Akordiorik ez Legebiltzarrean, ETAri buruzko testu bat onartzeko
Eusko Legebiltzarrak ez du akordioa lortu ETA desegitea lortzeko prozesuari buruz EAJk aurkeztutako testu bat onartzea, berdinketa izan baita berriz.
Testua EAJk PPren ekimen bati jarritako zuzenketa bat izan da. Joan den astean ere bozkatu zuten, eta orduan berdinketa izan zen. Izan ere, EAJren 27 legebiltzarkideek alde egin zuten, PSEk (16), PPk (10) eta UPyDk (1) aurka egin zuten, eta EH Bildu (21) abstenitu egin zen.
Gasteizko Ganberaren araudiaren arabera, berdinketa kasuetan errepikatu egin behar da bozketa, hurrengo saioan. Horretan ere berdinketa egotekotan, testua bertan behera geratzen da. Hori da, hain zuzen ere, gaur gertatu dena.
Joan den asteko saioan ikusi zenez, taldeak ez daude ados ETA desegitea lortzeko prozesuan eman beharreko pausoekin. PPren asmoa, gainera, Legebiltzarrak terrorismoa gaitzestea eta erakunde terroristari desegitea eskatzea zen.
Popularren ekimenak ez zuen aurrera egin, bere legebiltzarkideen, PSEren eta UPyDren babesa baino ez zuelako jaso. EAJk eta EH Bilduk aurka egin zuten.
Presoen kolaborazioaren inguruko proposamenak ere ez du aurrera egin
''Oraindik argitzeko dauden ETAren hilketen'' eta, horri lotuta, presoen kolaborazioaren inguruan UPyDk aurkeztutako proposamenak ere ez du aurrera egin. Bertan, presoek argitu gabe dauden delituak ikertzeko eskaintzen duten laguntza kontuan izatea eskatzen zuen Gorka Maneiroren alderdiak, baina proposamenak PPren eta UpyDren beraren babesa bakarrik lortu du.
Tasa judizialak
Bestalde, Rajoyren Gobernuak onartutako justizia lege berrian jasotzen diren tasa judizialak bertan behera uzteko proposamena onartu du Legebiltzarrak, EAJ, PSE-EE eta UPyD alderdien babesarekin. Hala, pertsona fisikoek tasa judizialak ordaintzeko betebeharra berehala bertan behera uzteko deia egin dio gaur Legebiltzarrak Gobernuari.
EH Bildu abstenitu egin da, eta PPk ezezko botoa eman du.
Bake lantaldea atzeratu dute
Bestalde, Legebiltzarrean bakeari eta bizikidetzari buruzko lantalde bat sortzeko eztabaida berriz ere atzeratu dute, taldeen artean akordioa lortzen saiatzeko.
Kontua ez dute gaurko gaien zerrendan sartu ere egin.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.