Jonan Fernandezen esku utzi du Urkulluk Bakerako Idazkaritza berria
Iñigo Urkullu lehendakariak Bake eta Bizikidetza Idazkaritza berria aurkeztu du, eta Jonan Fernandez Baketik fundazioko zuzendaria izango da bertan idazkari nagusia. Monica Hernandoren esku (Unesco Etxea) egongo da Giza Eskubideen zuzendaritza, eta Txema Urkijo ''biktima guztien'' aholkulari eta koordinatzailea izango da.
Lehendakariak azaldu duenez, idazkaritza orokor bakarra izango da, Lehendakaritzaren menpe, eta memoriaren, biktimen eta giza eskubideen inguruko politika guztiak biltzea izango du helburu. ''Aurretik zeuden azpiegiturak murrizten ari gara'', gaineratu du.
''Iraganaren berrikusketa kritikoa'' egiteaz gain, bakea eta elkarbizitza sendotzea ere bilatuko du idazkaritza berriak. ''Hiru pertsona eta lantalde bat aurkeztu nahi ditut: Lantaldea behar dugu eta talde lana egin behar dugu'', gaineratu du lehendakariak.
Bakegintza eta elkarbizitza arloetan ''ahalik eta adostasun handiena'' lortzea izango du idazkaritzak helburu, eta hiru ardatz aipatu ditu lehendakariak: ''Atzera begira, gertatutakoa ez ahaztea; orainari begira, betiko bakea lantzea; eta, etorkizunari begira, bizikidetzaren kultura indartzea''.
Horretarako, adostasun instituzional eta politikoaz gain, gizartearen adostasuna ere beharrezkoa izango dela uste du lehendakariak.
Kritikak
Lehendakariak ez ditu Jonan Fernandezen izendapen dela-eta PP eta UPyD alderdiek eta AVT biktimen elkarteak egindako kritikak baloratu nahi izan, eta Fernandez, Hernando eta Urkijo idazkaritzarako pertsona ''egokiak'' direla defendatu du Urkulluk. Halaber, hirurak EAJko kide ez direla gogoratu du lehendakariak. ''Ez naiz kritiketan fijatuko. Etorkizunera begiratu nahi dut, ilusioz eta esperantzaz'', esan du.
Memoriaren Institutua
Bestalde, Urkulluk gaur baieztatu duenez, idazkaritza berriaren esku egongo da Memoriaren Institutua definitzeko eta sortzeko lana. Halaber, Bakerako eta Elkarbizitzarako Plana garatzen joango direla baieztatu du.
''Erabateko konfiantza etorkizunean''
Jonan Fernandez Eusko Jaurlaritzako bakegintza taldeko buru berriak ''etorkizunean erabateko konfiantza'' duela esan du. Proiektu berriak ''euskarri sendoak eta lantalde ona'' dituela uste du, Baketik blogean idatzitako sarrera batean azaldu duenez.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.