Ilegalizazioei esker, ETAk indarkeriaren amaiera iragarri behar izan du".
Gorka Maneiro UPyDko bozeramaileak nabarmendu duenez, Estrasburgoko erabakiak "bermatu" egiten du EH Bildu, Bildu eta Amaiur legez kanpo uzteko eskaera.
Zure interesekoa izan daiteke
Andueza: "EAJk Pasaiako portua elitetik atera eta mailaz jaitsi nahi du"
PSE-EEko idazkari nagusiak uste du portuen eta aireportuen titulartasuna Estatuarena dela, baita Gizarte Segurantza ere. Anduezak azpimarratu du "eragin negatiboa" izango lukeela Pasaiako portuak interes orokorreko portutzat izateari uzteak.
EAn primarioak deitzeko eskatuz Maiorga Ramirezek jarritako alegazioa atzera bota du Arabako Probintzia Auzitegiak
Justiziak arrazoia eman dio Eusko Alkartasunari eta hortaz ez du hauteskunde primarioetarako deialdirik egin beharko. Eba Blanco EAko idazkari nagusiak azpimarratu duenez, bera buru duen zuzendaritzak" barne demokrazia eta legea betez jardun du". Bestalde, Blancok iragarri du ez duela karguan jarraituko aurten egin behar den ohiko kongresutik aurrera.
Sumarrek irmo gaitzetsi du Bizkaiko lau eskola publiko fusionatzeko Hezkuntza sailak hartutako erabakia
Alba Garcia Euskadiko Sumarren buruak esan du Jaurlaritza demografiaren beherakadaren aitzakia ari dela erabiltzen zentro publikoak ixteko.
GKSko bi kide Iruñeko Erorien Monumentutik zintzilikatu dira eta eraisteko eskatu dute
GKSk ohar batean azaldu duenez, "Erorien Monumentua frankismoan hainbeste langile hil zituzten faxistak omentzeko eraiki zuten". "Horregatik, eraistea defendatzen dugu", adierazi dute.
Aitor Esteban: "Ez dago arrazoirik Getxoko alkatearen dimisioa eskatzeko, ez dago ikerketapean"
Aitor Esteban EBBko lehendakariak Euskadi Irratian azaldu duenez, eskura duten inofmazioaren arabera, "alkateak ez zuen inoiz eraikina botatzeko baimenik eman" eta promotoreari leporatu dio ekintza hori. Udalean "dena egin da legearen barruan" bere hitzetan, baina ziurtatu duenez, bestelako informaziorik ateratzen bada, eurak izango dira "lehen interesatuak gauzak argitu daitezen".
'Herritu' ekimena aurkeztu die Gure Eskuk gizarte eragileei
Euskal komunitatea sendotzeko beste jauzi bat emateko sortu zen udazkenean 'Herritu' dinamika, eta atxikimendu gehiago eskuratzeko lanean jarraitzen du Gure Eskuk. Gaur Euskal Herriko hainbat gizarte eragileren aurrean egin dute aurkezpena, Bilbon. "Norberaren euskal herritartasuna adierazteko tresna bat da eta euskal komunitatea trinkotzea du helburu", esan du Gure Eskuk.
"Mina minaren gainean" eragitea egotzi dio Rosa Zarraren familiak Atutxari
Joan den asteburuan ETBn egindako elkarrizketan, Barne sailburu izandakoak esan zuen Zarraren familiari barkarmena eskatzeko arazorik ez zuela, baina zehaztu zuen ETAk hildako 15 ertzaintzen familiek ere zerbait entzun nahiko luketela. "Gauza asko sartu beharko genituzke pakete horretan", adierazi zuen.
Otegik dio sailburuarekin baieztatu ondoren zabaldu zutela txertoen gaineko informazioa
EH Bildu arduraz aritu dela afera honetan jakinarazi du Arnaldo Otegik, haurrei eragiten dien arazoa delako. Sailburuarekin hitz egin ondoren errejistratu zituztela galderak Legebiltzarrean azaldu du.
Amaia Agirre, Getxoko alkatea: "Oposizioak dimititu dezadan eskatzen duelako ez dut dimitituko"
Oposizioko hiru taldeek (PP, EH Bildu eta Elkarrekin Podemos) talde moreak aurkeztutako premiazko mozio bat onartu dute, EAJko alkatearen kargugabetzea eskatzeko, Irurak Bat jauregiaren eraisketari lotuta egindako kudeaketagatik.
Donostiako Udalak ez du lizentzia gehiago emango tentsionatutako auzoetan hotelak eta pisu turistikoak ezartzeko
Donostiako Udalbatzak aho batez onartu du hotel eta ekipamendu turistikoei mugak ezartzen dizkien plan orokorraren aldaketa. EH Bilduk uste du berandu datorrela aldaketa.